Sjálfsbjörg - 01.07.1978, Side 45

UVE 904, rafknúinn hjólastóll, einkum œtlaður
til notkunar utanhúss.
Handknúinn hjólastóll, 8 U 256-60-774.
tæki, svo sem hjólastóla, hækjur og göngu-
stafi, en þar með eru ekki upptalin þau
hjálpartæki sem fáanleg eru.
Hjálpartækjabankinn hefur fyrirliggj-
andi nokkurt úrval sýnishorna af hjálpar-
tækjum, auk þess sem hægt er að annast
útvegun næstum hvaða hjálpartækis sem
er, eftir óskum hvers og eins.
Það sem ég átti við með neikvæðri af-
stöðu til hjálpartækja er einkum þetta:
Fólk sem hefur verið til meðferðar á
endurhæfingarstofnun og lært þar notkun
hjálpartækja, væntanlega til þess að gera
sér lífið lítið eitt bærilegra, hirðir ekki
um að verða sér úti um hjálpartæki þegar
það útskrifast af heilbrigðisstofnuninni,
ef það þarf að greiða hluta af andvirði
hjálpartækjanna sjálft.
Þetta er þó sem betur fer ekki algild
regla, en kemur of oft fyrir.
Mér er þó vel ljóst að í mörgum tilfell-
um er ráðstöfunarfé fólks þessa ekki mik-
ið, en oft eru upphæðirnar heldur ekki
háar.
Sum hjálpartæki greiðir Trygginga-
stofnun ríkisins að fullu, en í öðrum greið-
ir stofnunin 50% eða 70%.
Hjálpartæki eru fremur dýr hér á landi,
en það er að ég tel einkum vegna tolla
og annarra skatta, sem innheimt eru af
þeim. — Hjálpartæki eru í mörgum til-
vikum venjuleg verkfæri eða áhöld, sem
með lítilsháttar breytingum er búið að
gera þannig úr garði, að til dæmis mað-
ur með skerta orku í höndum er fær um
að nota verkfærið.
Við þessa breytingu hefur viðkomandi
tæki breytt um sess í tollskránni, sem
yfirleitt þýðir mun hærri toll og stundum
þá hæstu sem finnast í þeirri bók. Einnig
er mikill munur á tollum af hinum ýmsu
vörum eftir því í hvaða atvinnugrein þær
eru notaðar.
Dæmi: Dráttarvélasæti eru í 7% tolli
en baðsæti eru í 80% tolli. Ástæðan er
sú, eftir því sem ég hef komist næst, að
baðsætin eru það ólík öðru sem kallað
er sæti í tollskránni, að ekki ,,er fært að
telja þau (baðsætin) annað en aðrar vörur
úr málmi.“
sjálfsbjörg 43