Strandapósturinn - 01.06.2006, Page 154

þá skoðun að Munaðarnes hafi fylgt landnámi hans. Ekki gaf
Önundur fé eða aðra hluti fyrir landið, og þá er afkomendur
þeirra tóku við löndum, þótti Flosa Eiríkssyni að Kaldbeklingar
gætu ekki fært sönnur á að Önundur hefði keypt landið og end-
aði svo að fullur fjandskapur varð af. Upp úr sauð er hval rak á
Rifskerjum sem eru í Gjögurslandi. Báðir gerðu tilkall til hval-
sins og börðust þar eins og getið er í Grettis sögu. Niðurstaðan
varð sú að Kaldbeklingar urðu að láta Reykjarfjörð og allt út
þeim megin en þeir skyldu eiga Kamb. Þetta ber að skilja svo
að Kaldbeklingar hafi orðið að gefa eftir Reykjarfjörð norðan
megin en haldið Kambi. Á seinni öldum átti Kambur land allt
inn að Kleifará skammt utan við Djúpuvík sem er í Kjósarlandi.
Því er sennilegt að Kaldbeklingar hafi haldið jörðinni Kambi og
Veiðileysu allri. Flosi Eiríksson seldi jarðir sínar Geirmundi hvika-
timbri sem þar bjó síðan.
Af rekaskrám og máldögum má ætla að Árnessókn hafi á fyrri
öldum náð allt suður að Kaldbakskleif eða yfir allt landnám
Önundar tréfótar, a.m.k. er Árneskirkju eignaður tíundi partur í
öllum hvölum milli Kaldbakskleifar og Geirhólms. Þetta er nokk-
uð rökrétt þegar litið er á þá samtvinnun landnáma sem hér er
lýst að ofan.
152