Strandapósturinn - 01.06.2013, Qupperneq 15

13
Eftir að hafa skoðað Heimskautagerðið er ekið til baka til Þistil-
fjarðar og haldið á Langanes. Áð er í Hófaskarði en þar hefur
Vegagerðin komið upp góðri aðstöðu fyrir ferðamenn. Þar er hið
besta útsýni yfir Þistilfjörð og lesa má fróðleik um svæðið á upp-
lýsingaskiltum. Ferðin út á Langanes gengur hægt. Bæði er vegur-
inn vondur og farkosturinn ekki gerður fyrir malarvegi en bíl-
stjórinn stendur fyrir sínu. Ferðafólkið nýtur hins vegar lífsins,
það er gengið á reka, skyggnst niður í Skoruvíkurbjarg og endað
úti á Skálum þar sem var á fyrri hluta 20. aldar verstöð sem nú er
rústir einar. Á meðan fólkið gengur um og kynnir sér sögu staðar-
ins af upplýsingaskiltum bera þær Guðrún og Brynja fram móa-
kaffi og meðlæti. Frá Skálum er þónokkur spölur út á Font og þar
sem vegurinn er vondur er ákveðið að snúa hér. Á heimleiðinni
er staldrað við á kirkjustaðnum Sauðanesi þar sem skoðað er
gamalt steinhús sem hefur verið gert upp. Eftir vel útilátinn
kvöldverð á hótelinu er efnt til kvöldvöku og dansiballs að hætti
Strandamanna. Fer knallið fram í rúmgóðu húsi þar sem hluti
hópsins hefur gist. Ég hef aftur á móti gist hjá henni Magneu í
gríðarstóru einbýlishúsi sem Landsbankinn byggði fyrir banka-
stjórann á sínum tíma. Magnea getur tekið á móti tólf manns í
gistingu. Hún er orðin lúin og húsið ásamt búnaði er til sölu.
Verðið er sjö milljónir og nokkur augnablik freistar það mín að
gerast gistihússeigandi við ysta haf.
Laugardagurinn rennur upp. Það er sama veðurblíðan og nú
er ekið áfram norður. Áður en við kveðjum Raufarhöfn er komið
við í handverksbúðinni á staðnum sem sýnir og sannar að þorpið
byggja hæfileikaríkar hannyrðakonur. Eftir þessa heimsókn situr
í mér sú hugsun að þetta litla þorp sé deyjandi staður því hvergi
höfum við séð fólk að störfum nema á hótelinu þar sem þjónust-
an er með ágætum. Á Kópaskeri er komið við á Skjálftasetrinu þar
sem sett hefur verið upp merkileg sýning um jarðskjálfta sem varð
13. janúar 1976 með þeim afleiðingum að um 90 manns urðu að
yfirgefa þorpið í stórhríð og þæfingsfærð vegna yfirvofandi hættu
á eyðileggingu á húsum og lögnum.
Frá Kópaskeri er haldið í Ásbyrgi. Þar komum við í fræðslu-
stofu Þjóðgarðsins og fræðumst, m.a. um Hljóðakletta sem er
næsti áfangastaður. Þótt ekki sé um marga afleggjara að ræða á
leiðinni inn í Hljóðakletta tekst fararstjóra og bílstjóra einhvern