Strandapósturinn - 01.06.1974, Síða 8

Til lesenda
Þjóðhátíðarhefti Strandapóstsins kemur vonum seinna fyrir
augu lesenda og biðst ritnefnd fyrir sitt leyti afsökunar á þeim
óæskilega drætti. Ekki verða orsakir þessa tíundaðar hér, aðeins
látin í ljósi von um að lesendur líti töfina mildum augum. Vinnu-
álag og tímaskortur virðast síst hafa minnkað í þjóðfélaginu, og
segja má, að störf ritnefndarmanna séu unnin á „stolnum stund-
um“ og á kostnað annarra skyldustarfa. Höfundum bundins og
óbundins máls skulu færðar sérstakar þakkir. Líf og framtíð ritsins
er undir því komið, að Strandamenn og aðrir velunnarar Stranda-
póstsins leggi sitt af mörkum við samningu og útvegun efnis. Því
skulu lesendur ennþá einu sinni hvattir til dáða á þessu sviði.
Ekki dugar þó að sitja við barlóminn einan. Hefti 1975 er
komið vel á veg, þegar þetta er ritað í maímánuði 1975, og vonir
standa til að það komi út á „réttum tíma“.
Nú er sú breyting á orðin, að ritið er offsetprentað og mun svo
væntanlega verða framvegis á meðan tórir. Þetta krefst nokkuð
breyttra vinnuaðferða og er ein skýringin á töfinni, sem orðin er
á þjóðhátíðarheftinu. Offsetprentun fer fram með filmuvinnu en
ekki í blýi og verður því framvegis auðvelt og ódýrt að endurprenta
þáárganga, sem þannig eru setvir. Nú er svokomið, að 1. árgangur
er þrotinn og verður því að ráðast i nokkuð dýra endutprentun,
þar sem fyrstu 7 árgangarnir voru blýsettir.
Lifið heil í minningu þjóðhátíðarárs.
Ritnefnd Strandapóstsins.