Múlaþing: byggðasögurit Austurlands - 01.01.2003, Qupperneq 57

Fornleifarannsóknir á Skriðuklaustri
9. mynd. Ljósberi úr rústum Skrióuklausturs.
Samantekt
Klaustrinu, sem stofnað var á bænum
Skriðu í Fljótsdal undir lok 15. aldar, var
valinn staður undir hjalla nokkrum um 150
metrum neðan við bæjarstæðið sjálft. Stað-
urinn er í daglegu tali kallaður Kirkjutún
eða Kirkjuvöllur en líklega er hér verið að
vísa til kirkjunnar sem þar stóð fram til loka
18. aldar. Reistar voru veglegar byggingar á
staðnum sem líklega hýstu príora, munka,
próventufólk jafnt sem prestsefni sem sátu
þar á skólabekk.
Við uppgröft á byggingum klaustursins
hafa komið í Ijós þrjár afmarkaðar vistar-
verur og gangur sem tengir þær saman, auk
kapellu og kirkjugarðs. Fundur kapellunnar
er þó ótvírætt það sem hefur hvað mest
komið á óvart við rannsóknina hingað til.
Ekki var vitað til þess að kapella hefði verið
hluti af klausturbyggingunum vegna klaust-
urkirkjunnar sem þar stóð. Komið hefur á
óvart hversu vel hefur verið vandað til
bygginganna, veggir eru þykkir og undir-
stöður traustar. Svo virðist einnig sem
byggingamar hafi staðið á tveimur hæðum
eða að undir þeim hafi verið kjallari.
Klaustrið var annars reist úr torfi og grjóti.
Kapellan var einnig þiljuð að innan og með
hellulögðu gólfi.
Kapellan var grafin fram í nyrðri útjaðri
rústanna en gangur liggur frá henni að rúst
klausturkirkjunnar sem liggur syðst á
rannsóknarsvæðinu. Beggja vegna gangsins
eru herbergi, þrjú að tölu, og annar gangur
sem liggur undir enn ógrafið svæði. I einu
herbergjanna er ofn en þar hafa einnig fund-
ist nokkur ummerki eftir skriftir og jafnvel
bókagerð. í öðru herbergi fundust tveir
seyðar sem hugsanlega hafa verið notaðir til
blekgerðar. Á miðju heildarrannsóknar-
55