Fréttablaðið - 12.02.2022, Blaðsíða 32

Heimagerðar pitsur verða
oft fyrir valinu á heimilum
landsmanna um helgar.
Það er skemmtilegt að gefa
hefðbundnu hráefni frí og
prófa eitthvað frumlegt og
spennandi, hvort sem það
er sósan, áleggið, ostur, eða
eitthvað krassandi sem fer
ofan á. Hér eru þrjár spenn-
andi pitsur sem gaman er að
prófa yfir helgina.
starri@frettabladid.is
Kartöflupitsa með rósmaríni
3 bollar volgt vatn
3 tsk. salt
6-700 g kartöflur
2 msk. olía
Svartur pipar
½ lítill laukur, saxaður smátt
1 msk. ferskt rósmarín, saxað
smátt
1 tilbúið pitsudeig
3 msk. rifinn Parmigiano-Reggi-
ano ostur (má sleppa)
Blandið vatni og salti saman í
stórri skál. Skerið kartöflur í mjög
þunnar sneiðar með mand-
ólíni og leggið í bleyti í 30-60
mínútur. Hitið ofn í 260 gráður.
Þerrið kartöflurnar mjög vel með
viskustykki eða eldhúsþurrkum.
Setjið þær í skál ásamt olíunni,
lauknum, smá svörtum pipar, salti
og rósmaríni.
Blandið öllu vel saman. Fletjið
deigið út og leggið á bökunar-
pappír. Raðið þunnum kartöflu-
skífunum á pitsubotninn og
stráið smá salti og pipar yfir.
Bakið í 10-15 mínútur, eða þar til
kartöflurnar eru aðeins farnar að
brúnast. Takið út og stráið olíu
yfir ásamt smá salti og rósmarín
laufum. Ef Parmigiano-Reggiano
ostur er notaður er honum einnig
stráð yfir hér. Berið fram.
Pitsur með súrum gúrkum
og beikoni
2 msk. olía
1 tsk. hvítlauksduft
1 tsk. ítalskt krydd
1 pitsudeig, tilbúið eða heima-
gert
1-½ bolli mozzarella eða pitsu-
ostur
¼ bolli rifinn Parmesan ostur
3/4 bolli súrar gúrkur í sneiðum
4 beikonsneiðar, steiktar og
skornar í smáa bita
1 tsk. ferskt dill
½ tsk. chili-flögur
Hitið ofninn í 200 gráður. Blandið
saman í skál olíu, hvítlauksdufti
og ítölsku kryddi. Fletjið deigið
út og berið olíublönduna á það.
Stráið ostinum yfir pitsuna og
bakið í 15 mínútur. Takið út,
stráið súrum gúrkum og beikoni
yfir og bakið í aðrar 5 mínútur.
Stráið chili-f lögum og dilli yfir
áður en borið er fram.
Pitsa með þistilhjörtum,
sperglum og pestói
1 tilbúið pitsudeig
1 krukka niðursoðin þistilhjörtu
3 stórir sveppir, skornir í þunnar
sneiðar
4-5 stk. ferskir sperglar (aspas),
skornir þversum í sneiðar
45 g grænt pestó
60 g rifinn mozzarella ostur
Chili-flögur (má sleppa)
Salt og pipar
Hitið ofninn í 230 gráður. Fletjið
deigið út og smyrjið pestóinu
ofan á. Stráið rúmlega helmingi af
ostinum ofan á. Næst fara sveppir,
sperglar og þistilhjörtu. Stráið
afgangi af osti yfir ásamt chili-
flögum, salti og pipar. Bakið í um
14-16 mínútur. ■Kartöflur gera pitsuna öðruvísi.
Þistilhjörtu, sperglar og pestó er bragðgóð nýjung.
Súrar gúrkur eru skemmtilegt álegg.
Frumlegar og
bragðgóðar pitsur
Óvenjulegar pitsur hjá nokkrum
matgæðingum
Hrefna Sætran matreiðslumeistari
Ég elska heimagerða hot sauce úr heimaræktuðu
chili á pitsu. Súrar gúrkur eru oft mjög gómsætar
ef þær eru stökkar og svo er ég stundum í stuði
fyrir kokteilsósu á pitsu, eins og tíðkaðist einu
sinni, en þá verður að vera pepperoni.
Jóhann Issi Hallgrímsson,
eigandi Issi Fish & Chips
Allir afgangsostar eru kærkomnir á pitsuna mína.
Fiskurinn minn, frá Issi Fish & Chips, er geggjaður
á pitsuna og gott er að bæta ólífum og sólþurrk-
uðum tómötum í partíið og í blálokin að dýfa
sneiðinni í sósuna mína. Þetta steinliggur.
Helga María frá Veganistur.is
Undanfarið hef ég gert hvíta pitsu þar sem ég nota
vegan sýrðan rjóma sem ég blanda við hvítlauk,
salt og pipar. Strái yfir rifnum vegan osti og þunnt
skornum kartöflum, þunnt skornum lauk sem ég
hef steikt og rósmarín. Toppað með sítrónuberki,
klettasalati, salti og pipar og hvítlauksolíu.
Jóhanna Laufdal Friðriks-
dóttir byrjaði að taka inn
Protis® kollagen fyrir um
ári, eftir að hafa lesið sér til
um góð áhrif þess á líkam-
ann, liði, hár, neglur, húð og
fleira.
Kollagen hefur margvísleg áhrif
á líkamsstarfsemina. Kollagen er
eins og lím í líkamanum sem hefur
áhrif á liði, hrukkumyndun, hárið
og margt fleira. Þegar við eldumst
byrjar líkaminn að framleiða
sífellt minna magn af þessu mikil-
væga efni. Þá er ekki úr vegi að
taka kollagenið inn sem bætiefni.
„Undanfarið hef ég verið að
kynna mér hvað kollagen getur
gert fyrir líkamann. Það vakti
sérstaklega áhuga minn þegar
ég las um áhrif þess á liðina. Ég
er 43 ára gömul og byrjaði að
finna fyrst fyrir liðaverkjum um
35 ára aldurinn. Aðallega hef ég
fundið fyrir liðaverkjum í tám og
fingrum. Þetta er ættgengt í fjöl-
skyldunni minni. Langamma mín
var svona, amma líka og mamma
og líka systur mömmu.
Þetta kemur þá helst
fram í fingrum og tám.
Stundum eru þær svo
slæmar að þær festast
í liðunum,“ segir
Jóhanna.
Hætt að finna fyrir
pirringi í liðum
„Þegar maður er
kominn á ákveðinn
aldur er gott að huga
að því hvað maður
getur gert til að
njóta lífsins lengur.
Hvort sem það er að
styrkja liðina, bæta
ónæmiskerfið eða
hægja á öldrun, til dæmis hrukku-
myndun. Ég byrjaði að taka inn
kollagen frá Protis fyrir ári síðan
til að fyrirbyggja frekari liða-
vandamál. Ég var farin að finna
fyrir miklum pirringi í tánum
sérstaklega.
Ég veit ekki hversu lengi ég hafði
tekið kollagenið inn, en á ákveðn-
um tímapunkti fann ég að ég var
orðin miklu betri af liðaverkj-
unum, sem versna alla jafna þegar
það tekur að kólna. Þrátt fyrir að
veturinn sé hafinn þá finn ég ekki
lengur fyrir þessum ofsapirringi í
tánum og ég er orðin mun betri í
liðunum í fingrum.“
Húðin ljómar
„Annað sem ég hef tekið eftir er að
hár og neglur vaxa ótrúlega hratt
á mér. Húðin hefur líka verið ein-
staklega góð og fín. Það er eins og
hún ljómi. Ég myndi ekki segja að
bólur hafi verið veigamikið vanda-
mál hjá mér, en ég hef varla fengið
eina einustu bólu síðan ég byrjaði
að taka inn kollagen frá Protis.
Ég hef prófað að taka kollagenið
inn í duftformi en það
hentar mér ekki þar sem
mér finnst bragðið ekki
gott. Margir blanda því út
í kaffi, en sjálf drekk ég
ekki kaffi. Það hentar
mér því mjög vel að
kollagenið frá Protis
fæst í töfluformi. Ég
get bara gleypt töfluna
og þarf ekki að finna
neitt bragð. Ég er líka
rosalega léleg í að
muna eftir að taka inn
bætiefni, því ég borða
ekki morgunmat.
Til að sporna við því
að ég gleymi að taka
inn kollagenið hef ég
dolluna á skrifborðinu mínu í
vinnunni. Þá man ég eftir að taka
það inn að minnsta kosti á virkum
dögum. Svo á ég aukaskammt
heima fyrir helgarnar.“
Íslensk framleiðsla
„Það skiptir mig máli að vita
hvaðan bætiefnin koma sem ég
bæti inn í mitt mataræði. Kollagen-
ið frá Protis er unnið úr íslenskum
hráefnum og inniheldur kollagen
úr íslensku fiskroði. Mér finnst
gott að vita til þess að framleiðslan
fari fram hér heima, enda treysti ég
íslenskri framleiðslu og vil styrkja
hana eftir fremsta megni,“ segir
Jóhanna að lokum.
Um Protis® Kollagen
Kollagen er náttúrulegt prótín og
eitt helsta byggingarefni líkamans.
Gott að vita um Protis® Kollagen:
■ Ekkert gelatín eða sykur.
■ Meira magn virkra efna en hjá
flestum samkeppnisaðilum.
■ Engin aukaefni.
■ Sýnilegur árangur á 30 dögum.
■ Íslenskt hugvit og framleiðsla.
Protis® Kollagen er framleitt
úr íslensku fiskroði hjá PROTIS.
Varan er einstök blanda af bestu
innihaldsefnum sem öll styðja við
styrkingu á húð, hári og nöglum.
Kollagen úr fiski er áhrifaríkara
en kollagen úr landdýrum, þar
sem upptaka úr meltingarvegi er
betri.
Helstu innihaldsefni:
■ SeaCol® er blanda af vatns-
rofnu kollageni úr íslensku fisk-
roði og vatnsrofnu þorskprótíni
úr íslenskum þorski. SeaCol®
tekur þátt í að styrkja vefi
líkamans og viðhalda teygjan-
leika.
■ C-vítamín tekur þátt í myndun
kollagens í líkamanum.
■ Hýalúron-sýra er eitt mest
rakagefandi efni náttúrunnar
og viðheldur meðal annars raka
húðarinnar.
■ Kóensím Q10 er að finna í nær
öllum frumum líkamans. Það
er mikilvægt fyrir endurnýjun
fruma eins og húðfruma.
■ B2- og B3-vítamín, sink, kopar
og bíótín fyrir hárvöxt, endur-
nýjun húðar og vöxt nagla. ■
Protis® Kollagen fæst í næsta
apóteki, heilsuvöruverslun og
stórvöruverslun.
Liðaverkir ekki lengur vandamál
Jóhanna Laufdal kynntist mætti kollagens fyrir um ári og hefur það hjálpað
henni mjög í baráttunni við liðaverki í höndum og tám. FRÉTTABLAÐIÐ/EYÞÓR
4 kynningarblað A L LT 12. febrúar 2022 LAUGARDAGUR