Fréttablaðið - 20.11.2021, Blaðsíða 112

Metnaðarleysið og
skorturinn á
nákvæmni skín í gegn
alls staðar, en Rockstar
Games hefur hingað til
einmitt verið þekkt
fyrir nákvæmni í
leikjum sínum.
Tölvuleikir
Grand Theft Auto: The Trilogy –
The Definitive edition
Útgefandi: Rockstar Games
Framleiðandi: Grove Street
Games
Spilaður á: PlayStation 5.
Einnig til fyrir Microsoft Windows,
Nintendo Switch, PlayStation
4, Xbox One, Xbox Series X/S,
Android og iOS
oddurfreyr@frettabladid.is
Það er margt hægt að segja um nýju
útgáfuna af Grand Theft Auto- leikj-
unum, en fátt af því er jákvætt. Flest
allt sem er jákvætt við þessa útgáfu
á rætur að rekja til þess að leikirnir
voru byltingarkenndir og sérlega
vandaðir á sínum tíma, en í þess-
ari endurútgáfu er búið að fara illa
með góðan efnivið og útkoman er
ókláruð, óvönduð og virkar illa.
Samt enn þá gaman
Byrjum á því jákvæða. Uppfærslan
á stýringunum er til bóta og það er
þægilegt að leikurinn visti nú sjálf-
virkt. Í San Andreas er líka komið
kerfi sem vistar árangurinn í miðju
verkefni, svo það þarf ekki alltaf að
byrja frá byrjun ef illa fer.
Þrátt fyrir alla gallana er ég búinn
að skemmta mér mjög vel. Sögurnar
og persónurnar eru skemmtilegar
og tónlistin og útvarpsþættirnir
eru æðisleg. Það er gaman að vera í
þessum heimum, flest verkefnin eru
skemmtileg og þau verða sífellt betri
eftir því sem líður á seríuna. Þetta
eru frábærir leikir í grunninn og
bæði þeir sem vilja rifja upp kynnin
og þeir sem hafa aldrei prófað þá,
ættu að geta haft mjög gaman af
þeim, sérstaklega ef þessi útgáfa
verður fínpússuð.
Bæði flottari og ljótari
Leikirnir líta að mestu leyti betur
út en áður. Bætt lýsing er sérstak-
lega áberandi kostur, sérstaklega í
neonljósum Vice City, auk þess sem
upplausnin á umhverfi er betri, svo
almennt hafa þessir heimar aldrei
litið betur út. En það eru líka komnir
nýir útlitsgallar. Rigningin í GTA3 er
til dæmis rosalega ljót og óraunveru-
leg og miklu verri en í gamla daga.
Hún getur líka litið mjög illa út í Vice
City og San Andreas, en það er ekki
jafn algengt. Leikirnir eiga líka til að
vera bæði of dimmir og of bjartir í
HDR og oft birtist fólk eða bílar bara
skyndilega rétt fyrir framan mann.
Svona mætti lengi telja.
Persónur líta líka bæði verr og
betur út. Aðalpersónurnar líta
almennt betur út, en margar auka-
persónur líta mun verr út en þær
gerðu á sínum tíma og þar var
greinilega ekki vandað til verka. Það
eru líka ýmsar hreyfingar sem líta
óeðlilega út eftir að persónunum
var breytt.
Leikirnir bjóða upp á valkost
milli „Fidelity“ og „Performance“
grafíkstillinga, sem er eiginlega út
í hött í leikjum sem eru komnir á
kosningaaldur. Það sem verra er, þá
halda leikirnir ekki 60 römmum á
sekúndu á „Performance“-stillingu
á PS5. Á nýjum leikjatölvum ættu
svona gamlir leikir að virka í 4K
upplausn og 60 römmum á sekúndu
án vandræða.
Þokan sem var áður í leikjunum
er horfin, sem virkar almennt vel í
GTA3 og Vice City, en í San Andreas
er furðulegt að geta séð á milli borga
og þetta lítur illa út úr mikilli hæð.
GTA5 og aðrir nýrri leikir nota líka
þoku til að gera umhverfið raunveru-
legra og það sama ætti að gera hér.
Ótrúlega ófullkomið
Svo hafa allir leikirnir óteljandi
galla, bæði þegar kemur að útliti og
virkni, svo vonandi fær þetta safn
bráðnauðsynlega uppfærslu. Það
sem virðist hafa gerst við framleiðslu
þessarar útgáfu er að í stað þess að
byggja á gömlu leikjunum, voru far-
símaútgáfur leikjanna teknar og þær
keyrðar gegnum hugbúnað sem jók
upplausnina. Svo var greinilega lítið
meira gert og sama og ekkert farið
yfir vinnuna til að tryggja að allt
væri í lagi. Útkoman er óvönduð og
ókláruð og þetta skapaði fjöldamörg
ný vandamál. Metnaðarleysið og
skorturinn á nákvæmni skín í gegn
alls staðar, en Rockstar Games hefur
hingað til einmitt verið þekkt fyrir
nákvæmni í leikjum sínum.
Mér finnst líka lélegt að tveir
leikmenn geti ekki lengur spilað
saman í San Andreas, eins og hægt
var í upprunalegu útgáfunni og mér
finnst líka að í „endanlegri útgáfu“
leikjanna ættu Liberty City Sto-
ries og Vice City Stories verkefna-
pakkarnir að fylgja með. n
NiðursTAðA: Það er sorglegt
og skammarlegt að það hafi verið
farið svona illa með þessi gömlu
meistaraverk. Metnaðarleysið var
algjört. Vonandi fær þessi útgáfa
fínpússun og ef það gerist verður
sannarlega hægt að mæla með
því að endurupplifa þessa leiki.
En það er því miður ekki hægt
að mæla með þeim í núverandi
útgáfu.
Sorgleg meðferð á meistaraverkum
Það var greini-
lega lítill metn-
aður lagður í
endurútgáfu
Grand Theft
Auto-leikjanna
sem komu fyrst
út á PS2.
MYND/ROCK-
STARGAMES.COM
Bývaxkerti
Margar gerðir
Krem, sápur
og olíur
Úrval fallegra listmuna sem fegra og gleðja.
Tilvalið í jólapakkann fyrir starfsmenn, vini og ættingja.
Verið hjartanlega velkomin í vefverslun Sólheima
Þorgrímur (E.B)
28.900 kr
Hestur (G.L.A)
5.900 kr
Doppa (K.A.S)
10.900 kr
Ástríkur (E.B.S)
13.900 kr
Líð á haus (E.B.S)
12.900 kr
Bolli með undirskál (E.B)
6.990 kr

Útikerti
68 Lífið 20. nóvember 2021 LAUGARDAGURFréttablaðið