Morgunblaðið - 28.01.2021, Qupperneq 52

52 DÆGRADVÖL
MORGUNBLAÐIÐ FIMMTUDAGUR 28. JANÚAR 2021
50 ára Skúli er Reyk-
víkingur, ólst upp í
Breiðholti og Laug-
arneshverfi og býr í
Breiðholti. Hann vinnur
hjá BB Rafverktökum.
Maki: Hrafnhildur Ósk
Brekkan, f. 1964, þjón-
ustustjóri hjá Frumherja.
Stjúpdætur: Guðbjörg Ingibjörg Al-
bertsdóttir, f. 1982, Sædís Harpa Al-
bertsdóttir, f. 1983, og Rakel Ösp Sigurð-
ardóttir, f. 1991.
Foreldrar: Jón Bergmann Skúlason, f.
1947, d. 2013, leigubílstjóri, og Þóra
Reimarsdóttir, f. 1946, húsmóðir í
Reykjavík.
Jón Skúli
Jónsson
Stjörnuspá
21. mars - 19. apríl 
Hrútur Gættu þess að ganga ekki svo hart
fram, að þú gefir sjálfum þér aldrei grið.
Mundu að allir eiga sinn rétt.
20. apríl - 20. maí 
Naut Gerðu ráð fyrir að rekast á alls konar
fólk úr fortíðinni næstu vikurnar. Engu fáið
þið breytt úr þessu en getið notað ykkur
reynsluna á ýmsan hátt.
21. maí - 20. júní 
Tvíburar Þú ert kannski ekki að leita að
nýjum verkefnum, en þau þefa þig uppi. Ein-
hver sem ekkert er að gerast hjá er ekki
skemmtilegur viðmælandi þessa dagana.
21. júní - 22. júlí 
Krabbi Fólk er til í að hjálpa þér eða hvetja
þig á einhvern hátt í vinnunni. Láttu ekki
velgengni stíga þér til höfuðs, dramb er falli
næst.
23. júlí - 22. ágúst 
Ljón Þú leggur þig allan fram í starfi og það
vekur almenna hrifningu yfirmanna þinna.
Gættu þess að ganga ekki of langt í til-
burðum þínum til að vekja athygli annarra.
23. ágúst - 22. sept. 
Meyja Þú skalt halda þig við þína sannfær-
ingu og láta ekki aðra villa um fyrir þér.
Taktu það rólega og einbeittu þér að nán-
ustu samböndum þínum.
23. sept. - 22. okt. 
Vog Sígandi lukka er best og það hefur
sannast á starfsferli þínum. Samræður um
óvenjulega hluti örva huga þinn.
23. okt. - 21. nóv.
Sporðdreki Þú ert eyðslukló í eðli þínu og
þar sem eyðslusemin liggur í loftinu þarftu
að fara sérstaklega varlega í dag. Foreldri
gæti krafist meiri athygli en endranær.
22. nóv. - 21. des.

Bogmaður Láttu ekki hlutina fara í taug-
arnar á þér og líttu fram hjá uppátækjum
vinnufélaga þinna. Töfrar þínir og þol-
inmæði geta skilað þér stöðuhækkun á
árinu.
22. des. - 19. janúar 
Steingeit Ekkert jafnast á við það að eiga
samskipti við fólk sem er jafn hnyttið – eða
næstum jafn hnyttið – og þú. Gefðu þér
tíma til að stunda innhverfa íhugun.
20. jan. - 18. febr. 
Vatnsberi Varastu að láta aðra ráðskast
með líf þitt þótt þeir þykist vita betur. Dekr-
aðu við sjálfan þig til þess að bæta það upp.
19. feb. - 20. mars

Fiskar Þú ert kappsfullur með áhuga á
mörgum sviðum og átt auðvelt með að laða
fólk til samstarfs. Taki menn höndum sam-
an má ná ótrúlegum árangri.
A
rnaldur Indriðason
fæddist 28. janúar 1961
í Reykjavík og ólst þar
upp. Hann var í
Hvassaleitisskóla og
tók samræmdu prófin frá Ármúla-
skóla, lauk stúdentsprófi frá
Menntaskólanum í Hamrahlíð 1981
og BA-prófi í sagnfræði frá Háskóla
Íslands 1996.
„Ég ólst upp í Stóragerðinu þegar
það var að byggjast upp á sjöunda
áratugnum. Þar var krökkt af
skemmtilegum krökkum sem dund-
uðu sér úti við allan liðlangan dag-
inn. Á sumrin fór ég í sveit í Skaga-
firði til þeirra sæmdarhjóna Hlífar
Árnadóttur og Kristmundar Bjarna-
sonar, fræðimanns á Sjávarborg.
Það var óborganlegur tími sem lifir
sterkt í minningunni.“
Arnaldur var blaðamaður við
Morgunblaðið 1981-83, kvikmynda-
skríbent við blaðið frá 1983 og kvik-
myndagagnrýnandi Morgunblaðsins
1986-2001. Arnaldur gaf út Mynd-
bandahandbókina, ásamt Sæbirni
Valdimarssyni, 1991.
„Fljótlega eftir að ég fór að starfa
við blaðamennsku á Morgunblaðinu
byrjaði ég að skrifa um kvikmyndir í
blaðið enda forfallinn bíóáhuga-
maður og var lengi kvikmynda-
gagnrýnandi, sem var mjög áhuga-
verður tími. Ég fór sömuleiðis í
sagnfræði vegna áhuga á sögu og
sagnfræðilegu efni. Hvort tveggja
reyndist einstaklega góður undir-
búningur undir rithöfundarferil sem
hófst undir lok aldarinnar þegar
fyrsta skáldsagan, Synir duftsins,
varð til upp úr hugmynd sem ég
hafði gengið með í maganum í svo-
lítinn tíma.“
Skáldsögur Arnaldar eru nú orðn-
ar 24 talsins og eru þar á meðal verk
eins og Mýrin, 2000; Grafarþögn,
2001; Röddin, 2002; Bettý, 2003;
Kleifarvatn, 2004; Konungsbók,
2006; Harðskafi, 2007; Furðustrand-
ir, 2010; Einvígið, 2011; þríleikur
sem gerist í síðari heimsstyrjöldinni
og hefst á Skuggasundi, 2013, Stúlk-
an hjá brúnni, 2018, en nýjasta
skáldsaga hans er Þagnarmúr sem
kom út um síðustu jól.
Þá hefur hann unnið útvarps-
leikrit upp úr nokkrum bóka sinna
sem Leiklistardeild ríkisútvarpsins
hefur flutt. Gerð var íslensk kvik-
mynd eftir Mýrinni, í leikstjórn Balt-
asars Kormáks, frumsýnd haustið
2006. Skáldsögur Arnaldar hafa ver-
ið þýddar á tugi tungumála og hlotið
frábærar viðtökur, en alls hafa selst
yfir 15 milljónir eintaka af skáldsög-
um hans og þær hafa komist á met-
sölulista í mörgum Evrópulöndum,
s.s. á Norðurlöndunum, í Þýska-
landi, Hollandi og í Frakklandi.
Arnaldur er langmest seldi rithöf-
undur núlifandi Íslendinga.
Arnaldur var sæmdur Glerlykl-
inum, norrænu glæpasagnaverð-
laununum, fyrir Mýrina, sem bestu
glæpasögu Norðurlanda 2002, og
aftur fyrir Grafarþögn, 2003; skáld-
sagan Kleifarvatn var tilnefnd til Ís-
lensku bókmenntaverðlaunanna
2004; Arnaldur var sæmdur Gullrýt-
ingnum, hinum frægu verðlaunum
Arnaldur Indriðason rithöfundur – 60 ára
Rithöfundurinn Bækur Arnaldar hafa selst í 15 milljónum eintaka og unnið til fjölmargra verðlauna.
Söluhæsti Íslendingurinn
Í New York Arnaldur áritar bók sína, Mýrina, eða Jar City eins og hún
nefnist á ensku, árið 2005, en það ár kom bókin út í Bandaríkjunum.
Herbert Guðmundsson, fyrrverandi rit-
stjóri og útgefandi, er áttræður í dag.
Hann var enn fremur félagsmálastjóri
Verslunarráðs Íslands og fram-
kvæmdastjóri Amerísk-íslenska versl-
unarráðsins. Börn hans eru Edda, tölv-
unarfræðingur hjá Reiknistofu
bankanna, og Heimir Örn hæstaréttar-
lögmaður, með eigin stofu sem heitir
Nestor og sérfræðingur hjá HR í sam-
keppnisrétti. Þau Edda og Heimir eiga
hvort fjóra stráka, átta afastráka Her-
berts.
Árnað heilla
80 ára
40 ára Lárus er Sel-
fyssingur og hefur
ávallt búið á Sel-
fossi. Hann er húsa-
smiður að mennt frá
Fjölbrautaskóla Suð-
urlands og er húsa-
smiður hjá bygginga-
fyrirtækinu Vigra.
Maki: Ingunn Helgadóttir, f. 1987, leik-
skólakennari á Jötunheimum.
Sonur: Arnar Magni, f. 2016.
Foreldrar: Guðmundur Jósefsson, f.
1956, skipstjóri og húsasmiður, og El-
ín Arndís Lárusdóttir, f. 1956, starfs-
maður Íslandspósts. Þau eru búsett á
Selfossi.
Lárus
Guðmundsson
Til hamingju með daginn