Saga - 2016, Qupperneq 29

anna vildu samþykkja umsóknina en tvær voru því andvígar og
taldi önnur þeirra að starfsemi lesbía í húsinu gæti ógnað heiðri og
velgengni kvennalistans og kvennaframboðs í Reykjavík. Í fundar-
gerðabók húshópsins segir að viðkomandi telji það geta verið
„hættulegt f[yrir] okkur sem stjórnmálaflokka að leyfa þeim að
koma. Hættulegt út á við — getur skapað róg, og illan vitnisburð,
um okkur.“63 kvennaframboðið og Samtök kvenna á vinnumarkaði
höfðu þegar lýst sig samþykk umsókninni en hópurinn ákvað að
leita eftir umsögn Reykjavíkur- og Reykjanesanga kvennalistans,
auk þess að kanna hug hinna félaganna sem störfuðu í húsinu.
Skemmst er frá því að segja að báðir angar kvennalistans voru
jákvæðir gagnvart veru kvennahóps Samtakanna ’78 í húsinu. Þar
með náðist meirihlutasamþykki svo að hópurinn fékk formlega
aðgang að húsinu þann 1. apríl 1985, þegar elísabet Þorgeirsdóttir
og Stella Hauksdóttir voru kallaðar á fund húsnefndar og fengu
afhenta lykla að „fyrsta herbergi til hægri á Pallinum.“64
Boðað var til fundar í kvennahúsinu 13. apríl og þangað mættu
20–30 lesbíur, flestar vin- og kunningjakonur forsprakkanna en uppi -
staðan í félaginu voru konur á þrítugsaldri.65 Þar tók hópurinn sér
nafnið Íslensk-lesbíska eftir uppástungu Ragnhildar Sverris dóttur „til
bráðabirgða að minnsta kosti, því ekki voru allar sáttar við orðið út
frá málfræðilegum forsendum, en flestum fannst það fela í sér svolít-
inn húmor, og því betra en eitthvað formlegra nafn.“66 elísabet Þor -
geirsdóttir minnist þess þó einnig að í nafninu hafi falist pólitísk
yfirlýsing og því hafi verið ætlað að minna á tilvist lesbía en þarna
voru aðeins tvö ár síðan fyrstu lesbíurnar komu fram í fjölmiðlum
undir nafni og þær enn ekki viðurkenndur þjóðfélagshópur.67 Stofn -
fundurinn ákvað jafnframt að halda opið hús í Hótel Vík á laugar -
dögum milli 17 og 19 og að manna símatíma Samtak anna ’78 á
fimmtudagskvöldum. Auk þess stóðu þær fyrir kvennakvöldum í
húsnæði samtakanna í Brautarholti.68 Meðal þeirra var því augljós
lesbía verður til 27
63 KSS. 10. Askja 413. kvennahúsið hússtjórn [fundargerðabók]. Fundur 18. mars
1985.
64 KSS. 10. Askja 413. kvennahúsið hússtjórn [fundargerðabók]. Fundur 1. apríl
1985.
65 „Í góðra kvenna hópi“, bls. 17; Viðtal. elísabet Þorgeirsdóttir 14. apríl 2016.
66 „Íslensk-lesbíska“, bls. 20; Viðtal. elísabet Þorgeirsdóttir 14. apríl 2016; Viðtal.
Ragnhildur Sverrisdóttir 23. maí 2016.
67 Viðtal. elísabet Þorgeirsdóttir 14. apríl 2016.
68 „Íslensk-lesbíska“, bls. 20.
Saga haust 2016.qxp_Saga haust 2004 - NOTA 17.5.2019 10:12 Page 27