Strandapósturinn - 01.06.1973, Side 90

Einyrkja þar eygjum stand,
er þó jafnan glaður.
Sinnir bæði um sjó og land
sannur Strandamaður.
Hveravik er kostarýr,
kröpp hún gæði veitir.
En þar situr álma-týr,
er Guðbrandur heitir.
Sem í anda, sjáum nú
ef sagna máli hreyfum.
Sat á þingi, sá um bú
signor Torfi á Kleifum.
Mætust lifir minning enn
málin kunni reifa.
Síðan margir sóma menn
setið hafa Kleifa.
Frá Hellu nem ég hljóma fjær.
Hjörva frægur lundur,
sveitar höfuð, sóma kær,
sat þar Ingimundur.
Enn Jörundur einn þar býr
arfs þar til var borinn.
Hög er mund og hugur skýr,
hetju markar sporin.
Sigvaldi bjó Sandnesi á
seggja bætti vanda.
Oft því greiddi glaður sá
götu vegfaranda.
88