Morgunblaðið - 28.01.2021, Blaðsíða 28

28 FRÉTTIRInnlent
MORGUNBLAÐIÐ FIMMTUDAGUR 28. JANÚAR 2021
Valin
undirföt,
náttföt, náttkjólar,
sloppar og sundföt á
50% afslætti og hluti af
úrvalinu einnig aðgengilegt í vefverslun
www.selena.is
Útsalan
í fullum
gangi
Bláu húsin v/Faxafen • Sími 553 7355 • Vefverslun: selena.is
50%
afsláttur af
öllum útsölu-
vörum
Stefán E. Stefánsson
ses@mbl.is
„Toyota er opið fyrir samstarfi við
stjórnvöld um allan heim þegar
kemur að innleiðingu vetnis sem
orkugjafa. En við teljum að frum-
kvæðið þurfi að koma frá þeim sem
vilja samstarf við okkur.“ Þetta seg-
ir Freddy Bergsma, yfirmaður vetn-
ismála hjá Toyota í Evrópu, í samtali
við Morgunblaðið þegar hann er
spurður út í hvort sú tækni sem
fyrirtækið hefur hannað á þessu
sviði gæti nýst í tilraunaskyni hér á
landi. „Við getum ekki varið óhemju
orku í að sannfæra stjórnvöld eða
aðra um ágæti þessarar tækni. En
við erum opin fyrir samstarfi þar
sem það getur orðið til þess að ryðja
þessari tækni braut,“ segir Bergsma
til útskýringar.
Toyota hefur á síðustu árum fjár-
fest gríðarlega í þróun vetnis-
tækninnar og forsvarsmenn fyrir-
tækisins fullyrða að samhliða mikilli
rafvæðingu samgangna muni vetnið
leika lykilhlutverk í orkuskiptum
heimsins. Í mörgum tilvikum henti
það sem orkugjafi betur en hreinar
rafhlöður. Það eigi t.d. við þar sem
verið er að knýja áfram þyngri far-
artæki á borð við flutningabíla og
strætisvagna en þá sé það einnig
ótvíræður kostur þegar kemur að
minni farartækjum eins og fólks-
bílum hversu stuttan tíma það taki, í
samanburði við rafbíla, að hlaða
orku á vetnisbíla. Í grunninn er
vetnistæknin þó leið til að framleiða
rafmagn. Vetninu er veitt inn á efna-
hverfil sem blandar það súrefni. Við
það losnar orka úr læðingi og eini út-
blásturinn er vatn. Því er vetni í
raun ein skilvirkasta þekkta leiðin
sem þekkt er til þess að geyma raf-
magn. Samhliða því sem Toyota hef-
ur tekið forystu á sviði vetnis-
tækninnar hefur fyrirtækið efnt til
margþætts samstarfs um innleið-
ingu hennar. Það hefur fyrirtækið
m.a. gert í Kína þar sem ætlunin er
að byggja upp samfélög hreinnar
orku. Þá notast H2.City Gold-
strætisvagnar hins portúgalska
CaetanoBus SA við vetnistækni
Toyota. Hafa vagnar frá fyrirtækinu
nú þegar verið teknir í notkun, m.a. í
Barcelona.
Vetnisvagnar voru í notkun hér á
landi í upphafi aldarinnar en þeir
voru teknir úr rekstri að tilrauna-
tímabili loknu. Bergsma segir að nú
sé komin miklu betri reynsla á
tæknina og framþróun hafi verið
mikil á síðustu árum. Þegar blaða-
maður bendir honum á þá undarlegu
staðreynd að nýta þurfi olíu til þess
að kynda upp farþegarými raf-
magnsstrætisvagna á götum
Reykjavíkur, segir Bergsma að það
sé dæmi um það hversu heppileg
vetnistæknin getur reynst.
„Í vetnisvögnum er hitinn sem
myndast við efnahvörfin í efna-
hverflinum notaður til þess að hita
innanrýmið. Þannig nýtist orkan
sem vetnið er nýtt til að búa til á
fleiri vegu en einn.“
Ný kynslóð af Mirai
Fyrir tveimur árum komu fyrstu
Toyota Mirai-bílarnir til Íslands en
það eru fyrstu fólksbílarnir sem
fyrirtækið framleiðir sem ganga fyr-
ir vetni. Útbreiðsla þeirra hefur þó
ekki orðið mikil enda framleiðslan á
þeim mjög takmörkuð og verðið til-
tölulega hátt.
Á liðnu ári kynnti Toyota hins
vegar til sögunnar næstu kynslóð
Mirai sem er afar laglegur bíll sem
vakið hefur talsverða eftirtekt.
Fram hefur komið að verð á slíkum
bíl er frá 64 þúsund evrum í Þýska-
landi, eða ríflega 10 milljónir króna.
Páll Þorsteinsson hjá Toyota segir
ekki liggja fyrir hvenær fyrstu bíl-
arnir af þessari kynslóð verða fluttir
til landsins né heldur hvert verðið á
þeim verði.
Bergsma segir aðspurður að verð-
ið standi ekki í fólki og eftirspurnin
eftir bílnum sé mikil. Hins vegar
megi gera ráð fyrir að kostnaður við
framleiðslu vetnisbíla muni fara
lækkandi á komandi árum og að það
muni endurspeglast í verði þeirra.
Spurður hvort vetnistæknin muni
ryðja sér til rúms í vinsælum undir-
tegundum á borð við LandCruiser,
segir Bergsma að Toyota upplýsi
ekki um það. Hins vegar megi lesa í
fyrri sögu. Þannig hafi hybrid-tæknin
fyrst verið kynnt í hinum nýja Prius á
sínum tíma en síðan verið staðfærð á
önnur módel frá fyrirtækinu. – Það
er því margs spennandi að vænta, ef
sagan hefur eitthvert forspárgildi.
Toyota opið fyrir vetnissamstarfi
 Japanski bílaframleiðandinn er leiðandi í margháttuðu samstarfi um vetnisvæðingu víða um heim
 Nýi Mirai kostar um 10 milljónir í Þýskalandi  Ekki ljóst hvenær hann verður í boði hér á landi
Morgunblaðið/Stefán Einar
Glæsikerra Ný kynslóð Mirai var m.a. kynnt á sýningu í Amsterdam í upphafi síðasta árs og hlaut mikla athygli.