Strandapósturinn - 01.06.2006, Side 59

Hér hefur saga framkvæmdanna verið rakin en nú skal mann-
virkinu lýst nokkuð. Ofan til í gljúfri Þverár, þar sem hún renn-
ur úr Þiðriksvallavatni, var byggð 34 m löng og 10 m há stífla.
Sautján metrar stíflunnar var bogastífla og var það fyrsta stífla
sinnar tegundar á Íslandi.
Yfirborð Þiðriksvallavatns var í 73 m hæð yfir sjávarborði svo
sem fram hefur komið en með stíflunni var það hækkað í 76 m.
Einnig var sprengdur 200 m langur skurður úr vatninu. Með
þessu fékkst 4,5 m vatnsborðsbreyting sem veitir góða miðl-
unarmöguleika. Frá stíflunni liggur 638 m löng þrýstivatnspípa
niður að stöðvarhúsi sem er 300 m fyrir neðan ármót Þverár
og Húsadalsár svonefndrar. Þetta er járngirt trépípa frá Noregi.
Síðustu 6 metrana kvíslast þrýstivatnspípan í stálpípur og að
tveimur vatnshverflum. Stöðvarhúsið var 100 m². Það var teikn-
að af Sigvalda Thordarson arkitekt. Húsið er steinsteypt með
bárujárnsþaki. Gólf þess er í 29,3 m hæð yfir sjávarmáli.
Vatnshverfillinn var frá þýska fyrirtækinu Dress & Co í Werl
í Westfalen. Þetta var Francis hverfill með láréttum ás og bein-
tengdur við rafalann. Hverfillinn var gerður fyrir 45 m fallhæð
og 1405 lítra/mín og gaf 700 ha afl við 1.000 snúninga á mínútu.
Rafalinn var frá Titan í Kaupmannahöfn, 3-fasa riðstraumsrafali
á láréttum ás og beintengdur við hverfilinn. Afl rafala var 700
kVA við 1.000 snúninga á mínútu, 56 kW, 50 rið, 3.000/3.300V.
Segulmögnunarvél var áföst við rafalann og henni fylgdi hlið-
57
Stöðvarhús Þverárvirkjunar. Elsti hluti hússins var byggður á árunum
1952–1953. Arkitekt var Sigvaldi Thordarson. Ljósm. Haraldur Jón-
as son.