Strandapósturinn - 01.06.2006, Qupperneq 50

gangi allan sólarhringinn á árunum 1943–1953. Raforkunotkun
jókst hratt á því tímabili og afkoma rafveitunnar batnaði.
Rafmagnsveitur ríkisins yfirtóku hinn 18. október árið 1953
vélar og rafkerfi rafveitunnar fyrir 300 þúsund krónur. Rafmagns-
veiturnar yfirtóku einnig skuldirnar, samtals kr. 255.867,79.
RARIK tók við rekstri rafveitunnar á Hólmavík frá og með árslok-
um 1953. Rafmagni frá Þverárvirkjun var fyrst veitt inn á kerfið
hinn 15. desember 1953.
Þverárrafmagn nægði ekki veitusvæðinu til lengdar enda
stækkaði það mikið með árunum. Úr þessu var meðal annars
bætt með því að setja upp olíuaflstöð í húsakynnum rafstöðvar-
innar á Hólmavík. Í janúarmánuði 1974 var sett þar upp 325 kW
vél sem var flutt að Neðri-Brunná í Dölum í ágústmánuði sama
ár. Í janúarmánuði 1975 var 458 kW vél sett upp á Hólmavík.
Hún var síðan flutt til Reykjavíkur í júnímánuði sama ár. Árið
1975 var 660 kW vél sett upp á Reykhólum í Barðastrandarsýslu
og jókst þá dísilaflið á orkuveitusvæði Þverárvirkjunar um 200
kW. Á næsta ári var lögð háspennulína frá Ásgarði í Dölum
eða grennd að Bessatungu. Sú lína var aðeins gerð fyrir 19 kW
spennu en með tilkomu hennar jókst flutningsgeta kerfisins og
öryggi í rekstri.
Þórarinn Reykdal Ólafsson var svæðisstjóri á Hólmavík 1953–
1985 en við lok þess tímabils tók Þorsteinn Sigfússon við starf-
inu. Ekkert varaafl var á Hólmavík í árslok 1986 en litið var á
olíuaflstöðvar sem varaafl. Orkubú Vestfjarða yfirtók rafveituna á
Hólmavík hinn 1. janúar árið 1978.
Drangsnes
Árið 1932 stofnuðu þeir Kristján Einarsson og Ólafur H. Jóns-
son, forstjórar útgerðarfélagsins Alliance hf. í Reykjavík, Verzl-
unarfélagið Drangsnes og keyptu jörðina Drangsnes ásamt öllum
fasteignum. Eigendur Verzlunarfélagsins stofnuðu hraðfrystihús-
ið Fjölni hinn 2. júlí 1942. Hluthafar voru þeir sjálfir, Verzlunar-
félagið og um 40 íbúar á staðnum en þeim hafði fjölgað allmikið
undanfarinn áratug. Keypt var um 100 ha National dísilvélasam-
48