Strandapósturinn - 01.06.2006, Page 77
9. Sveitarþyngsli.
Útgjöld hreppsins eru lík og síðastliðið ár. Ómagameðlög eru
nokkru lægri, en aptur er nú meira borgað af hreppssjóði til
skóla og lestrarfjelags. Voru því útsvör heldur hærri en í fyrra.
Nú er útlit fyrir að þyngist næsta ár af nýjum sveitarlimum.
10. Hitt og þetta.
Ábúendaskipti urðu þau í ár í hreppnum að Samúel Guð-
munds son fór að búa á Gestsstöðum, en Friðrik Magnússon
fór í húsmennsku að Klúku. Magnús Guðmundsson er bjó í
Þrúð ar dal fór að Kirkjubóli í húsmennsku. Finnur Jónsson fór
það an að Gestsstöðum. Í vor giptust Magnús Lýðsson frá Enni
og Elín Jónsdóttir Tröllatungu, Oddur Lýðsson bróðir Magnúsar
– Sigríður Jónsdóttir systir Elínar, og í haust giptist Jón H. Jóns-
son frá Tröllatungu og Matthildur Björnsdóttir Smáhömrum.
Eng ar verulegar veislur haldnar og stofubrúðkaup.
Börn fæddust hjá sr. Jóni og Guðnýju, Magnúsi og Guðbjörgu
Hvalsá, Júlíusi og Valgerði Þorpum, Halldóri og Elínu Miðdalsgröf
og Jóni Guðm.syni T.gröf og Kristínu konu hans. Kirkjugjöldin
þykja þung einkum húsfólkinu, aukagjald til kirkjunnar 70 au.
á hvert fermt nef. Sjaldan messað og þá fátt fólk. Manntal var
tekið um allt land 1. desember síðastliðinn. Sett var á hey bænda
í haust, eins og áður var, nema árið 1907 og 8. Ásetningsmenn
Grímur Stefánsson og Halldór Jónsson. Flestir böðuðu fje sitt í
haust, og sumir báru í.
Haugshús byggði sr. Jón upp, sem hefur verið niðurfallið
síðan þeir feðgar Jón Magnússon og Magnús voru þar, eru nú 9
haugshús í hreppnum.
75