Fréttablaðið - 20.11.2021, Blaðsíða 120

frettabladid.is
550 5000
RitstjóRn ritstjorn@frettabladid.is
AuglýsingAdeild auglysingar@frettabladid.is
PRentun Torg ehf.
dReifing Póstdreifing ehf.
dreifing@postdreifing.is
Óttars
Guðmundssonar
n Bakþankar
Í vikunni var haldið upp á afmælis-
dag Jónasar Hallgrímssonar (214
ára) og dag íslenskrar tungu. Ég
hitti skáldið á dögunum í Hljóm-
skálagarðinum og hann sagðist
þakklátur fyrir þá miklu vegsemd
sem þjóðin sýndi sér. „Ég sem var
blankastur allra námsmanna í
Kaupmannahöfn er nú kominn
framan á tíuþúsundkallinn ásamt
heiðlóunni. Það varð mér senni-
lega til framdráttar að detta í stiga
í maí 1845 og fótbrotna. Ég dó
ungur, tæplega miðaldra og þjóðin
tók mig í dýrlingatölu og harmaði
ljóðin sem ég náði ekki að yrkja.
Sannleikurinn er sá að ég var
illa farinn af alkóhólisma þegar
ég dó. Krufningalæknirinn sagði
mér að hann hefði aldrei séð ljótari
og feitari lifur. Eiginlega var ég
útbrunninn á sál og líkama og ekki
líklegur til frekari afreka.
Síðan hefur þjóðin skemmt sér
við að semja helgisögur um mig.
Sagt er að ég hafi elskað saklausa
smámey á Íslandi „með rauðan
skúf í peysu“. Það fór ekki hátt að
ég hafði mikið dálæti á vændiskon-
um sem ég kallaði flyðrur í bréfum
til vina minna (luder=lúða=flyðra).
Ekki datt mér í hug þegar ég
var grafinn í fátækragarðinum
í Kjöben að þjóðin mundi grafa
mig upp löngu síðar og jarða á
Þingvöllum. Það er leitt að enginn
skuli vilja liggja hjá okkur Einari
heitnum Benediktssyni, svo að
þetta er einmanalegur grafreitur.
Kannski ætti að breyta heiðurs-
verðlaununum mínum og veita
þau íslensku skáldi sem getur ort
hringhendu og sléttubönd og verið
edrú í fimm ár. En það mundi
ganga af verðlaununum dauðum.“
Skáldið stundi þungan og klifraði
upp á stallinn sinn. n
Jónas Hall
Takk,
viðskiptavinir
Orkunnar fyrir að
kolefnisjafna.
33.745.645 kr.
frá upphafi.
Það þarf trausta
tengingu til að
vinna hreina orku
Fyrirtæki eru betur tengd með Vodafone
LANDSVIRKJUN ER HJÁ VODAFONE
því stjórnkerfi okkar er með víðtækustu
öryggisvottun íslenskra fjarskiptafélaga.