Morgunblaðið - 21.08.2021, Side 24

24 FRÉTTIR
Erlent
MORGUNBLAÐIÐ LAUGARDAGUR 21. ÁGÚST 2021
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
Slökkviliðsmenn í La Garde-Freinel í Varhéraði í suðurhluta
Frakklands hafa undanfarna daga barist við stærstu skógar-
elda, sem þar hafa kviknað á þessu ári. Tvö dauðsföll eru
meðal annars rakin til eldanna. Tekist hefur að hefta út-
breiðslu eldanna að mestu en þeir loga enn á afmörkuðu
svæði. Veðurspár gera ráð fyrir að það hvessi á komandi dög-
um og því er óttast að eldarnir breiðist út að nýju. Í gær voru
flugvélar notaðar til að dreifa eldvarnarefnum á nærliggjandi
svæði
Barist við skógarelda í Frakklandi
AFP
Stríðsátök og miklir þurrkar valda
því, að yfir þriðjungur afgönsku
þjóðarinnar, um 14 milljónir manna,
á það á hættu að líða hungur á næstu
mánuðum, að sögn Matvælaaðstoðar
Sameinuðu þjóðanna. Um tvær millj-
ónir barna kunna að þjást af vannær-
ingu.
„Árið 2021 hefur verið afar erfitt í
Afganistan,“ segir Mary-Ellen
McGroarty, svæðisstjóri Matvæla-
aðstoðarinnar í Afganistan, við AFP-
fréttastofuna. Miklir þurrkar hafa
verið í landinu í sumar og hveitifram-
leiðsla hefur dregist saman um 40%
af þeim sökum.
„Vegna þessa og stríðsátakanna,
sem breiðst hafa út um landið, hafa
bændur ekki getað ræktað land sitt
og þeir hafa flosnað upp og flúið frá
heimilum sínum. Plantekrur hafa
verið eyðilagðar og einnig innviðir
eins og brýr, stíflur og vegir,“ segir
McGroarty. Þetta, ofan á þurrkana,
valdi því að matvælaverð hafi hækk-
að mikið. Þannig sé hveitipoki nú
24% dýrari en að jafnaði undanfarin
fimm ár.
McGroarty sagði að Matvæla-
aðstoðin legði aðaláherslu á að geta
starfað áfram í landinu og ætti í við-
ræðum við nýja valdhafa um að fá
aðgang að svæðum og fólki í neyð.
„Það er hræðileg mannúðarkrísa
yfirvofandi og því er mikilvægt að
við getum starfað óhindrað.“
Matvælaaðstoðin vonast til að
geta aðstoðað níu milljónir Afgana
fyrir lok ársins. McGroarty sagði að
veturinn væri oft harður í Afganist-
an og mörg svæði einangruðust og
því væri nauðsynlegt að koma vist-
um þangað í tæka tíð.
Enn ríkir mikil ringulreið á flug-
vellinum í höfuðborginni Kabúl þar
sem fjöldi fólks hefur safnast saman
í von um að komast úr landi. Margir
eru hins vegar skilríkjalausir.
Alls hafa Bandaríkjamenn flutt
um sjö þúsund manns flugleiðis frá
höfuðborginni Kabúl í vikunni og
breski flugherinn hefur flutt um tvö
þúsund manns á brott.
gummi@mbl.is
Hungursneyð vofir
yfir í Afganistan
- Þúsundir bíða við flugvöllinn í Kabúl í von um að komast burt
AFP
Á flótta Fjöldi manns hefur safnast saman við alþjóðaflugvöllinn í Kabúl í von um að komast úr landi.
Nicola Sturgeon, leiðtogi Skoska
þjóðarflokksins, SNP, og forsætisráð-
herra skosku heimastjórnarinnar, til-
kynnti í gær, að náðst hefði sam-
komulag við Græningja um
meirihlutasamstarf í skoska þinginu í
Edinborg. Báðir flokkarnir hafa það á
stefnuskrá sinni að ný þjóðar-
atkvæðagreiðsla fari fram um sjálf-
stæði landsins.
Stofnanir flokkanna þurfa að stað-
festa samkomulagið, en það gerir ráð
fyrir því, að ný þjóðaratkvæða-
greiðsla verði haldin á fyrri hluta nú-
verandi kjörtímabils, sem lýkur 2024,
svo framarlega sem kórónuveiru-
faraldurinn verði afstaðinn. Bresk
stjórnvöld eru því mjög mótfallin, að
slík atkvæðagreiðsla fari fram.
„Ég er staðráðin í því, að fram fari
atkvæðagreiðsla
um sjálfstæði á
þessu þingi,“
sagði Sturgeon á
blaðamannafundi
þar sem sam-
starfssamningur-
inn var kynntur.
Gert er ráð fyr-
ir því að Græn-
ingjar fái ráðherrasæti í heimastjórn-
inni en samt verður ekki um formlega
samsteypustjórn að ræða. Græningj-
ar ráða yfir átta þingsætum af 129 á
skoska þinginu en SNP 64.
Þjóðaratkvæðagreiðsla um sjálf-
stæði Skotlands var haldin árið 2014
en þá greiddu 55% þjóðarinnar at-
kvæði gegn því að slíta tengslin við
England, Wales og Norður-Írland.
Stefna að sjálfstæði
- Meirihlutasamstarf á skoska þinginu
Nicola Sturgeon