Saga - 2016, Side 30

vilji fyrir því að brúa bilið milli réttindabaráttu samkynhneigðra og
kvennahreyfingarinnar og stofna lesbísk-feminískan vettvang.
Í tillögu að stefnuyfirlýsingu, sem lögð var fram u.þ.b. mánuði
eftir stofnun félagsins, má þó sjá að félagið lagði ívið meiri áherslu
á starf Samtakanna ’78 og raunar var kveðið á um að þær þrjár lesbí-
ur sem þá voru í stjórn Samtakanna ’78 hefðu yfirumsjón með starfi
Íslensk-lesbíska.69 Markmið félagsins voru eftirfarandi:
• að efla starfsemi íslenskra lesbía með því að starfrækja „opið
hús“ í kvennahúsinu á laugardögum, þar sem fer fram ýmis
fræðslu- og skemmtistarfsemi
• að veita lesbíum sem „eru að koma úr felum“ aðstoð með síma-
tímum á fimmtudögum kl. 21–23, í síma 28539 og á annan hátt
• að standa fyrir mánaðarlegum skemmtikvöldum í húsnæði
Samtakanna ’78
• að halda uppi merki lesbía í starfsemi Samtakanna ’78 með
þátttöku í blaðaútgáfu og upplýsingastarfsemi í skólum
• að fylgjast með því sem er að gerast hjá lesbíum í öðrum
löndum, með blaðakaupum og samskiptum70
Ríkari áhersla á Samtökin ’78 helgast vafalaust af því að Íslensk-
lesbíska átti uppruna sinn að rekja til kvennahóps samtakanna og
þrátt fyrir að ýmsar konur í Íslensk-lesbíska hefðu starfað innan
kvennahreyfingarinnar lá ekki ljóst fyrir hvernig lesbísk-femínísk -
um hópi yrði tekið þar á bæ. en einnig þótti mikilvægt að konurnar
yrðu sjálfstæðar og óháðar hommunum innan Samtakanna ’78, ekki
síst fjárhagslega.71
Stefnuyfirlýsingunni fylgdu tillögur að fyrirkomulagi opins húss
vorið 1985:
11. maí: Ljóðalestur — myndlist. Félagar lesa eigin ljóð og sýna
eigin myndir.
18. maí: erindi um sögu lesbía í heiminum og umræður á eftir. …
25. maí: Dagsferð út úr bænum (Hvítasunnan).
1. júní: Umræður og kynning á lesbískum bókmenntum.72
íris ellenberger28
69 BR. (Borgarskjalasafn Reykjavíkur). einkaskjalasafn nr. 297. Samtökin ’78.
Félag hinsegin fólks á Íslandi. Askja B-2. Tillögur að stefnuyfirlýsingu.
70 Sama heimild.
71 Sjá t.d.: „Íslensk lesbíska“, bls. 20; BR. einkaskjalasafn nr. 297. Askja A-1.
Ótitluð fundargerðabók Samtakanna ’78. Stjórnarfundur 15. maí 1984.
72 BR. einkaskjalasafn nr. 297. Askja B-2. Tillögur að stefnuyfirlýsingu.
Saga haust 2016.qxp_Saga haust 2004 - NOTA 17.5.2019 10:12 Page 28