Sjálfsbjörg - 01.07.1978, Qupperneq 13

Hvernig er með opnanlega glugga og
gluggalæsingar hjá þér? Eru þeir kannski
svo ofarlega og læsingarnar það flóknar,
að þú átt fullt í fangi með að opna? —
Hvernig heldur þú að það gangi, þegar
þú eldist?
Ég læt þessa upptalningu nægja, en
vænti þess, að mér hafi tekist að sann-
færa einhverja um það, að í ótrúlega mörg-
um tilvikum kæmi hönnun íbúða, sem tæki
mið af hreyfiskertum, almennum íbúum
til góða.
Ég beini orðum mínum beint til ykkar,
góðir lesendur, af afareinfaldri ástæðu.
Á íslandi eru íbúðaframkvæmdir með
nokkuð sérstæðum hætti og ólíkt því, sem
gerist víða annars staðar. — Hér á landi
er algengt, að væntanlegir íbúar byggi
sjálfir hús sín og íbúðir. — Því miður er
í tiltölulega fáum tilvikum byggt eftir
nákvæmum verkteikningum arkitekta, og
allt of sjaldan hafa hönnuðir íbúðanna
eftirlit með framkvæmdum.
Það er því í raun og veru oft eigand-
inn, þú lesandi góður, sem tekur upp á
eigin spýtur ákvarðanir um flest þau
atriði, sem ég vék að hér á undan.
En það er ekki aðeins við nýbyggingar,
sem huga verður að þörfum hreyfiskertra,
heldur og við aðrar íbúðaframkvæmdir,
svo sem endurnýjun eldra húsnæðis og við-
byggingar.
Það þarf alls ekki að vera kostnaðar-
samt að taka aukið tillit til hreyfiskertra
við hönnun almenns íbúðarhúsnæðis og
engan veginn dýrara en sem svarar auknu
gildi íbúðanna, ef ráð er í tíma tekið.
Þegar til lengdar lætur er meira að
segja margfaldur ávinningur að því, að
miða almennt íbúðarhúsnæði meir við
þarfir hreyfiskertra.
Það hefur í för með sér, að þörfin fyrir
sérhannaðar íbúðir verður minni, og kom-
ist verður í auknum mæli hjá kostnaðar-
TRÖPPUR. — Uppstig ó helst ekki að vera hœrra
en 140 mm. Til þess svarar 320 til 350 mm innstig,
uppstig verður að vera ón nefs, eins og neðri teikn-
ingin sýnir.
samri stofnana- eða sjúkrahúsadvöl. I
stuttu máli, verulegur félagslegur ávinn-
ingur fyrir viðkomandi og fjárhagslegur
fyrir þjóðarheildina.
Góðir lesendur, ég hef komið víða við í
erindi mínu, en engu gert fullkomin skil.
Að lokum þetta:
Fjöldi hreyfihamlaðra fer sífellt vaxandi
og gera má ráð fyrir, að sú þróun haldi
áfram.
Þar veldur einkum hækkandi tíðni alvar-
legra umferðarslysa og hlutfallsleg fjölg-
un aldraðra í nútímaþjóðfélagi.
Það er því í senn bæði réttlát og tíma-
bær krafa, að almennt íbúðarhúsnæði sé
þannig byggt, að það henti öllum, þar á
meðal rosknu fólki og hreyfihömluðu að
svo miklu leyti sem það er tæknilega og
fjárhagslega hægt.
Skipulag bæja og hönnun íbúða, sem
leiðir hjá sér þarfir 10% borgaranna er
sannarlega ómanneskjulegt.
Fatlaðir fara ekki fram á nein sérrétt-
indi, heldur sjálfsögð og eðlileg mann-
réttindi.
SJÁLFSBJÖRG 11