Börn og menning - 2020, Blaðsíða 14
Börn og menning14
Þeir Goscinny og Uderzo gengu til liðs við hið nýja
blað. Sú hugmynd að endurnýta kjarnann í sögunum
um Oumpah-pah, en staðsetja þær í Frakklandi forn-
aldarinnar, virðist snemma hafa skotið upp kollinum.
Öll frönsk skólabörn höfðu lært um hina hugdjörfu
Galla, keltneska þjóð sem veitt hafði rómverska inn-
rásarliðinu öfluga mótspyrnu undir forystu hins hug-
djarfa Vercingetorix á fyrstu öld fyrir Krists burð. Mik-
ið dýpra risti almenn þekking um Galla ekki ef undan
eru skildar seinni tíma staðalmyndir um bardagakappa
með voldug yfirvararskegg og hjálma prýdda fjöðrum
eða vængjum.
Félagarnir ákváðu að láta sögu sína hefjast árið 50
f.Kr., tveimur árum eftir að hersveitir Júlíusar Ses-
ars sigruðu Vercingetorix í orrustunni við Alesíu og
lögðu þar með undir sig gjörvalla Gallíu (Frakkland).
Í veröld þeirra Goscinnys og Uderzos er þó eitt lítið
þorp við sjávarsíðuna á Bretaníuskaga sem enn veitir
heimsveldinu mótspyrnu, Gaulverjabær. Skýringin á
þeim viðnámsþrótti er sú að seiðkarl þorpsins, Sjóðrík-
ur, bruggar töfradrykk sem gefur íbúunum ofurkrafta.
Þótt fámennt og afskekkt sé, er þetta litla þorp sérstakur
þyrnir í augum keisarans Sesars, þar sem það minnir
hann sífellt á að hans helsta afrek, sigurinn á Göllum,
sé ekki algjör. Fyrir vikið er Gaulverjabær afgirtur með
fjórum herbúðum, auk þess sem stjórnin í Róm reynir
í sífellu að finna leiðir til að sigrast á þorpsbúum, helst
með því að ræna þá töfradrykknum.
Lífsglaðir sveitalubbar
Fyrstu skissur Uderzos af aðalsöguhetjunni, sem hlot-
ið hafði nafnið Asterix, sýna stóran og stæðilegan en
örlítið kjánalegan ungan mann, sem svipar verulega til
indíánans Oumpah-pah. Snemma í ferlinu afréðu höf-
undarnir þó að notast frekar við hefðbundið tvíeyki úr
Kjarnadrykkur Sjóðríks seiðkarls
hressir upp á liðið.
© 2020 LES ÉDITIONS ALBERT RENÉ/GOSCINNY – UDERZO