Saga - 2016, Page 39

um.106 Þóra setur hann einnig í samhengi við uppbyggingu tengsl-
anets og lesbísks vettvangs sem, eins og þegar hefur komið fram, er
með mikilvægustu forsendum sjálfsmyndarsköpunar og andófs á
grundvelli kynhneigðar:
Þó að einhverjar konur í 101 Reykjavík þekktu mann sem þekkti mann
sem þekkti lessu sem þekkti kannski eina lessu til viðbótar, það nægir
ekki til að byggja upp eitthvað svona félagslegt net þegar þú ferð út í
svona erfiða ákvörðun. Það var erfið ákvörðun á þessum tíma að
standa með sjálfum sér. Það var ekkert bara eitthvað mjög léttvægt. og
þegar það er komið eitthvað smá „platform“, þótt það sé veikburða,
einhver hópur sem að þú getur talað við, sem að hefur fundi eða sam-
komur eða eitthvað þar sem þú getur komið og verið með, kannski
kynnst einhverjum, þá er þetta orðið meiri valkostur. og það er það
sem gerðist.107
Hér undirstrikar Þóra hvernig ástatt var með lesbíur á þessum tíma
og hversu skammt þær voru á veg komnar með að átta sig á því
hvað það þýddi að vera lesbía á Íslandi og móta bæði persónulega
og félagslega sjálfsmynd byggða á kynhneigð. Starf Íslensk-lesbíska
tók því nokkuð aðra stefnu en stofnendur þess sáu fyrir sér upphaf-
lega enda kom í ljós að konurnar höfðu fyrst um sinn miklu meiri
þörf fyrir samveru en baráttu fyrir ákveðnum réttindum.
Þótt ákveðinn kjarni kvenna í Íslensk-lesbíska hafi reynt að halda
úti málefnastarfi kom snemma í ljós að félagið var í augum flestra
fyrst og fremst félagslegur vettvangur í þjóðfélagi þar sem lesbíur
voru enn neðanjarðar og þ.a.l. afar jaðarsettar. Líkt og erlendis lögðu
veislur og dansleikir mikilvægan grunn að réttindabaráttu samkyn-
hneigðra. Slíkar samkomur sköpuðu félagslegt net kvenna, sem
áður höfðu verið að miklu leyti einangraðar, og lögðu þannig grunn -
inn að sjálfsmyndarsköpun þessa fyrsta hóps íslenskra lesbía. Jafn -
framt gerðu þær lesbíum kleift að sleppa undan pressu hversdags -
ins eins og Anni Haugen orðar það:
Þetta sem er svo erfitt að útskýra sem maður finnur stundum. Maður á
rosalega góða vini, gagnkynhneigða, samkynhneigða, svo kemur
maður inn í einhvern hreinræktaðan samkynhneigðan heim. og það er
ekkert sagt og það er ekkert gert en það er svona: [andvarpar] já, hér er
lesbía verður til 37
106 Sjá t.d. Viðtal. Anni Haugen 10. maí 2016; Viðtal. elísabet Þorgeirsdóttir 14.
apríl 2016.
107 Viðtal. Þóra kristín Ásgeirsdóttir 29. apríl 2016.
Saga haust 2016.qxp_Saga haust 2004 - NOTA 17.5.2019 10:12 Page 37