Strandapósturinn - 01.06.1974, Side 95

GuðrÚJi Oladóttir og
Jakob Thorarensen
Til veislunnar var slátrað ársgömlu nauti og til vara, ef það
ekki nægði, var fengin stórlúða hjá bóndanum í Kjós, sem
komið hafði með þann feng að landi daginn áður en veislan
var haldin. Sýnir þetta, að ekki hefur matföng vantað. Öllum
var veitt steikt kjöt ásamt því, sem þá tíðkaðist að hafa með
því, soðin lúða var þar líka á borðum.
I eftirrétt var súpa, sem kölluð var vínsúpa, svo var vín með
matnum og kaffi á eftir. Þegar allir höfðu borðað nægju sína,
var sest að púnsdrykkju. Fór samkoma þessi hið besta fram og
langaði fleiri þar að vera en farið gátu. Ég set hér til gamans
vísu, sem vinnumaður í Árnesi, Jón Benediktsson, orti við
þetta tækifæri. Hann langaði mjög til hófsins en fékk ekki
fararleyfi. Vísan er þannig.
Heima bíða hygg ég þá
hart þó kvíði lundin
þegar ríða þegnar á
þjóðhátíðar fundinn.
93