Börn og menning - 2020, Page 23

23Tinni, Hergé og ævintýri þeirra
settist að í París. Skömmu síðar tók hann þá afdrifa-
ríku ákvörðun að snúa aftur til Belgíu og þiggja starf á
Les Soir. Ritstjórinn var gamall vinur Hergés, en hann
var hlynntur nasistum. Þessi ákvörðun átti eftir að elta
Hergé til dauðadags, enda voru flestir samverkamenn
nasista dæmdir í fangelsi eftir stríð og litlu munaði að
Hergé yrði einn þeirra. Fyrsta ævintýri Tinna á Les Soir
var Krabbinn með gylltu klærnar, sem er kannski einna
frægast fyrir það að Kolbeinn kafteinn stígur þar fram á
sjónarsviðið í fyrsta sinn sem veðurbarinn, orðljótur og
hrjúfur skipstjóri, sem einnig er illa farinn alkóhólisti.
Hergé þorir ekki annað en að færa ævintýrið frá Evrópu
og þeir félagar þvælast því um í Sahara-eyðimörkinni,
Marokkó og víðar.
Stríðið magnaðist og nasistar hertu tökin, líka á blað-
inu Les Soir. Hvort sem það var ástæðan eða einhver
önnur var næsta Tinnabók því miður augljós tilraun
Hergés til að ganga í augun á hinum nýju yfirmönnum
sínum. Bókin var Dularfulla stjarnan. Þessi fallega bók
með risa-berserkjasveppnum framan á og sú eina þar
sem Tinni kemur til Íslands, nánar tiltekið Akureyrar.
Í bókinni birtast stækir gyðingafordómar og Banda-
ríkin eru máluð sem óvinurinn, en þau voru einmitt
að dragast inn í styrjöldina gegn Þýskalandi Hitlers á
þessum tíma. Bókin fékk misjafnar viðtökur og segja
má að þegar Hergé hafði sett punktinn aftan við síð-
asta rammann í Dularfullu stjörnunni hafi hann tekið
stefnumarkandi ákvörðun: Tinni er ekki lengur blaða-
maður sem fjallar um málefni líðandi stundar fyrir rit-
stjóra blaðanna sem hann birtist í, heldur ævintýragjarn
landkönnuður sem ferðast um heiminn. Þótt vissulega
ætti pólitík áfangastaðanna enn eftir að setja mark sitt
á ævintýrin, voru þetta mikil þáttaskil í bálknum Æv-
intýri Tinna.
Gullöld Tinnabókanna
Í rúman áratug frá árinu 1942 gaf Hergé út þrjú dá-
samleg ævintýri sem öll komu út í tveimur hlutum;
Leyndardómur einhyrningsins og Fjársjóður Rögnvaldar
rauða færir alla persónusköpun upp á nýtt stig og lýsir
fjörlegri fjársjóðsleit þar sem Vilhjálmur Vandráður er
kynntur til sögunnar í fyrsta sinn. Þar á eftir komu út
samhangandi Sjö kraftmiklar kristallskúlur og Fangarnir
í sólhofinu og loks tunglbækurnar tvær Eldflaugastöðin
Tinni er ekki lengur blaða-
maður sem fjallar um
málefni líðandi stundar
fyrir ritstjóra blaðanna sem
hann birtist í, heldur æv-
intýragjarn landkönnuður
sem ferðast um heiminn.
Í Dularfullu stjörnunni kemur Tinni til Akureyrar.