Strandapósturinn - 01.06.2006, Síða 17

var á nokkrum stöðum á leiðinni þar á meðal Mývatni, Akureyri
og Staðarskála, það voru þreyttir en ánægðir Strandamenn sem
komu heim til sín þennan dag eftir vel heppnaða ferð. Vil ég að
lokum þakka öllu þessu fólki kærlega fyrir, þetta er ekki hægt
nema með góðri þátttöku þeirra.
Vorball var 2. apríl og haustballið 15. október 2005.
Kaffidagurinn var 8. maí. Hann var vel sóttur að venju. Viljum
við þakka öllum þeim sem færðu okkur meðlæti mjög vel fyrir
þeirra aðstoð.
Aðalfundur félagsins var haldinn í Versölum við Hallveigarstíg
miðvikudaginn 11. maí.
Stjórn og skemmtinefnd héldu fimm fundi á árinu. Vil ég
þakka þeim öllum fyrir gott samstarf. Einnig þakka ég öllum
þeim sem hafa stutt félagið á einn eða annan hátt og óska þeim
alls hins besta
Með kærri kveðju
Guðrún Björg Steingrímsdóttir
Formaður
15
Manntalsþing í Árnesi 23. maí 1840.
„Hreppstjóri Magnús á Finnbogastöðum og bændurnir Óli
Viborg í Ófeigsfirði, Jón Ólafsson í Stóru–Ávík og Guðmundur
Ólafsson á Dröngum framvísa járnskutli sem þeir ætla að brúka við
hvalveiði, merktan bókstafnum M og yfirlýsa því að þeir hafi járnað
4ra hvali á Ingólfsfirði þann 1sta þ. mán.“
„Þingsóknarmönnum tilsagt að gæta vegabóta og annara almenn-
ings skylduverka.“
Heimild: Þjóðskjalasafn.
Skráð hefir: Guðlaugur Gíslason frá Steinstúni.