Strandapósturinn - 01.06.2013, Qupperneq 10

8
mikil og óeigingjörn störf í þágu félagsins í tugi ára en hún var
formaður í 20 ár og í stjórn í um 30 ár. Við stöndum í mikilli
þakkarskuld við Guðrúnu fyrir þau farsælu störf sem hún hefur
unnið fyrir félagið. Þá var kjörin skemmtinefnd og þar varð einn-
ig breyting því að Anna Magnúsdóttir og Ingibjörg Magnúsdóttir
gáfu ekki kost á sér áfram og er þeim einnig þakkað fyrir áralöng
störf fyrir félagið. Ný í skemmtinefnd var kjörin Jóna Ingibjörg
Bjarnadóttir og er hún boðin velkomin til starfa. Skemmtinefnd-
ina skipa því fimm manns eins og lög félagsins gera ráð fyrir.
Ástæða þess að nefndin hefur verið skipuð fleiri aðilum hingað til
á rætur sínar að rekja til þess fyrirkomulags sem var viðhaft áður
þegar nefndarmenn útbjuggu allan þorramatinn sjálfir og krafð-
ist sú vinna margra vinnufúsra handa. Strandasel, sem er sumar-
hús félagsins, var leigt út í tólf vikur og tvær helgar en það er
svipað og síðustu ár. Stjórnin þakkar húsnefndinni gott starf. Enn
fremur urðu breytingar hjá Strandapóstinum. Ingunn Ragnars-
dóttir gaf ekki áfram kost á sér í ritnefnd og Helgi Jónsson lét af
störfum sem framkvæmdastjóri Strandapóstsins eftir tæplega
tveggja áratuga starf. Er þeim þakkað fyrir störf sín í þágu félags-
ins. Það er óhætt að segja að tímamót verða hjá Strandapóstinum
nú þegar Helgi hverfur af vettvangi. Hann hefur ekki bara gætt
þess að dreifing og lager tímaritsins séu í skorðum heldur hefur
hann tekið þátt í öflun efnis, þar á meðal mynda, boðað ritnefnd-
arfundi og vakað yfir samskiptum við prentsmiðju – allt unnið af
mikilli ósérhlífni og lipurð. Við starfi Helga tók Páll Sæmundsson
og er hann boðinn velkominn til starfa. Reikningar félagsins voru
lagðir fram af gjaldkera, Margréti Ó. Sveinbjörnsdóttur, en þar
kom fram að lítils háttar afgangur var af rekstri félagsins þegar allt
er tiltekið.
Nú í haust var stjórnin kölluð saman og farið að undirbúa
haustballið sem haldið var í Breiðfirðingabúð 20. október. Ari
Jónsson sá um dansmúsíkina en því miður var þátttakan dræm.
Þrátt fyrir það erum við ekki tilbúin að gefast upp með haust-
böllin.
Fljótlega eftir haustballið var fundað um vetrarstarfið 2012–
2013 og hafinn undirbúningur að 60 ára afmælishátíð félagsins.
Stefnt er að því að gera afmælishátíðina eins góða og kostur er án
þess að kosta of miklu til úr félagssjóði. Þá komu fljótlega upp