Strandapósturinn - 01.06.2006, Qupperneq 49

samning við Kaupfélag Steingrímsfjarðar um að hreppurinn
fengi inni með vélar rafveitunnar í vélasal frystihúss kaupfélags-
ins. Í staðinn skuldbatt hreppurinn sig til að láta frystihúsinu
nægilega raforku í té, 220 Volt, riðstraum. Auk þess skyldi hrepp-
urinn bera kostnað vegna vélgæslu að einum þriðja hluta.
Vélgæslumenn voru þrír og gættu þeir einnig frysti vélanna.
Hreppurinn keypti 15 kW Buda dísilvélasamstæðu og setti Guð-
mundur Sæmundsson, vélstjóri frystihússins, hana niður með
aðstoð vélstjóra frá Vélsmiðjunni Héðni í Reykjavík. Guð mundur
gætti síðan vélanna næsta áratuginn. Þeir Hjálmar Halldórsson
og Guðmundur Björgvin Björnsson gengu frá rafbúnaði í vélasal
og lagfærðu dreifikerfi rafveitunnar.
Budavélin var 30 hö með ástengdum 15 kW rafala, 3 x 220
Volt. Hún var tekin í notkun hinn 10. september árið 1943. Ári
síðar var 50 kW International dísilvélasamstæða keypt, 100 hö og
ástengd við 50 kW rafala af Palmer gerð. Budavélin var seld til
Kaldrananess árið 1947. Þá var keypt 30 kW samstæða af Lister-
gerð. Hún þótti óheppileg og var fljótlega seld til Drangsness.
Rafveita hreppsins keypti aðra Internationalsamstæðu sumarið
1950, 75 kW, og nokkru síðar dísilvélasamstæðu af Herculesgerð,
100 kW. Þá var ástimplað afl samtals 225 kW.
Rafveita hreppsins starfaði í einn áratug. Rafstöðin var höfð í
47
Hólmavík 1960. Ljósm. Tryggvi Samúelsson.