Saga - 2016, Side 26

Við fórum á fundi sem voru í kjallaranum í Garðastræti. Þar voru
nokkrir karlar. Það sátu einhverjir tveir gamlir úti í horni og flettu ein-
hverjum blöðum. og svo var Guðni [Baldursson fyrsti formaður
Samtakanna ’78] og Guðni var í þessari pólitík. Hann var alveg kominn
þangað á meðan við vildum bara kynnast öðrum. Við fórum á ein -
hverja fundi þarna og það fór algjörlega fyrir ofan garð og neðan allt
sem fór þarna fram. … en þá voru bara tvær konur skráðar í Sam -
tökin.46
Það þurfti að bíða til ársins 1983 eftir því að fimm konur, sem kynnst
höfðu í gegnum nám og störf, stofnuðu kvennahóp í Samtökunum
’78. Þetta nýmæli hafði ákveðna kvennapólitíska skírskotun ef
marka má viðtal við forsprakka hópsins sem birtist í Úr felum, mál-
gagni félagsins, sumarið 1984. Þar kemur fram að eitt af helstu
markmiðum hópsins var að styrkja rödd kvenna innan félagsins
enda fannst þeim „ómögulegt að í Samtökunum störfuðu bara karl-
menn og þar að auki mjög „þröngur“ hópur karlmanna.“47 einnig
vonuðust þær „eftir samstarfi allra þeirra sem eru tilbúnar til að
leggja hönd á plóginn til þess að gera félagið að Félagi homma og
lesbía en ekki bara homma.“48 Hópurinn hafði þó fyrst og fremst
félagslegt hlutverk og skipulagði opin hús og skemmtikvöld fyrir
konur innan Samtakanna. Þau voru þá til húsa á lítt aðgengilegum
stað í Brautarholti og því var starfið sem þar fór fram ansi falið, ef
marka má lýsingu Margrétar Pálu Ólafsdóttur af fyrstu kynnum sín-
um af kvennastarfi Samtakanna ’78:
Ég og þáverandi sambýliskona mín fréttum af kvennakvöldi á vegum
samtakanna snemma á árinu 1985 og ákváðum að fara og hitta aðrar
lesbíur … Við fundum húsið í myrkrinu sem var þá staðsett í dimmu
og drungalegu iðnaðarhverfi. Það var ekki hlaupið að því að komast
upp á fjórðu hæð því það var rafmagnslaust í stigaganginum. eftir að
hafa klöngrast upp stigana í myrkrinu fór að berast til okkar niður af
lágri tónlist og kvennmannsröddum. Við vorum þá komnar í Samtökin
’78.49
Sumum kvennanna fannst þó ekki nóg að hittast við slíkar aðstæður
heldur vildu verða sýnilegri fyrir umheiminum og öðrum lesbí -
íris ellenberger24
46 Viðtal. Ragnhildur Sverrisdóttir 23. maí 2016.
47 „Spjallað við kvennahópinn“, Úr felum 3. árg. 4. tbl. (júní 1984), bls. 28–29.
48 Sama heimild, bls. 28–29.
49 Þóra kristín Ásgeirsdóttir, „30 ára stríðið“, bls. 32.
Saga haust 2016.qxp_Saga haust 2004 - NOTA 17.5.2019 10:12 Page 24