Strandapósturinn - 01.06.1973, Side 52

höggið og saltað niður í beykiviðartunnur, svonefndar brenni-
tunnur, og skyldu vera 112 kg í hverri af kjöti, en með salti og
áfylltar pækli munu þær hafa vegið rétt um 200 kg hver. Efnið
í tunnur þessar kom ósamsett í búntum erlendis frá, Danmörku
og Noregi aðallega að ég hygg, enda mun kjötið einkum hafa
verið selt til þeirra landa. Tunnurnar voru settar upp hér heima
af beykjum verziananna. Þeim, Ágústi Guðmundssyni bónda í
Kjós í Ámeshreppi, hjá Riisverzlun, og Friðriki Söcbeck bónda í
Reykjarfirði í Ámeshreppi, hjá Söludeildinni. Það er að vísu
útúrdúr, sem einhver hefur þó ef til vill gaman af að heyra, að á
1. og 2. áratug aldarinnar var það mál manna, að einstaka krafta-
menn hefðu stundum haft það að leik, að læsa fingurgómunum
undir laggimar á sneisafullii og ápæklaðri tunnu liggjandi á
bumbinum, og lyfta henni þannig allt til hnés. Þótti það sem og
var afar hraustlega gert. Til þess heyrði ég einkum tvo menn
nefnda, þótt vel megi fleiri verið hafa.
7.
Á því tímabili, sem hér um ræðir aðallega, stýrði Guðjón Guð-
laugsson Söludeildinni en Jón Finnsson Riisverzlun. Guðjón mun
hafa flutzt alfarinn frá Kleifum á Selströnd vorið 1907 og setzt þá
að á Hólmavík. Næstu sex ár rak hann jafnframt smávegis bú-
skap á hálfum Þiðriksvöllum í Þiðriksvalladal. En vorið 1913 fór
Finnbogi Guðmundsson og kona hans Steinunn Magnúsdóttir
frá Hrófbergi að búa á þeirri hálflendu jarðarinnar sem Guðjón
fyrr bjó á, og er mér ekki kunnugt um að hann ræki neins staðar
búskap eftir það, meðan hann var kaupfélagsstjóri á Hólmavík.
Hitt er aftur á móti alkunnugt, að eftir búferlaflutning Guðjóns
suður til Reykjavíkur árið 1919, mun hann ásamt öðmm störfum
hafa haft smábúskap með höndum á býlinu H'líðarenda, sem þá
stóð sunnan við ofanverðan Laufásveg.
Nokkur fyrstu árin, sem Guðjón sat á Hólmavík, var verzlunar-
þjónn hjá Söludeildinni, Jón Eðvald Samúelsson frá Gröf í Mið-
dal, síðar kaupmaður og norskur konsúll á ísafirði. Þegar Jón
50