Strandapósturinn - 01.06.1973, Síða 121

Jóhavnes Jónsson frá Asparvík:
Fyrsta skákmótið
Það mun hafa verið í Febrúar 1929, að haldið var skákmót á
vegum Ungmennafélagsins „Neisti" í Kaldrananeshreppi.
Skákmótið fór fram á Kaldrananesi og fer hér á eftir frásögn
af því. Ungmennafélagið „Neisti“, hélt uppi allfjölbreyttri félags-
starfsemi meðan það var og hét. Að þessu sinni stóð það fyrir
íþróttanámskeiði sem fjöldi af ungu fólki í sveitinni tók þátt í.
Kennari var Stefán Jónsson frá Ingunnarstöðum. Þetta íþróttta-
námskeið fór fram í fundarhúsi hreppsins á Kaldrananesi. Eins
og áður er sagt var ákveðið að halda skákmót og var Jóhannesi
Jónssyni frá Asparvík, er þá var búsettur í Hvammi í Bjamar-
firði falið að sjá um framkvæmd mótsins.
Tilkynningar um þátttöku bárust frá 6 þátttakendum, en tveir
gátu ekki mætt til leiks og urðu því aðeins fjórir sem mættu.
Matthías Helgason oddviti á Kaldrananesi bauð fram afnot af
húsnæði fyrir keppnina og var það með þökkum þegið.
Vegna íþróttakennslunnar gat skákmótið ekki byrjað fyrr en
síðari hluta dags, því tveir af keppendunum voru á íþróttanám-
skeiðinu.
Jóhannes frá Asparvík sá um mótið eins og áður er sagt og var
haim einnig dómari og tímavörður, því skákklukka var ekki til.
Teflt var eftir settum skákreglum og meðal annars komu kepp-
endur sér saman um, að eigi mætti leyfa lengri umhugsunartíma á
leik, en 3 mínútur og hefði sá keppandi tapað skákinni, sem færi
yfir þau tímamörk.
Ekki var aðstaða til að tefla nema eina skák í einu, þar sem
engin skákklukka var til staðar og ekki nema einn tímavörður.
Keppendur voru.
Jón Guðjónsson frá Kaldbak.
119