Morgunblaðið - 21.08.2021, Blaðsíða 16

Orka náttúrunnar hefur opnað
tvær 150 kílóvatta hraðhleðslu-
stöðvar við Baulu í Borgarfirði við
þjóðveg 1. Munu stöðvarnar geta
þjónað allt af fjórum rafbílum í
senn og eru þær hannaðar með það
í huga að þær henti vel bílum með
aftanívagn. Með þessari nýju viðbót
liggja nú aldrei meira en 100 km á
hringveginum, frá Reykjavík til
Akureyrar, milli hraðhleðslustöðva
ON.
Stöðvar frá fyrirtækinu á þessari
leið er auk þess að finna í Reykja-
vík, Víðihlíð í Húnaþingi, Varma-
hlíð í Skagafirði og á Akureyri.
„Við erum alsæl að geta boðið
rafbílaeigendum þessa auknu þjón-
ustu og óskum þeim til hamingju
með nýju stöðvarnar. […]Við erum
einbeitt í að byggja upp og reka
trausta innviði fyrir orkuskipti í
samgöngum hér á landi enda sýnir
splunkuný skýrsla Sameinuðu þjóð-
anna um loftslagsvána að ekki er
vanþörf á,“ segir Kristján Már Atla-
son, forstöðumaður fyrirtækja-
markaða Orku náttúrunnar, í til-
kynningu sem fyrirtækið sendi frá
sér í gær.
Hleðslustöðvum fjölg-
ar við hringveginn
Ljósmynd/Orka náttúrunnar
ON Hraðhleðslustöðvum hefur nú verið komið upp við Baulu í Borgarfirði.
Höskuldur Daði Magnússon
hdm@mbl.is
„Börnum á leikskólaaldri hefur
fjölgað mikið í sveitarfélaginu og til
að geta haldið áfram að taka inn börn
þurftum við að bregðast við,“ segir
Baldur Pálsson, sviðsstjóri fjöl-
skyldusviðs Seltjarnarnesbæjar.
Nýr leikskóli hefur verið settur á
stofn í sveitarfélaginu, Ungbarna-
leikskóli Seltjarnarness. Leikskólinn
verður til húsa í sögufrægu húsnæði
Mýrarhúsaskóla sem reist var 1906.
„Gamli Mýrarhúsaskóli hefur
þjónað margvíslegum hlutverkum í
gegnum tíðina en hefur lengst af ver-
ið í þjónustu við börn svo þetta er
mjög viðeigandi,“ segir Baldur. Hús-
ið er glæsilegt og hefur eins og Bald-
ur segir hýst margvíslega starfsemi.
Þarna var barnaskóli sveitarfé-
lagsins um árabil, þarna var sömu-
leiðis fyrsta frístundaheimilið rekið, í
húsinu var lögreglustöð og síðar
skrifstofur bæjarins en nú síðast
skrifstofur félagsþjónustunnar. Eft-
ir að þær fluttust á bæjarskrifstof-
una var húsið ekki í notkun.
„Það þarf að aðlaga húsnæðið og
lóðina þessari starfsemi en það eru
ekki mjög umfangsmiklar fram-
kvæmdir. Við miðum við að opna 1.
október,“ segir Baldur en fyrst um
sinn verður ein deild á leikskólanum,
13 börn frá 15 mánaða aldri. Þeim
gæti fjölgað síðar.
Flókið að stækka leikskólann
Leikskóli Seltjarnarness er einn
stærsti leikskóli landsins með 230
börn og fjórar starfsstöðvar. Af
hverju var ákveðið að stofna nýjan
leikskóla núna?
„Það þótti of mikið að bæta
fimmtu starfsstöðinni við með öllu og
flókið fyrir reksturinn. Þetta varð
því niðurstaðan,“ segir Baldur.
Morgunblaðið/Eggert
Nýtt hlutverk Gamli Mýrarhúsaskóli á Seltjarnarnesi, sem reistur var árið 1906, mun hýsa ungbarnaleikskóla.
Nýr leikskóli verður
í gamla skólahúsinu
- Ungbarnaleikskóli Seltjarnarness tekur til starfa í október
16 FRÉTTIR
Innlent
MORGUNBLAÐIÐ LAUGARDAGUR 21. ÁGÚST 2021
Blautfóður.
Fullt af blautfóðri.
Fyrir hunda og ketti.
Fiskislóð • Bíldshöfði • Smáratorg • Helluhraun • Baldursnes
www.gaeludyr.is
Einkunnum verði breytt yfir í
talnakerfi, fjármálalæsi innleitt í
aðalnámskrá grunnskóla, skóla-
sund verði valgrein eftir miðstig,
fræðsla um andlega heilsu verði
aukin til að berjast gegn for-
dómum, gæði heilbrigðisþjónustu á
landsbyggðinni verði bætt og fjár-
magn til loftslagsaðgerða aukið
upp í að minnsta kosti 4% af árlegri
landsframleiðslu.
Þetta eru meðal 40 tillagna, sem
ungmennaráð heimsmarkmiða
Sameinuðu þjóðanna um sjálfbæra
þróun hefur mótað til að vinna að
framgangi heimsmarkmiðanna hér
á landi. Ungmennin leggja einnig
til, að kosningaaldur verði lækk-
aður í 16 ár og að nýja stjórnar-
skráin verði lögfest.
Ríkisstjórnin átti í gær fund með
ungmennaráðinu þar sem tillög-
urnar voru kynntar en þær fjalla
um menntamál, heilbrigðismál og
umhverfismál. Í framhaldinu áttu
ráðherrar samtal við ungmenna-
ráðið um tillögurnar og sýn ung-
mennanna á verkefnið fram undan.
Í tilkynningu frá forsætisráðu-
neytinu er haft eftir Katrínu Jak-
obsdóttur forsætisráðherra að til-
lögur ungmennanna séu
mikilvægar og fundurinn hafi verið
ráðherrunum mikilvægur inn-
blástur fyrir verkefnin fram undan.
„Við ræddum hugmyndir þeirra
og nálgun á stóru áskoranirnar
fram undan sem eru að gera alla
framleiðslu og neyslu sjálfbæra og
hvernig við getum bætt heilbrigði
og menntun okkar,“ er haft eftir
Katrínu í tilkynningunni.
Stofnað árið 2018
Ungmennaráð heimsmarkmið-
anna var stofnað árið 2018 en hlut-
verk þess er að fræðast og fjalla um
heimsmarkmiðin ásamt því að
koma sínum áherslumálum á fram-
færi. Þá veitir ungmennaráðið
stjórnvöldum aðhald við innleið-
ingu markmiðanna. Ráðið er skipað
tólf fulltrúum á aldursbilinu 13-18
ára víðs vegar af landinu. Það kem-
ur saman sex sinnum á ári og fund-
ar þess á milli í gegnum fjar-
fundabúnað. Þá fundar
ungmennaráðið árlega með ríkis-
stjórn.
Í skjali með tillögunum segist
ungmennaráðið óska eftir því að til-
lögunum verði fylgt eftir og þær
kannaðar að fullu. Einnig sé æski-
legt að tillögunum verði komið
áfram til næstu ríkisstjórnar og að
ráðið fái að hitta næstu ríkisstjórn
sem verður mynduð eftir kosning-
arnar í september.
Kynning Ungmennaráðið kynnir tillögur sínar fyrir ríkisstjórninni.
40 tillögur kynntar
um heimsmarkmiðin
- Ungmennaráð átti fund með ráðherrum