Bændablaðið - 18.11.2021, Page 26

Bændablaðið | Fimmtudagur 18. nóvember 202126
LÍF&STARF
Matarsóun er eins og vitað er ein
af löstum þjóðfélaga víðs vegar
um heiminn sem taka mat sem
sjálfsögðum hlut en gera sér ef
til vill ekki grein fyrir þeirri sóun
sem á sér stað bæði á heimilum, í
verslunum og á veitingastöðum.
Í lok júní síðastliðnum stóðu
þau Kamila Walijewska og Marco
Pizzolato fyrir opnun þess sem
kallað er freedge og þau kalla frískáp
á íslensku. Freedge er alþjóðleg
hreyfing sem stendur fyrir uppsetningu
svokallaðra samfélagskæla (frískápa)
með það fyrir augum að draga úr
matarsóun og byggja upp sterkara
samfélag.
Við Bergþórugötu 20 í miðbæ
Reykjavíkur, á stað sem kallaður
er Andrými, hafa þau Kamila og
Marco komið fyrir ísskáp, ætlaðan
undir þau matvæli sem eru umfram
neyslu manns sjálfs eða veitingastaða
og aðrir geta nýtt sér. Að sama skapi
má taka sér kost úr skápnum ef vill,
en hugmyndin er að lifa meðvituðu
líferni og deila þeim mat sem annars
yrði hent.
Ísskápinn fengu þau gefins og
skýlið yfir hann byggðu þau úr
afgangstimbri, en félagi þeirra
leyfði þeim að nota vinnustofuna
sína við smíðarnar. Fréttir af
samfélagskælinum bárust svo bæði
munnlega og með síðu á Facebook,
sem nú telur 1.700 manns. Slíkur
fjöldi áhugasamra verður til þess að
ætíð er eitthvað gómsætt í ísskápnum,
allt frá heimalöguðum súpum til
drykkjarfanga, ávaxta, grænmetis,
brauðmetis og sushi svo eitthvað sé
nefnt. Mælst er til þess að mjólk,
egg, kjöt eða fiskur séu ekki hluti
matargjafa vegna heilsufarsáhættu en
öðru er tekið opnum örmum. Bent er á
að ávallt skuli merkja þann mat sem er
heimatilbúinn með nafni, dagsetningu
og mögulegum ofnæmisvöldum.
Kamila og Marco, sem koma
erlendis frá, eru bæði afar áhugasöm
um umhverfisvernd og hvernig hægt
sé að sporna við almennri sóun. Fyrir
nokkrum mánuðum tóku þau þátt í
viðburði sem kallast Hacking Hekla,
en samkvæmt vefsíðu þess viðburðar
er hann „... nýsköpunarviðburður
þar sem áhugasamir aðilar koma
saman, deila reynslu og þekkingu
og skapa lausnir við vandamálum
eða áskorunum. Viðburðurinn, sem
vanalega tekur frá 24–48 klst., er
frábær leið til að efla sig í að koma
góðum hugmyndum í framkvæmd
og að vinna gagngert að gera
verkefni að veruleika ... Sömuleiðis
á verkefnið að virkja skapandi hugsun
og nýsköpun og eiga þátt í því að efla
svæðin með stuðningi við atvinnu- og
verkefnasköpun.“
Þeirra athygli beindist helst að
matarsóun og hvernig væri hægt að
stemma stigu við henni. Í kjölfarið
tóku þau þá ákvörðun að setja á
fót samfélagskælinn sem áður var
nefndur, enda málefnið þarft og hefur
verið ofarlega á baugi.
Fyrir þá sem vilja kynna sér
málefnið frekar má finna upplýsingar
á vefsíðunni www.freedge.org og ef
áhugi er á að setja upp slíkan kæli,
bjóða þau parið fram aðstoð sína
– en erlendis má þá finna víða, til
dæmis á bókasöfnum, í háskólum,
á veitingastöðum, skrifstofum svo
eitthvað sé nefnt.
Þau Kamila og Marco vilja hvetja
sem flesta til að líta sér nær og
deila þeim mat sem umfram er, en
næst á dagskrá hjá þeim er að finna
staðsetningu fyrir „frískáp“ bæði á
Selfossi og á Höfn. /SP
Samfélagskælir á Bergþórugötunni:
Meðvitað viðnám matarsóunar
Við Bergþórugötu 20 stendur ísskápur sem ætti ekki að fara framhjá neinum. Eða enginn ættti að láta framhjá sér
fara væri víst réttara orðfæri. Myndir / Aðsendar
Kamila Walijewska fyrir framan frískápinn góða. Kamila Walijewska og Marco Pizzolato byggðu sjálf skýlið yfir ísskápinn.
Lely Center Ísland
Reykjavík: Krókháls 5f – Sími 414 0000 – www.LCI.is
Akureyri: Óðinsnes 2 – Sími 464 8600
STARTARAR
gerðir dráttarvéla
Nýlega hafa félagarnir í hljóm-
sveitinni Hundur í óskilum, þeir
Hjörleifur Hjartarson og Eiríkur
Stephensen, sett á fjalirnar sýn-
inguna „Njála á hundavaði“.
Sögusvið sýningarinnar gerist
á Suðurlandi í samræmi við sögu
Brennu-Njáls, en áður fóru þeir
félagar á hundavaði um sögu íslensku
þjóðarinnar í þremur brakandi
skemmtilegum sýningum – Sögu
þjóðar, sem hlaut Grímuverðlaun árið
2012, Öldinni okkar, sem gekk fyrir
fullu húsi bæði í Samkomuhúsinu á
Akureyri og svo í Borgarleikhúsinu,
og Kvenfólki, sem sló í gegn hjá
Leikfélagi Akureyrar og var tilnefnd
til þrennra grímuverðlauna.
Nú snýr þessi óviðjafnanlegi dúett
aftur og ræðst á einn af hornsteinum
íslenskrar menningar – sjálfa Njálu
– þar sem misjafnlega skrautlegar
persónur takast á. Drepfyndin sýning
þar sem þeir Hjörleifur og Eiríkur
hlaupa meira en hæð sína í öllum
herklæðum og við sögu koma m.a.
taðskegglingar, hornkerlingar, kinn-
hestar, kartneglur og þjófsaugu ... auk
stórfenglegra tónlistaratriða sem hrífa
án efa áheyrendur upp úr skónum! Ef
ekki meiru.
Enda félagarnir þekktir fyrir
spaugilegar útsetningar og leik á
óvenjuleg hljóðfæri. Sýnt verður fram
í miðjan desember en miðasölu má
finna á tix.is. /SP
Borgarleikhúsið:
Njála á hundavaði kitlar hláturtaugarnar
Dúettinn Hundur í óskilum býður upp á drepfyndna sýningu.
Vinsamlega hafið samband við Björgvin Guðjónsson, búfræðing
og löggiltan fasteignasala í síma 510-3500 og 615-1020
eða á netfangið bjorgvin@eignatorg.is
Skipholt 50b, 105 Reykjavík
Vegna aukinnar eftirspurnar óskum
við eftir bújörðum á söluskrá