Múlaþing: byggðasögurit Austurlands - 01.01.2003, Qupperneq 84

Múlaþing
22. mynd. Geithellar. Krákhamarstindur lengst til hœgri.
eflaust heyrt nafnið þannig fram borið í för
sinni um Austfirði umrætt sumar. Þessi
framburður lifði enn góðu lífí í Alftafirði
öld síðar að mér er tjáð af heimamönnum.
Um það leyti hófu hinsvegar málhreins-
unarmenn skipulega aðför að framburði
fólks sem ekki fylgdi þeim staðli sem þeir
töldu hinn eina rétta. Ymsir menntamenn
og kennarar féllu fyrir þessari stefnu, sem
rann saman við baráttu við flámæli. Bræð-
umir Ami og Flosi Ingólfssynir á Flugu-
stöðum greindu mér nýverið (haustið 2003)
frá því að áhersla hafí verið á það lögð í
barnaskólanum þar í sveitinni að Geithellrar
(og Geithellar) væri rangt mál, og byggðar-
lagið skyldi heita Geithellnahreppur og
annað eftir því. Ingimar Sveinsson fyrrum
skólastjóri á Djúpavogi (f. 1927) ólst upp á
Hálsi í Hamarsfírði og segist aldrei hafa
heyrt menn þar um slóðir segja Geithellur,
alltaf Geithellar, Geithellahreppur og Geit-
helladalur. Margeir Jónsson fræðimaður frá
Ögmundarstöðum bréfaði í tengslum við
örnefnasöfnun þar eystra 1938, að engir
hellar fyndust í landi jarðarinnar „Geit-
hellur“ en bætir þó við: „Ég játa það, að
Geit(a)hellar væri skiljanlegra nafn, ef það
gæti stuðzt við staðháttu ... „! Starfsmenn
Landmælinga Islands þyrftu að vanda betur
til áður en næst eru gefín út kort af þessum
slóðum og þyrfti sitthvað fleira en „Geit-
hellur“ að fylgja með við þá endurskoðun.
Heimildir sem vísað er til
Ásgeir Blöndal Magnússon: íslensk orð-
sifjabók. Reykjavík 1995.
Eivind Weyhe, Fróðskaparsetri Færeyja.
Bréf til Svavars Sigmundssonar 2. nóv.
1989.
Fomleifaskrá. Skrc't um friðlýstar fornleif-
ar. Fyrsta útgáfa. Reykjavík 1990.
82