Strandapósturinn - 01.06.2013, Qupperneq 20

18
var Níels Árni Lund og meðan hver kór var að koma sér fyrir á
sviðinu sagði hann stuttlega frá heimabyggð viðkomandi kórs og
því helsta úr sögu hans og starfsemi. Söngurinn var hljóðritaður
og er hægt að nálgast eintak á CD-diski hjá kórfélögum. Kóra-
mótið var í alla staði vel heppnað og því hin besta söngskemmtun
og góð tilbreyting við hið hefðbundna kórastarf.
Eftir kóramótið lét Arnhildur Valgarðsdóttir af störfum sem
kórstjóri og er henni þakkað fyrir þann tíma sem hún stjórnaði
kórnum. Við kórstjórninni tók Ágota Joó en hún er ættuð frá
Ungverjalandi og fluttist til Íslands árið 1988. Ágota útskrifaðist
frá Franz Liszt-tónlistarháskólanum í Szeged sem píanókennari,
tónfræðikennari og kórstjóri. Það vildi þannig til að Ágota var í
Ungverjalandi þegar kórinn hélt aðventuhátíðina sunnudaginn
16. desember og gat hún því ekki stjórnað kórnum. Í skarðið
hljóp Lenka Mátéóva sem er organisti í Kópavogskirkju og leysti
það viðfangsefni með miklum sóma. Einsöngvari á aðventuhátíð-
inni var Stefán Sigurjónsson, á píanóið lék Peter Máté og hug-
vekjuna flutti séra Vigfús Bjarni Albertsson en hann er sjúkrahús-
prestur við Barnaspítala Hringsins á Landspítala. Barnakórnum
var stjórnað af Unni Hjálmarsdóttur og eins og alltaf þá sungu
börnin sig inn í huga og hjörtu hátíðargesta með fölskvalausri
gleði og einlægum söng sem kom beint frá hjartanu. Í lok hátíð-
arinnar var að venju boðið upp á kaffihlaðborð í safnaðarheim-
ilinu þar sem veitingar komu úr smiðju kórfélaga og örugglega
hafa sumir makarnir komið þar við sögu. Gestirnir kunna vel að
meta veitingarnar og ekki síst að koma saman og geta spjallað við
ættingja og vini sem sumir hittast ef til vill ekki svo oft.
Á aðventuhátíðinni hljómuðu síðustu tónar kórsins þetta
starfsárið og vil ég fyrir hönd kórsins þakka Átthagafélagi Stranda-
manna stuðninginn á árinu. Einnig sendum við bestu kveðjur og
þakkir til hinna fjölmörgu tónleikagesta sem glatt hafa okkur kór-
félaga með nærveru sinni þegar kórinn hefur komið fram á árinu.
Haukur Guðjónsson
formaður