Strandapósturinn - 01.06.2006, Page 137
hún væri alveg þess verð
að vera á góðum stað.
Við fórum núna í haust
og sóttum vélina. Hver
veit nema þetta sé einmitt
kvenfélagsvélin? Það er
önnur saga, en þessi vél
er nú í minni vörslu, vel
geymd inni á Gili, að vísu
dálítið ryðg uð. Það má þó
sjá hvernig þetta var.
ÓB: Skyldi vera hægt að
taka mynd af þessari vél?
Nei, ekki hélt Indriði það,
hún væri sundurtekin, við
urðum að taka hana sund-
ur í flutningnum. IS: „En
pabbi smíðaði líka 5 þráða rokka. Þeir voru ekki stórir um sig.
Einn þeirra er hjá Þórði gamla Tóm as syni í Skógum. Ég fór
þangað fyrir nokkrum árum og rakst á rokkinn þar á byggðasafn-
inu. „Nú, þarna hefurðu rokk eftir hann pabba heitinn,“ sagði
ég. Og þá þurfti nú Þórður heldur betur að spyrja mig spjör-
unum úr. Það er kannski ekki útilokað að fá mætti mynd af
svona spunarokki hér heima. Einn þeirra fór norður á Strandir.
Ég vissi ekki hvert hann fór, en er búinn að vita það núna. Hann
var í Steinstúni á Ströndum hjá Ágústi Gíslasyni. Svo komu þeir
með þremilsins rokkinn í fyrravetur. Hann er hjá mér inni í
skúr á Hólmavík. Það þarf að þrífa hann mikið upp og svo gæti
tæknimaðurinn, Gunnlaugur, fengið að taka mynd af honum og
fengið leyfi til – með eftirgangsmunum – að þrífa hann upp líka.
Það eru náttúrlega einhver skilyrði sem ég set honum.“
Við Gunnlaugur fórum samt og tókum hús á Indriða og mynd-
uðum rokkinn, hvað sem hann sagði. Hann virðist í ágætis lagi
og alls ekki illa farinn. (Sjá mynd).
Hér fyrir utan smíðaði Sigmundur heilmikið af gömlu góðu
trérokkunum, sem til voru á hverjum bæ, jafnmargir víða og
kvenfólkið á bæjunum.
135
Fimm þráða spunarokkur eftir Sigmund.