Þjóðmál - 01.06.2017, Side 72

70 ÞJÓÐMÁL sumarhefti 2017
Fyrir tíu dögum urðu söguleg tímamót þegar
þjóðaröryggisráð Íslands kom saman í fyrsta
skipti á grundvelli þjóðaröryggisstefnu fyrir
Ísland sem samþykkt var á Alþingi á síðasta
ári. Í fyrsta skipti lýðveldissögunni erum við
með tæki í höndunum þar sem horft er með
heildstæðum hætti á öryggismál og þær
áskoranir sem við stöndum frammi fyrir.
Þannig tekur þjóðaröryggisstefnan jafnt
til virkrar utanríkisstefnu, varnarstefnu og
almannaöryggis sem er nauðsynlegt þar sem
ógnir og áhættuþættir samtímans kalla á
samvinnu og samspil þvert á hefðbundnari
skilgreiningar innra og ytra öryggis. Ég bind
miklar vonir við starf þjóðaröryggisráðs og
framkvæmd þjóðaröryggisstefnunnar.
Hvað varnarstefnuna varðar […] tilgreinir
þjóðaröryggisstefnan aðild Íslands að Atlants-
hafsbandalaginu og varnarsamninginn við
Bandaríkin frá 1951 áfram lykilstoðir í vörnum
Íslands. Varnarmál þjóðarinnar hvíla þannig á
traustum grunni og skýrum skuldbindingum.
Þar hefur engin breyting orðið þótt forsendur
kalda stríðsins séu löngu horfnar og rúmur
áratugur liðinn frá því að varnarlið Banda-
ríkjanna fór af landi brott.
Þjóðaröryggisstefnan tilgreinir jafnframt
hættuna af hryðjuverkum sem höggva orðið
nærri okkur í tíma og rúmi – nú síðast í Man-
chester þar sem á þriðja tug manns lét lífið,
mestmegnis ungmenni. Þá er til staðar ógn
við tölvu- og netöryggi eða frá blönduðum
hernaði sem snýr að beinum eða óbeinum
hernaðaraðgerðum ásamt undirróðri og
áróðri af ýmsu tagi. Er þá ótalin ógnin af
gereyðingarvopnum og öll fylgjumst við með
stöðu mála á Kóreuskaga þessi misserin.
Öryggis- og varnarmál
Guðlaugur Þór Þórðarson
Þjóðaröryggi
í nýju ljósi
Hér er birt brot úr ávarpi sem
Guðlaugur Þór Þórðarson, utanríkis-
ráðherra, flutti á fundi Varðbergs
þann 1. júní sl. sem bar yfirskriftina
Þjóðaröryggi í nýju ljósi. Í ávarpi
sínu fór Guðlaugur Þór yfir störf
þjóðaröryggisráðs og þjóðaröryggis-
stefnu sem samþykkt var á Alþingi
á síðasta ári, varnarsamninginn við
Bandaríkin og stöðu okkar í NATO,
samskiptin við Rússland og margt
fleira.