Strandapósturinn - 01.06.1982, Blaðsíða 36

er drægju það niður í garðann og eins til þess að þær stykkju ekki
upp í jötuna. Yfir hverjum dyrum var lítill gluggi sem nægði til
þess að góð birta var í húsinu.
Heyhlaða var byggð við fjárhúsið og voru dyr á inn í hlöðuna,
þessar dyr voru kallaðar garðdyr, í gegnum þær var heyið borið
fram í jötuna.
Niður í hvern garða var grafin gryfja að endilöngu í þessa
gryfju safnaðist saur og þvag kindanna yfir gryfjurnar var byggt
þannig að fyrst voru settir þverbitar ofan á þá komu grindur er
voru úr mjóum spelum og var spelunum raðað svo þétt að
kindafætur kæmust ekki niður á milli og slár sem spelunum var
fest á hafðar svo þétt að spelurinn gæti ekki svignað þó kindur
spymtu í hann. Þessir spelir voru kallaðir grinda spelir. Þegar
gryfjan var orðin full var mokað út úr henni og var það kallað að
moka undan grindum. Oft vildi myndast svað fyrir framan
fjárhúsdyr til að koma í veg fyrir það var hlaðin allbreið stétt og
fyllt með grófri möl það kom í veg fyrir að kindurnar óhreinkuðu
sig og bæru óhreinindi inn í garðann. Drykkjarílát voru smíðuð
úr tré eða sléttu jámi og trégaflar runnaðir að neðan settir í
endana. Þau voru aflöng og fest upp milli stoða eða í grindverkið
er aðskildi garðana. Drykkjarílátin voru sett upp í þá hæð að
kindin þyrfti ekki að beygja höfuðið þegar hún drakk. Mjög
auðvelt var að taka þau niður og hreinsa þau.
Baðþró var steypt í eina jötuna og lagt steypulag í alla jötuna
milli jötustokka og jatan látin halla ofurlítið að baðþrónni sem
var fremst í jötunni, það var gert til þess, að baðlögurinn sem
rann úr fénu r/nni aftur í baðþróna en féð var látið standa í
jötunni meðan mesta bleytan rann úr ullinni. Þegar baðþróin
var ekki í notkun var henni lokað með fleka úr söguðum reka-
viðarborðum.
Áður var stundum baðað í bát, baðlögurinn settur í skut
bátsins og kindin sett ofan í en þá varð að velta henni á hliðarnar
svo hún blotnaði öll því skuturinn var svo grunnur að ekki flaut
yfir kindina. Önnur aðferð og sú algengasta var að baðlögurinn
var látinn í bala eða stamp og borinn í kindina með vaðmáls-
tusku eða öðru álíka.
34
j