Strandapósturinn - 01.06.2006, Qupperneq 150

suður að því og merkin verið um Bjarnarfjarðará í Bjarnarfirði
nyrðra. Það mælir þó á móti að samkvæmt viðurkenndu tímatali
ætti Þorvaldur Ásvaldsson að hafa komið út nokkru seinna en
Skjalda-Björn og hefur yfirleitt verið talið að Skjalda-Björn hafi
látið Þorvald fá syðsta hluta landnáms síns. Ef svo hefir verið
þá hefur Drangavík verið ónumin milli þeirra Skjalda-Bjarnar
og Eyvindar sem er heldur ólíklegt. Yfirleitt hefur verið álitið
að Þorvaldur hafi numið „Drangaland til Enginess“ og hefur
það verið túlkað svo að hann hafi numið land að Enginesi en
ekki það sjálft. Með sömu rökum má segja að Skjalda-Björn
hafi numið land að Dröngum en ekki Dranga sjálfa. Hann hef-
ur þá numið að Bjarnarfjarðará. Einnig hafa fræðimenn talið
að annað bú Skjalda-Bjarnar hafi verið á Bjarnarnesi norður í
landnámi Geirmundar heljarskinns. Þetta verður að teljast harla
ósennilegt. Í landnámi Skjalda-Bjarnar er nú lítið klettanes sem
nefnist Bjarnarnes, austan undir Geirhólmi, en þar eru engin
líkindi til að nokkurn tíma hafi verið bú. Aftur á móti er nes
grösugt við Bjarnarfjörð sem nú á dögum nefnist Skaufasel eða
Skjaldarvíkursel en áður hét þar Skaufanes. Á nesi þessu eru mikl-
ar rústir og verður að teljast sennilegra að þar hafi Skjalda-Björn
haft annað bú og að nesið hafi upphaflega heitið Bjarnarnes
og dregið nafn af Skjalda-Birni eins og fjörðurinn. Í Landnámu
er þess og getið að miklar rústir eða tóttir séu á Bjarnarnesi og
það getur vel átt við Skaufasel en síður við Bjarnarnes á Austur-
Almenningum. Skjalda-Björn byggði Geirólfi land norðan undir
Geirhólmi, líklega í Sigluvík. Í landnámi Skjalda-Bjarnar eru því
eftirtaldar jarðir: Bolungarvík, Furufjörður, Þaralátursfjörður,
Reykjarfjörður, Kirkjuból og Skjaldabjarnarvík.
Þorvaldur Ásvaldsson nam Drangaland og Drangavík til Engi ness
og bjó á Dröngum.
Landamerki hafa verið um Bjarnarfjarðará að norðan og
um Þrælakleif (Þrælskleif) skammt norðan Engjaness ef merki
lögbýla á seinni öldum eru látin ráða. Það álit að Þorvaldur hafi
komið út seint, er byggt á því að Eiríkur rauði sonur hans fann
Grænland um 982 og geti því ekki verið fæddur fyrr en undir
miðja tíundu öld. Aftur á móti bendir sú fullyrðing Grettis sögu,
148