Saga - 2016, Síða 48

boðið og kvennalistinn buðu fram í fyrsta sinn og segir að henni
hafi fundist hugmyndin mjög útilokandi, sérstaklega í ljósi þess að
það var engin opinber lesbía í forystusveit þessara flokka. Fyrir
henni skírskotaði þessi hugmyndafræði því fyrst og fremst til kven-
leika sem hún hafði ekki aðgang að eða áhuga á:
Mér fannst það ógeðslega stuðandi. Ég hef alltaf verið dálítið pólitískt
þenkjandi … Ég kaus kvennalistann alltaf. … og það var svo djöfulli
hart og svo mikil afgreiðsla á mig sem hafði fullt af hæfileikum, var
klár og búin að spekúlera mikið í pólitík. Ég hefði aldrei getað farið
þangað inn. Hvað hefði ég átt að gera í kvennalistanum þegar Sigríður
Dúna með englahárið byrjaði að tala um reynsluheim kvenna? Ég hefði
bara setið þarna eins og strákur, eða ég veit það ekki, bara alveg full-
komlega „out of place“. Mér fannst þetta [sameiginlegur reynslu -
heimur kvenna] virkilega andstyggilegt fyrirbæri.126
Hugmyndin um sameiginlegan reynsluheim kvenna virðist þannig
hafa verið fráhrindandi fyrir lesbíur auk þess sem hún ýtti mál -
efnum lesbía til hliðar, ef þau komu á annað borð til tals, á þeim for-
sendum að þau sameinuðu ekki allar konur. Ríkjandi hugmynda-
fræði kvennahreyfingarinnar átti þannig þátt í því að lesbíur voru
flestar jaðarsettar innan hennar og kom í veg fyrir að hægt væri að
samþætta jafnréttisstarf á grundvelli kyngervis og kynhneigðar ann-
ars staðar en í Íslensk-lesbíska. einnig má færa rök fyrir því að
skortur á samtvinnun og vitund um félagslega stöðu lesbía hafi tor-
veldað samskiptin á stundum, þótt þau hafi yfirleitt verið ágæt. Hin
sérstaka staða sem íslenskar lesbíur voru í kallaði á félagsstarf sem
önnur félög innan hreyfingarinnar voru ekki vön. Skemmtanir
gegndu t.d. mikilvægu hlutverki í starfi Íslensk-lesbíska og annarra
félaga samkynhneigðra á níunda og tíunda áratugnum, eins og áður
hefur komið fram. Félagið var að þessu leyti frábrugðið öðrum fem-
ínískum samtökum sem einbeittu sér að pólitísku málefnastarfi og
minnist Þóra kristín Ásgeirsdóttir þess að áherslumunurinn hafi
leitt til árekstra niðri í kvennahúsi. orsakaðist það aðallega af því
að flestar lesbíur á þessum tíma treystu sér ekki til eða höfðu ekki
áhuga á að opinbera kynferðislegar langanir sínar til annarra kvenna
og áfengi varð því leið fyrir margar þeirra að glíma við veruleika
sinn. en konurnar í kvennahúsinu voru ekki vanar því að málefna-
starf blandaðist á þennan hátt saman við gleðskap og mikla áfengis -
neyslu, eins og Þóra kristín Ásgeirsdóttir bendir á:
íris ellenberger46
126 Viðtal. Lana kolbrún eddudóttir 20. júní 2016.
Saga haust 2016.qxp_Saga haust 2004 - NOTA 17.5.2019 10:12 Page 46