Fréttablaðið - 12.02.2022, Qupperneq 6

Staðan var auglýst að
nýju í janúar en þá
voru hæfnisskilyrði
ólík því sem var í fyrri
auglýsingu.
Sameiningarkosningar árið 2022
n Kosið 19. febrúar n Kosið 26. mars
Sameiningar sveitarfélaga
eru oft viðkvæmt málefni,
sérstaklega í þeim fámenn-
ustu, og margoft hafa þær
verið felldar. Fimm atrennur
að sameiningu fara fram á
komandi vikum.
kristinnhaukur@frettabladid.is
KOSNINGAR Fimm sameiningar-
kosningar fara fram næstu tvo
mánuði, allar á Vesturlandi og
Norðurlandi. Allar eiga þær það
sameiginlegt að tvö sveitarfélög
geta sameinast og í öllum tilvikum
er annað þeirra áberandi fjölmenn-
ara en hitt.
Næstkomandi laugardag, þann
19. febrúar, verður kosið um sam-
einingu Snæfellsbæjar og Eyja- og
Miklaholtshrepps, Blönduósbæjar
og Húnavatnshrepps, og Skagafjarð-
ar og Akrahrepps. Rúmum mánuði
síðar, þann 26. mars, verður kosið
um sameiningu Stykkishólmsbæjar
og Helgafellssveitar, og Langanes-
byggðar og Svalbarðshrepps.
Eggert Kjartansson, oddviti
Eyja-og Miklaholtshrepps, segir
kosningarnar tvennar á Snæfells-
nesi prófstein á stærri sameiningu.
„Samstarfsnefndin hugsar þetta
sem millileik að frekari sameiningu
á Snæfellsnesi,“ segir hann. Verði
tillögurnar felldar sé hins vegar
erfitt að sjá að farið verði að huga
að henni.
Engin sameining hefur orðið
á Vesturlandi síðan 2006, þegar
Borgarbyggð var stofnuð, og Eggert
segist ekki hafa tilfinningu fyrir
hvorum megin kosningarnar lenda.
„Íbúarnir ráða þessu,“ segir hann,
en kosningarnar séu mikið ræddar
í sveitinni.
Það sem brenni helst á fólki séu
skólamálin. Tveir grunnskólar eru
reknir á sunnanverðu Snæfellsnesi,
Lýsuhólsskóli og Laugagerðisskóli,
sem báðir hafi veikst á undan-
förnum árum. Eftir sameiningu
verði hins vegar vörn snúið í sókn og
stofnaður einn skóli á sunnanverðu
Snæfellsnesi.
Skólamálin brenna einnig á
íbúum Húnavatnshrepps og eru eitt
helsta deilumálið þar. „Það er lagt
upp með að sameina skóla á Húna-
völlum og Blönduósi. Það er alltaf
viðkvæmt mál,“ segir Jón Gíslason,
oddviti Húnavatnshrepps.
Síðasta sumar var tillaga um stóra
sameiningu í Austur-Húnavatns-
sýslu felld. Á Blönduósi er mikill
vilji fyrir sameiningu, en hún var
samþykkt naumlega í Húnavatns-
hreppi, með tæplega 57 prósentum
atkvæða. 65 prósent sögðust vilja
Fimm kosningar á tveimur mánuðum
Sameinining
Snæfellsbæjar
og Eyja- og
Miklaholts-
hrepps gæti
orðið upptaktur
að stærri sam-
einingu á Snæ-
fellsnesi.
FRÉTTABLAÐIÐ/
PJETUR
Hrefna
Jóhannesdóttir
oddviti
Akrahrepps
Íbúafjöldi sveitarfélaganna
Kosningar 19. febrúar
n Snæfellsbær 1.666
n Eyja- og
Miklaholtshreppur 101
n Blönduósbær 934
n Húnavatnshreppur 388
n Skagafjörður 4.085
n Akrahreppur 203
Kosningar 26. mars
n Stykkishólmsbær 1.210
n Helgafellssveit 79
n Langanesbyggð 506
n Svalbarðshreppur 94
viðræður við Blönduósbæ, í könnun
samfara alþingiskosningunum, og
er Jón bjartsýnn á að tillagan verði
samþykkt á laugardag.
Í Akrahreppi er einnig töluvert
rætt um sameiningarmál, að sögn
Hrefnu Jóhannesdóttur oddvita.
Fólk velti fyrir sér afkomu sveitar-
félaganna og þeir sem eru gagnrýnir
hafa áhyggjur af fjarlægðinni milli
kjörinna fulltrúa og íbúanna í dreif-
býlinu.
Árið 2005 var sameining kolfelld
í hreppnum, meira en 83 prósent
sögðu nei. Athygli vakti að tillagan
var líka felld í Skagafirði, sem er
langtum fjölmennara sveitarfélag,
með tæplega 51 prósenti.
„Hlutverk sveitarfélaganna hefur
breyst mjög mikið síðan 2005, með
tilfærslu stórra verkefna frá ríki til
sveitarfélaga, auk þess sem hið raf-
ræna umhverfi hefur gjörbreyst,“
segir Hrefna. „Kröfurnar eru líka
sífellt að aukast varðandi til dæmis
þjónustu við íbúa og aðkomu þeirra
að ákvarðanatöku.“
Á samráðsvettvangi fámennustu
sveitarfélaganna hafi sameining
Skagafjarðar og Akrahrepps verið
nefnd sem tiltölulega auðveld og
sjálfsögð sameining, í ljósi þess
hversu umfangsmikið samstarfið
er nú þegar.
„Við erum með samning við
Sveitarfélagið Skagafjörð um fram-
kvæmd verkefna í f lestum mála-
flokkum og um mörg og mikilvæg
málefni. Það var því álit samstarfs-
nefndarinnar að íbúar myndu ekki
taka eftir miklum breytingum á
þjónustunni ef til sameiningar
kæmi,“ segir Hrefna.
Ef sameiningarnar verða sam-
þykktar ganga þær í gegn fyrir
sveitarstjórnarkosningarnar í vor.
Þegar hefur ein sameining verið
samþykkt, hjá Skútustaðahreppi og
Þingeyjarsveit. Tillögur að heiti hins
nýja sveitarfélags eru nú á borði
Örnefnanefndar. n
lovisa@frettabladid.is
STJÓRNSÝSLA Umsækjandi um
stöðu forstjóra Gæða- og eftirlits-
stofnunar velferðarmála, GEV, sem
metinn var hæfastur en ekki skip-
aður, hefur ákveðið að fara í mál
við félags- og vinnumarkaðsráð-
herra. Umsækjandinn var einn sex
sem sóttu um stöðuna fyrir áramót
og var sá eini sem metinn var nógu
hæfur til að vera tekinn í viðtal.
Eftir að hæfnisnefnd mat um-
sækjandann hæfastan ákvað þó ráð-
herra að auglýsa stöðuna að nýju.
Umsækjandinn fékk fullt hús
stiga í 67 prósentum af hæfnikröfu-
liðum, samkvæmt niðurstöðum
nefndarinnar, en ákvörðun ráð-
herrans lýtur að því að umsækj-
andinn uppfyllti ekki að fullu
hæfnikröfu um leiðtogahæfileika.
Í rökstuðningsbréfi ber ráðuneytið
fyrir sig sem rök fyrir ákvörðun
um að auglýsa embættið að nýju
að í niðurstöðukaf la í álitsgerð
hæfnisnefndar komi fram að ekki
hafi komið „nægilega vel fram sýn
umsækjandans [nafn fjarlægt af
blaðamanni] á mikilvægi leiðtoga-
hæfileika í starfinu“.
Umsækjandinn fékk tvo af fjórum
í þeim matslið sem þó, samkvæmt
niðurstöðu hæfnisnefndar, vó
innan við 7,5 prósent af heildarvægi
hæfnikrafna.
Staðan var auglýst að nýju í
janúar en þá voru hæfniskilyrði
ólík frá fyrri auglýsingu, en í þeirri
seinni var lögð ríkari áhersla á
leiðtogahæfileika og auglýst eftir
„drífandi leiðtoga sem hefur áhuga
á að byggja upp nýja stofnun“ og
krafa um leiðtogahæfileika nú
önnur á eftir háskólamenntun, en
í fyrri auglýsingu hafði hún komið
seinust.
Umsækjandinn telur ekki að
ráðherra hafi haft forsendur til að
stöðva skipunarferlið, eða heimild til
þess, eftir að umsækjandinn var
metinn hæfastur, heldur hefði átt
að skipa hann í embætti forstjóra
GEV. Umsækjandinn telur auk þess
að afskipti bæði ráðherra og ráðu-
neytisstjóra af skipuninni hafi
verið óeðlileg, en áður en ráðherra
var greint frá niðurstöðum hæfnis-
nefndarinnar var umsækjandanum
tjáð af ráðuneytisstjóra að annar yrði
fenginn í embættið og lagt að honum
að draga umsókn sína til baka. Þegar
umsækjandinn varð ekki við því var
staðan auglýst að nýju.
Gæða- og eftirlitsstofnun vel-
ferðarmála er ný stofnun sem
tók til starfa 1. janúar á þessu ári.
Stofnunin tekur við ábendingum
um þjónustu, undir eftirliti stofn-
unarinnar. Samkvæmt heimasíðu
stofnunarinnar geta ábendingar
aðeins beinst að þjónustu sem
veitt er á grundvelli þeirra laga sem
heyra undir eftirlit stofnunarinnar,
það er barnaverndarlaga, laga um
Barna- og fjölskyldustofu, laga um
félagsþjónustu sveitarfélaga, laga
um þjónustu við fatlað fólk með
langvarandi stuðningsþarfir, laga
um málefni aldraðra, laga um Ráð-
gjafar- og greiningarstöð, laga um
Þjónustu- og þekkingarmiðstöð
fyrir blinda, sjónskerta og ein-
staklinga með samþætta sjón- og
heyrnarskerðingu og laga um sam-
þættingu þjónustu í þágu farsældar
barna. n
Höfðar mál gegn ráðherra vegna skipunar í embætti forstjóra
Gæða- og
eftirlitsstofnun
tók til starfa
1. janúar.
FRÉTTABLAÐIÐ/
EYÞÓR
birnadrofn@frettabladid.is
HAFNARFJÖRÐUR Byggingarfélagið
MótX og BM Vallá undirrituðu í
gær samstarfssamning að byggingu
íbúða við Hamranes í Hafnarfirði.
Um er að ræða fimm fjölbýlishús
með alls 170 íbúðum. Húsin verða
Svansvottuð og byggð úr umhverfis-
vænni steinsteypu.
Gert er ráð fyrir að fyrstu íbúð-
irnar verði tilbúnar til afhendingar
2024 og þær síðustu fyrir árslok
2025. Framkvæmdir við húsin hefj-
ast á næstu vikum.
„Við áætlum að kolefnisfót-
spor steinsteypunnar verði 30-40
prósentum lægra en meðaltal
markaðarins í dag,“ segir Þorsteinn
Víglundsson, forstjóri Hornsteins,
eiganda BM Vallá. „Það samsvarar
því að taka um tólf þúsund bensín-
bíla úr umferð á ári hverju.“ n
Fimm fjölbýli og
hundruð nýrra
íbúða í pípunum
benediktboas@frettabladid.is
SAMGÖNGUR Alls er Reykjavíkur-
borg búin að semja um að 13 bens-
ínstöðvar hverfi úr borgarlandinu
í stað íbúðabyggðar. Á fimmta tug
bensínstöðva eru í Reykjavík en
stefnt er að því að þær verði horfnar
fyrir árið 2040, eða eftir 18 ár.
Í stað bensínstöðva munu rísa
íbúðabyg gingar, með eða án
atvinnuhúsnæðis á jarðhæð. Olíu-
félögin eru skuldbundin til að fjar-
lægja mannvirki og hreinsa jarð-
veg innan ákveðins tíma, segir í
tilkynningu borgarinnar. Kvöð
er á lóðunum um að 20 prósent
íbúða skuli vera leigu-, stúdenta- og
búseturéttaríbúðir sem og íbúðir
fyrir aldraða. n
Íbúðir komi í
stað bensínstöðva
Bensínstöð N1 að Ægisíðu mun
hverfa fyrr en síðar.
FRÉTTABLAÐIÐ/SIGTRYGGUR ARI
6 Fréttir 12. febrúar 2022 LAUGARDAGURFRÉTTABLAÐIÐ