Bændablaðið - 18.11.2021, Qupperneq 45

Bændablaðið | Fimmtudagur 18. nóvember 2021 45
Sauðfjárræktin hefur nú um
árabil barist í bökkum vegna
afurðaverðs sem er ýmist
lægst eða næstlægst í Evrópu, í
námunda við afurðaverð rúm-
enskra sauðfjárbænda. Ekki þarf
flókna hagfræðigreiningu til að
sjá skekkjuna í samanburði milli
þessara ólíku landa.
En sitja íslenskir sauðfjárbænd­
ur kannski bara eftir, með öll ljós
slökkt? Án þess að þróa greinina í
takt við nútímann, hlusta þeir ekki
eftir óskum markaðarins? Eiga
þeir einfaldlega ekki innistæðu
fyrir betra afurðaverði? Myndin er
auðvitað aðeins flóknari, og margir
þættir sem hafa áhrif á afleita stöðu.
En sauðfjárbændur hafa hið minnsta
staðið sig og vel það.
Í samanburði við evrópska starfs­
bræður sína eru íslenskir sauðfjár­
bændur framúrskarandi og leiðandi
í þróun á sínum búskap. Nútíminn
er löngu kominn og honum fagna
bændur. Búgreinin hefur aukið
framleiðni og gæði af mikilli elju
á síðustu áratugum. Lítum á þrjú
mikilvæg atriði sem komu fram í
skýrslu atvinnuvegaráðuneytisins
sem var gefin út í maí sl.
1. Afurðamagn kjöts á hverja kind
er hæst á Íslandi í evrópskum
samanburði, 30% hærra en hjá
þeirri þjóð sem vermir annað
sæti. Íslenskir sauðfjárbændur
hafa aukið framleiðni kjöts á
hverja vetrarfóðraða kind um
u.þ.b. 25% á síðustu 20 árum
og þannig tekið fram úr öðrum
Evrópuþjóðum í samanburðin­
um. Með áherslu á hærra hlut­
fall vöðva og minni fitu, sam­
kvæmt kröfum neytenda.
2. Íslensk sauðfjárrækt skart­
ar hæsta frjósemishlutfalli í
Evrópu með einn burð á ári.
Á Íslandi fæðast 1,83 lömb á
hverja vetrarfóðraða kind á ári.
Evrópskt meðaltal er 1,4 lömb
á hverja kind.
3. Þátttaka bænda í rafrænu
skýrsluhaldi er hæst í íslenskri
sauðfjárrækt í evrópskum sam­
anburði með 97% hlutfall af
framleiðslu.
Framleitt magn kindakjöts á
hverja vetrarfóðraða kind í nokkrum
Evrópulöndum árið 2019, Afkoma
sauðfjárbænda og leiðir til að bæta
hana, LBHI fyrir ANR 2021, bls 38.
En hverju má þakka þennan
árangur? Vilja bænda til að gera
sífellt betur, aukinni menntun og
þekkingu innan greinarinnar og öfl­
ugri ráðgjöf. Skýrsluhald íslenskr­
ar sauðfjárræktar hefur víðtækustu
þátttöku bænda í allri Evrópu með
tæp 100% framleiðslunnar. Til sam­
anburðar er þátttakan einungis rúm­
lega 50% framleiðslunnar í Noregi.
Árangursríkt kynbótastarf byggir
á virkri notkun bænda og ráðgjafa
þeirra á bestu fáanlegu gögnum.
Kolefnisspor per kg lambakjöts
hefur einnig lækkað samhliða auk­
inni framleiðni. Færri gripi þarf nú
til að halda uppi framleiðslu, fóður
nýtist betur og stýring beitar tekið
stórstígum framförum með minnk­
uðu beitarálagi.
Við eigum framúrskarandi bænd­
ur sem leita sífellt leiða til frekari
úrbóta í sínum búskap, byggt á rann­
sóknum og ráðgjöf og skila afurðum
af háum gæðum.
Neytendur vilja vita af aðgrein­
andi þáttum og taka upplýstar
ákvarðanir í sínum innkaupum
og treystir íslenskum landbúnaði.
Sköpum tækifæri með stórbættum
merkingum íslenskra búvara og auk­
inni upplýsingagjöf.
Hafliði Halldórsson.
Verkefnastjóri á markaðssviði
Bændasamtakanna.
Heimildir:
Afkoma sauðfjárbænda og leið-
ir til að bæta hana. LBHI fyrir
ANR 2021.
A Wendel ehf.
Tangarhöfða 1, 110 Reykjavík,
S:551 5464 - wendel@wendel.is
www.wendel.is
Hilltip Icestriker 900–1600L
Salt og sanddreifari í tveim
stærðum fyrir stóra pallbíla og
minni vörubíla. Rafdrifinn 12V.
Hilltip Icestriker 380–550L
Salt og sanddreifarari í tveim
stærðum, fyrir minni pallbíla.
Rafdrifinn 12V.
Hilltip Icestriker 600 TR
Rafdrifinn kastdreifari
fyrir dráttarvélar m/öflugum
efnisskömmtunarbúnaði.
Hilltip Snowstriker VP
Fjölplógur fyrir pallbíla, minni
vörubíla og jeppa. Fáanlegur í
185–240 cm breidd.
Hilltip Snowstriker SP
Snjótönn fyrir pallbíla, minni
vörubíla og jeppa. Fáanleg í
165–240 cm breidd.
Hilltip Fjölplógur MVP
Fjölplógur fyrir ameríska
pallbíla t.d. RAM 3500,
GMC 3500 og FORD 350.
LANDBÚNAÐUR&MARKAÐSMÁL
Framúrskarandi íslenskir sauðfjárbændur
Hafliði Halldórsson.
Vestfirðir:
Besti áfangastaður í heimi 2022
– að mati ferðabókaútgefandans Lonely Planet
Vestfirðir eru efst á lista yfir
svæði til að heimsækja árið 2022
í árlegu vali ferðabókaútgef-
andans Lonely Planet yfir lönd,
svæði og borgir til að heimsækja
árið 2022, eða svokallaða Best in
Travel viðurkenningu, sem birt
var nýlega.
Val Lonely Planet mun beina
kastljósi heimsbyggðarinnar
að Vestfjörðum sem mun reyn­
ast mikil lyftistöng fyrir ferða­
þjónustuna á svæðinu og á Íslandi
almennt.
„Fyrir uppbyggingu ferðaþjón­
ustu á Vestfjörðum fæst ekki jafn
glæsileg viðurkenning og Best in
Travel hjá Lonely Planet er. Ég hef
oft sagt að Vestfirðir eigi mikið
inni þegar kemur að ferðaþjónustu
og þarna sjáum við það alveg svart
á hvítu að þetta einstaka svæði
sker sig úr í samkeppni við alla
rómuðustu áfangastaði heims­
ins,“ segir Díana Jóhannsdóttir
hjá Áfangastaðastofu Vestfjarða.
Ferðaþjónusta hefur átt undir
högg að sækja vegna Covid­19 síð­
astliðin tvö ár, en sjá mátti viðsnún­
ing í sumar þegar erlendir ferða­
menn ferðuðust í auknum mæli
aftur til Íslands og til Vestfjarða
þegar létti á ferðatakmörkunum.
„Eftir áföll síðustu ára vegna heims­
faraldurs er svona viðurkenning
mikið tækifæri fyrir ferðaþjónustu á
Vestfjörðum og liður í því að grein­
in taki næsta stóra skref fram á við.
Ferðaþjónustan á Vestfjörðum er
að koma sterk til baka eftir heims­
faraldurinn og stefnir hratt upp á
við. Samhliða uppbyggingu ferða­
þjónustusegla, eins og á Bolafjalli,
mun þessi viðurkenning skipta
sköpum fyrir vöxt og viðgang
ferðaþjónustu á Vestfjörðum,“
segir Jón Páll Hreinsson, bæjarstjóri
Bolungarvíkurkaupstaðar. /MHH
LÍF&STARF
Hjólað niður í Arnarfjörð af gömlu leiðinni yfir Hrafnseyrarheiði. Bíldudalur í fjarska.