Strandapósturinn - 01.06.2006, Page 94

Gunnar Guðjónsson frá Eyri:
Nokkur orð
um Birnu ST 20
Ég, undirritaður, Gunnar Guðjónsson frá Eyri tel mig hafa
verið aðalmanninn að kaupum á Birnu ST 20. Ég var á Laug-
ar vatni veturinn 1938 til 1939 og kom til Reykjavíkur eftir
skólaslit um vorið. Þar hitti ég frænda minn og föðurbróður,
Ólaf Guð mundsson, og fórum við að tala um að ekki væri gott
að vera bátlaus fyrir norðan því vélbáturinn Ebbi, sem pabbi átti,
hvolfdi og sökk á Ingólfsfirði haustið 1937 er verið var að flytja
girð ingarstaura frá Ófeigsfirði að Eyri og fyrir sérstakan dugnað
Önnu systur var mönnunum bjargað en sagt er frá þeirri björg-
un í Strandapóstinum fyrir mörgum árum. Við Ólafur fórum
að athuga hvort nokkrir bátar væru til sölu sem hentað gætu
okkur. Það virtust vera nokkrir bátar vestur á Granda af ýmsum
stærðum og þar á meðal Birna sem mér sýndist henta hvað stærð
varð aði. Við fórum að skoða bátinn og vélina sem var 6 hesta
Kelvin. Innflytjandinn á þessum vélum var Ólafur vélfræðingur.
Hann var þarna á staðnum og var að skoða báta og vélbúnað og
frágang á vélum enda var hann skoðunarmaður ríkisins á vél-
búnaði. Við vildum endilega að Ólafur skoðaði vélina í bátnum
sem hann gerði og sagði hann að hún væri í góðu lagi. Þá fórum
við að hitta eigendur að bátnum og tala um verð og fleira og að
lokum tóku þeir ákvörðun um að við fengjum bátinn fyrir kr.
1400. Við tókum víxil í Útvegsbankanum fyrir verði bátsins og
þeir gáfu út afsal og þar kom fram nafn bátsins sem var Bjarni.
Eigendur bátsins voru frá Keflavík. Báturinn fór með Heklu
norður og þegar hann var kominn norður var hann skráður. Til
þess að fá bátinn skráðan þurfti fyrst að mæla hann og annaðist
Hjalti Steingrímsson það. Hjalti bjó á Hólmavík og var skoð-
unarmaður báta í Strandasýslu. Báturinn fékk nafnið Birna og
skráningarnúmerið var ST 20.
92