Strandapósturinn - 01.06.2006, Page 57

langri þrýstivatnsstíflu að stöðvarhúsi sem stæði 45 m lægra en
yfirborð vatnsins. Árni taldi miðlunarmöguleika góða í vatninu
og unnt yrði að virkja þarna alls 1.400 hö. Hann lagði til að fyrst
yrði 175 ha vélasamstæða sett upp í stöðinni og síðan bætt við
jafnstórum einingum eftir þörfum uns aflið væri fullnýtt. Árni
áætlaði stofnkostnað við fyrsta áfanga Þverárvirkjunar, 4,5 km
háspennulínu til Hólmavíkur og bæjarkerfi þar vera 154 þúsund
kr. Vantrú á fyrirtækið og fjárhagsörðugleikar hreppsins ollu því
að ekki varð af virkjun í þetta skipti.
Virkjunarmálið lá að mestu leyti niðri næstu ár en á árunum
1947–1950 var unnið að áætlun um virkjun Þverár, fyrst af skrif-
stofu vegamálstjóra og síðar af raforkumálastjóra. Síðarnefndi
aðilinn lauk við áætlun um virkjun Þverár í marsmánuði 1948 og
Alþingi heimilaði með lögum nr. 34/1949 að láta virkja allt að
1.000 kW í ánni og leggja þaðan aðalorkuveitu til Hólmavíkur.
Athyglisvert er að ríkið skyldi ráðast í virkjunarframkvæmdir
laust fyrir 1950. Efnahagur var þá bágborinn. Skýringin mun sú
að landið naut Marshallaðstoðar um 1950 og samþykkt hafði ver-
ið að nota það fé meðal annars til að tvöfalda raforkuframleiðsl-
una í landinu. Svonefnt Fjárhagsráð hafði á árunum 1947–1950
lokaorð um allar framkvæmdir og þótti ekki beinlínis útausandi
55
Inntaksmannvirki Þverárvirkjunar 1960. Ljósm. Tryggvi Jónasson.