Morgunblaðið - 21.08.2021, Blaðsíða 11

FRÉTTIR 11Innlent
MORGUNBLAÐIÐ LAUGARDAGUR 21. ÁGÚST 2021
Skoðið // hjahrafnhildi.is
Engjateigi 5 // 581 2141 // hjahrafnhildi.is
ÚTSÖLU-
LOK!
Ennmeiri
verðlækkun!
70-80%
afsláttur
Laugardagur 10-16
Mánudagur 10-18
Skipholti 29b • S. 551 4422
Skoðið laxdal.is
Gæðabuxur frá
Helgi Bjarnason
helgi@mbl.is
Matís vinnur að því að koma upp að-
gengilegum gagnagrunni, vefsíðu og
appi með skrá yfir alla frumfram-
leiðslu matvæla á Íslandi. Í frumgerð
Matarlandslagsins eru bóndabýli og
útgerðir mest áberandi. Hægt er að
fá yfirlit yfir frumframleiðendur á Ís-
landskorti og ætlunin að notendur
geti einnig fengið þar nánari upplýs-
ingar.
Rakel Halldórsdóttir, sérfræð-
ingur hjá Matís, segir að verkefnið sé
unnið í takti við matvælastefnu Ís-
lands, sjálfbærnimarkmið Sameinuðu
þjóðanna og Parísarsamkomulagið.
Búið er að skrá frumframleiðendur
á Íslandskort, tæplega 2.600 talsins.
Þar kemur þó aðeins fram staðsetn-
ing þeirra og atvinnugrein, enn sem
komið er. Rakel segir að það séu allt
opinberar upplýsingar sem áður hafi
birst á einhverjum vettvangi. Hún
segir að ætlunin sé að hver og einn
framleiðandi geti haft sína eigin und-
irsíðu með nánari upplýsingum um
starfsemina, framleiðsluna og annað
sem menn kjósa og jafnvel ljós-
myndir. Notendur vefjarins geti
þannig á einfaldan hátt náð sér í þess-
ar upplýsingar.
Geta þróað sig áfram
Spurð um markmiðið segir Rakel:
„Við vonumst til að neytendur fái
þarna möguleika á að koma á beinum
og milliliðalausum viðskiptum við
frumframleiðendur. Því fylgir margs
konar hagræði og rímar við markmið
um sjálfbærni. Þá getur framleiðand-
inn sjálfur, með beinum samskiptum
við neytendur, áttað sig á eftirspurn
og möguleikum á
vöruþróun og get-
ur þannig þróað
sig áfram. Hann
getur einnig skoð-
að hvað aðrir eru
að gera og fengið
við það hug-
myndir og jafnvel
þróað starfsemina
með samstarfi við
aðra.“ Þá séu
þarna möguleikar fyrir erlend fyrir-
tæki að komast í samband við
frumframleiðendur á Íslandi.
Rakel segir að Matarlandslagið
verði dýrmæt leið fyrir ferðaþjón-
ustuna til að fá yfirsýn yfir hvað sé í
gangi og áherslur á hverjum stað.
Hvaða afþreyingu sé hægt að bjóða
upp á, hvar matarmarkaðir eru og
framboð á mat fyrir ferðafólk sem
sækir í matar- og menningarferða-
þjónustu. Loks nefnir hún að stjórn-
völd fái mikilvæga yfirsýn yfir hvað
verið sé að gera úr auðlindum lands-
ins og hvaða möguleikar kunni að
vera til að styrkja byggðarlög eða
stærri svæði.
„Ég tel að þetta stuðli að betra
fæðuöryggi okkar Íslendinga. Við
sjáum hversu mikla getu við höfum til
að brauðfæða okkar eigin þjóð og
hvernig við getum gætt þess að of-
nýta ekki auðlindirnar,“ segir Rakel.
Þarf að vinna lengra
Hún segir að á vegum Matís sé bú-
ið að vinna heilmikið að Matarlands-
laginu. Kortið er birt á samnefndum
vef en Rakel segir að fjármagn vanti
til að þróa verkefnið áfram. Sótt er
um styrki úr rannsóknasjóðum í þeim
tilgangi.
Landslagið Vel á þriðja þúsund frumframleiðenda matvæla á Íslandi eiga sinn punkt á þessu korti. Þar má finna nánari upplýsingar um matinn.
Getur eflt bein viðskipti
- 2.600 frumframleiðendur matvæla á Íslandi skráðir í gagnagrunn hjá Matís
- Allir munu eiga kost á undirsíðu með nánari upplýsingum um framleiðsluna
Rakel
Halldórsdóttir
Blaðamaðurinn
Guðrún Hálfdán-
ardóttir hefur
verið ráðin til
RÚV og mun
leysa Þórunni El-
ísabetu Boga-
dóttur af á Morg-
unvaktinni á Rás
1 næsta hálfa ár-
ið.
Guðrún hefur
verið blaðamaður á Morgunblaðinu
og mbl.is frá árinu 1996 en hún lét
af störfum þar síðastliðið vor. Þar
var hún meðal annars fréttastjóri
viðskiptafrétta, fréttastjóri á mbl.is
og almennur fréttamaður á vefnum
mörg undanfarin ár.
Guðrún ráðin til RÚV
Guðrún
Hálfdánardóttir
Árlegt heilbrigðisþing fór fram í
gær á Hilton Nordica, þar sem
fjallað var um framtíðarsýn um
heilbrigðisþjónustu við aldraða. M.a.
var kynnt skýrsla þar sem lagðar
eru fram tillögur um hvernig auka
megi þjónustu við aldraða í heil-
brigðiskerfinu, þar sem bætt heima-
þjónusta er meðal tillagna.
Þetta er fjórða heilbrigðisþingið
sem heilbrigðisráðherra efnir til í
þeim tilgangi að styrkja stoðir heil-
brigðiskerfisins og efla heilbrigðis-
þjónustu við landsmenn.
Bætt heilbrigðisþjónusta við aldr-
aða hefur verið eitt af helstu for-
gangsmálum heilbrigðisráðherra á
kjörtímabilinu. Áhersla hefur verið
lögð á að efla þjónustu við aldraða í
heimahúsum, fjölga úrræðum og
auka sveigjanleika þjónustunnar,
samhliða átaki í uppbyggingu hjúkr-
unarheimila. Ákvörðun um að helga
heilbrigðisþing 2021 heilbrigðisþjón-
ustu aldraðra er í samræmi við þetta
átak,“ að því er fram kemur í til-
kynningu frá ráðuneytinu.
Meðal þess sem var kynnt á
þinginu var öldrunarteymið
SELMA. Það var stofnað á liðnu ári
og veitir sérhæfða þjónustu við aldr-
aða í heimahúsum í Reykjavík.
Fram kom í máli Svandísar að
þessi þjónusta yrði stóraukin. Þjón-
ustusvæðið verður stækkað þannig
að þjónustan nái til allra sveitar-
félaga á höfuðborgarsvæðinu og hún
verður nú einnig í boði um helgar.
Svandís boðaði að verja ætti 250
milljónum króna af fjárlögum ársins
til þessa verkefnis. Markmiðið væri
að bæta þjónustu við einstaklinga í
heimahúsum sem ekki kæmust til
mats og meðferðar á heilsugæslu
eða göngudeild og draga úr þörf við-
komandi fyrir heimsókn á bráða-
móttöku eða sjúkrahúsinnlögn.
Verður fjármagn til þjónustunnar
aukið varanlega úr 150 milljónum
króna í 400 á ársgrundvelli.
Í teyminu starfa læknir og hjúkr-
unarfræðingur sem sinna vitjunum í
heimahús og veita einnig ráðgjöf til
starfsfólks heimahjúkrunar. Mat var
lagt á árangur verkefnisins í sumar.
Þá kom m.a. fram að á starfstíma
teymisins hefði aðkoma SELMU
komið 75 sinnum í veg fyrir að ein-
staklingur þyrfti að leggjast inn á
bráðamóttöku Landspítala.
Morgunblaðið/Eggert
Heilbrigðisþing Alma Möller landlæknir og Svandís Svavarsdóttir heil-
brigðisráðherra voru meðal ræðumanna á heilbrigðisþinginu í gær.
Bætt þjónusta við
aldraða í forgangi
Fyrirlesari Helsti ræðumaður þingsins í gær var dr. Samir Sinha öldr-
unarlæknir sem hefur mótað stefnu víða um heim í þjónustu við aldraða.
- Heilbrigðisþing fór fram í gær