Sjálfsbjörg - 01.07.1978, Blaðsíða 34

SIGURÐUR RAGNARSSON
segir frá ferð sinni
með íslenska hesta til Ameríku
og notkun þeirra til endurhæfingar
fatlaðra barna.
_% þessum hesti íinn
ég kraft og mér finnst
ég vera frjáls*'
Um miðjan maí s.l. kom Magnús Yngva-
son að máli við mig og fór þess á leit við
mig, að fara með 20—30 íslensk hross til
Glen Cove á Long Island í Ameríku. Að
sönnu kom þetta mér mjög á óvart og eftir
nokkra umhugsun féllst ég þó á að taka
að mér þetta verkefni. I marsmánuði höfðu
verið keyptir 20 hestar fyrir þessa ferð
og var þeim safnað saman á Kröggólfs-
stöðum í byrjun maí. Með tilliti til vænt-
anlegs hlutverks hestanna var okkur Páli
Sigurðssyni falið að fara vandlega yfir
hvern einstakan hest, þannig að ekki færu
út nema þeir hestar, er við teldum hæfa.
Einnig skyldum við kaupa 10 hesta til
viðbótar, svo og hesta í stað þeirra sem
við teldum ekki hæfa.
Flesta þessa hesta átti að nota við svo-
kallaða „Therapie on horseback“ eða end-
urhæfingu á hestbaki. þar sem fatlaðir
eru látnir sitja eða ríða á hesti til að ná
sem mestri stælingu og öðlast það mikið
jafnvægi, að þeir geti síðar náð þeim
þroska og valdi á líkama sínum að það
nálgast að vera eðlilegir í hreyfingum.
I Bandaríkjunum er vaxandi áhugi fyrir
líkamlegri endurhæfingu á þennan hátt og
skilningur fólks eykst sífellt á þann veg
að gera fötluðum börnum kleift að njóta
til jafns við heilbrigða þess yndisauka sem
hestamennskan er. Með þessu móti teng-
ist barnið lifandi veru og erfiðar líkams-
æfingar og líkamlegir erfiðleikar hverfa
um stund þar sem skipst er á gagnkvæmri
vináttu barns, þjálfara og hestsins og
veitir barninu ánægjulegar endurminning-
ar eftir hvern æfingatíma.
Eins og gefur að skilja er þetta aðeins
byrjunin á öðru meira og víst er að ís-
lenski hesturinn hefur þegar náð forskoti
vegna meðmæla ýmissa evrópskra lækna,
sem starfa á sviði endurhæfingar.
32 SJÁLFSBJÖRG