Fréttablaðið - 20.11.2021, Blaðsíða 84

Fjórða matreiðslubók Evu
Laufeyjar Kjaran Hermanns-
dóttur, Bakað með Evu,
kom út á dögunum og segir
hún hana ætlaða allri fjöl-
skyldunni. Uppskriftirnar séu
þannig að allir ættu að geta
leyst þær.
Stundum þarf maður hjálp
frá fjölskyldumeðlimum
en það er einmitt mark-
mið mitt að fjölskyldan og
vinir komi saman og baki
upp úr bókinni. Ég elska að baka
með mínum stelpum og ég á svo
góðar minningar úr eldhúsinu með
ömmu og mömmu, þess vegna veit
ég að þessar stundir í eldhúsinu sem
geta stundum verið kaótískar skilja
þó eftir ljúfar minningar, segir Eva
Laufey.
Eva segist sækja innblástur að
uppskriftum út um allt og hún elski
að fara í ný bakarí og smakka eitt-
hvað nýtt. „Sérstaklega ef ég fer til
útlanda, sumir leita uppi ákveðnar
búðir á meðan ég reyni að stoppa í
flestum bakaríum. Mér finnst líka
mjög gaman að prófa mig áfram með
gamlar og góðar uppskriftir sem
mamma og amma notuðu mikið.“
Klárar jólagjafir í nóvember
Aðspurð segist Eva elska aðventuna
og vera yfirleitt byrjuð snemma að
skreyta og hlusta á jólalög. „Hægt
og rólega byrja ég svo að baka jóla-
kökur. Ég reyni alltaf að klára jóla-
gjafir í nóvember og þarf þess vegna
ekkert að spá í því í desember og nýt
þess frekar að baka meira og njóta
aðventunnar með fjölskyldu og
vinum.“
Það er alltaf í nægu að snúast hjá
Evu Laufeyju en hún lýsir sér sem
„Excel-konu“ og „to do lista-fíkli“.
„Ég er að reyna að hemja mig í
þessum listum en ég verð eiginlega
að hafa gott skipulag því annars
myndi ég bara gleyma hlutum. Ég fæ
að gera alls konar skemmtilega hluti
í vinnunni og einnig utan vinnu og
vinnan er áhugamálið mitt og þess
vegna næ ég að sinna þessum verk-
efnum, því mér finnst þetta brjál-
æðislega skemmtilegt,“ segir Eva
sem býr á Akranesi og segist nýta
tímann sem fer í akstur fram og til
baka í skipulag.
Oreo-bomba
3 x 20 cm form
Það er stundum alls ekki nóg að
baka einfalda súkkulaðiköku, hún
þarf stundum eitthvað auka og þá
kemur Oreo til bjargar eins og svo
oft. Þessi uppskrift og kaka er sann-
kölluð bomba og þið verðið ekki
svikin.
Botnarnir
400 g sykur
220 g hveiti
120 g kakó
2 tsk. matarsódi
1 tsk. lyftiduft
1 tsk. salt
3 egg
2,5 dl súrmjólk
2,5 dl heitt soðið vatn
2 dl ljós bragðlítil olía
1 tsk. vanilludropar
Vinnan er aðaláhugamálið
Eva Laufey nýtur aðventunnar í botn enda klárar hún jólagjafainnkaup í nóvember. MYNDIR/HEIÐDÍS GUÐBJÖRG GUNNARSDÓTTIR
Ómótstæðileg Oreo-bomba sem engan svíkur.
Sörurnar eru ómissandi í desember og gaman að útbúa.
Eva segist elska að baka með stelpunum sínum.
Forhitið ofninn í 180°C (blástur).
Sigtið þurrefnin saman í skál
(sykur, hveiti, kakó, matarsóda,
lyftiduft og salt).
Bætið eggjum, súrmjólk, soðnu
vatni, olíu og vanilludropum
saman við og þeytið áfram.
Skiptið deiginu jafnt á milli
forma og bakið við 180°C í 25 mín-
útur.
Kælið botnana mjög vel.
Oreo-rjómaostakremið
700 g flórsykur
500 g smjör
200 g rjómaostur
100 g Oreo-kex og meira fyrir
skraut
1 tsk. vanilludropar
Þeytið saman rjómaost og smjör
og bætið svo f lórsykrinum smám
saman við.
Bætið vanilludropum út í og
þeytið áfram í nokkrar mínútur.
Myljið kexið í matvinnsluvél og
bætið saman við.
Sprautið kreminu á milli botn-
anna og þekið kökuna með krem-
inu.
Kælið kökuna mjög vel áður en
þið hellið súkkulaðikreminu yfir.
Kremið verður að vera stíft.
Súkkulaðikremið
100 g súkkulaði
1 dl rjómi
Hitið rjóma að suðu, saxið súkku-
laði og hellið rjómanum yfir.
Ley f ið sú k k u laðir jómanu m
að standa í smá stund og hrærið
aðeins upp í.
Hellið varlega yfir kökuna og
skreytið gjarnan með ferskum
jarðarberjum og Oreo-kexi.
Sörurnar
Sörur eru ómissandi í desember og
þær eru í sérstaklega miklu uppá-
haldi hjá mér og minni fjölskyldu.
Það er lítið mál að baka sörur en
það er smá dúllerí og því tilvalið að
virkja fjölskyldumeðlimi eða bjóða
vinum heim og baka saman – þær
stundir geta verið ósköp indælar.
4 eggjahvítur
230 g möndlur
Björk
Eiðsdóttir
bjork
@frettabladid.is
230 g flórsykur
Salt á hnífsoddi
Forhitið ofninn í 180°C (undir- og
yfirhita).
Hak k ið möndlurnar í mat-
vinnsluvél.
Stífþeytið eggjahvíturnar.
Blandið möndlunum, f lórsykr-
inum og saltinu varlega saman við
eggjahvíturnar með sleikju.
Mótið kökurnar með teskeið og
setjið á pappírsklædda ofnplötu.
Bakið í 10-12 mínútur.
Kremið
4 eggjarauður
1 dl vatn
130 g sykur
300 g smjör, við stofuhita
3 msk. kakó
1 tsk. vanilludropar
1 msk. sterkt uppáhellt kaffi
Þeytið eggjarauðurnar þar til léttar
og ljósar.
Hitið vatn og sykur saman í potti
þar til sykurinn bráðnar og verður
að sírópi en það tekur nokkrar
mínútur.
Hellið sírópinu saman við eggja-
rauðurnar i mjórri bunu og haldið
áfram að þeyta.
Skerið smjörið í teninga og bætið
út í.
Bætið kakó, vanillu og kaffi út í
kremið.
Þeytið í svolitla stund eða þar til
kremið verður silkimjúkt.
Það er ágætt að smakka kremið
til á þessu stigi.
Gott er að sprauta kreminu á
kökurnar með sprautupoka eða
nota teskeiðar til þess að smyrja
kreminu á þær.
Það er algjört smekksatriði hversu
mikið af kremi fer á kökurnar.
Kælið kökurnar mjög vel, helst í
frysti áður en kökurnar eru hjúp-
aðar með súkkulaði.
Hjúpurinn
300 g súkkulaði, til dæmis suðu-
súkkulaði
Bræðið súkkulaðið yfir vatnsbaði.
Dýfið kremhlutanum á sörunum
ofan í súkkulaðið.
Gott er að geyma kökurnar í frysti
en takið þær út með smá fyrirvara
áður en þið berið þær fram. n
40 Helgin 20. nóvember 2021 LAUGARDAGURFRÉTTABLAÐIÐ