Bændablaðið - 27.01.2022, Qupperneq 27

Bændablaðið | Fimmtudagur 27. janúar 2022 27
    


 
 





  
  

    
 
   


 
  

 ­€ ‚
 

€ 
ƒ
„ 
 
 ƒ
„ …  
 

 †
„ 
‡ 
…
 
„ …  
‡ 

 
„    
ˆ

 †  LÍF&STARF
Nokkrar sameiningakosningar
fara fram þann 19. febrúar
Nokkrar sveitarstjórnir hafa
ákveðið að fram fari atkvæða­
greiðsla um tillögu um sameiningu
sveitarfélaga þeirra þann 19.
febrúar 2022. Kosið verður um
eftirfarandi sameiningar:
1. Sveitarstjórnir sveitarfélaganna
Blönduósbæjar og Húna­
vatnshrepps.
2. Sveitarstjórnir sveitarfélaganna
Eyja­ og Miklaholtshrepps og
Snæfellsbær.
3. Sveitarstjórnir sveitarfélaganna
Akrahrepps og Sveitarfélagsins
Skagafjarðar.
Fyrir þá sem vilja þá er hægt að
greiða atkvæði utan kjöfundar m.a.
hjá sýslumönnum um land allt.
Atkvæðagreiðslan fer þannig
fram að kjósandi stimplar eða ritar
á kjörseðil orðið „já“ ef hann er
hlynntur tillögu um sameiningu
sveitarfélaganna eða „nei“ ef hann
er mótfallinn tillögunni. /MHH
Menntaverðlaun
Suðurlands afhent
í fjórtánda sinn
Menntaverðlaun Suðurlands
2021 voru afhent í fjórtánda
sinn fimmtudaginn 13. janúar
síðastliðinn. Alls bárust átta
tilnefningar til verðlaunanna.
Magnús J. Magnússon,
fyrrverandi skólastjóri Barnaskólans
á Eyrarbakka og Stokkseyri, hlaut
verðlaunin fyrir framlag sitt til
eflingar leiklistarstarfs meðal
grunnskólanema.
Það eru Samtök sunnlenskra
sveitarfélaga (SASS), sem veita
verðlaunin á hverju ári. Verðlaunin
eru veitt fyrir framúrskarandi framlag
á sviði menntunar á Suðurlandi, sem
um leið er hvatning til frekari dáða.
Verðlaunahafinn 2021 hefur í
áratugi stýrt leiklistarkennslu í þeim
skólum sem hann hefur starfað við.
Ásamt því að vera skólastjóri, stýrði
Magnús leikhópnum „Lopa“, sem
er nemendaleikhópur Barnaskólans
á Eyrarbakka og Stokkseyri. Auk
þess hefur hann nýtt leiklistina til
að efla samskipti og samskiptahæfni
í bekkjum skólans, sem hefur eflt
nemendur og styrkt þá í félagsfærni
og samskiptum, svo eitthvað sé nefnt
af því sem Magnús hefur gert. /MHH
Helgi Kjartansson, varaformaður SASS afhenti Magnúsi J. Magnússyni
verðlaunin og viðurkenninguna. Mynd / SASS
Hrunamannahreppur:
Hefur keypt
24,5 hektara
byggingaland
Hrunamannahreppur keypti
ný lega land á landi Byggðar á
Bríkum, sem er milli tjaldsvæðis
og Svanabyggðar skammt frá
Flúðum. Landið er 25,4 hektarar
og er kaupverðið 130 milljónir
króna.
Landið er mjög gott byggingar­
land og er stefnan að byggja þar upp
nýtt hverfi. Í kaupunum fylgdi með
skipulag svæðisins sem hljóðar upp
á einbýla­ og parhúsalóðir.
„Við viljum aðeins uppfæra það
skipulag og bæta inn raðhúsum
enda er mikil eftirspurn eftir
þannig lóðum. Svo höfum við
rætt við eigendur golfvallarins á
Seli með samvinnu um að hafa
góðar samgöngur um svæðið
af gönguleiðum og jafnvel
golfbílastígum því svæðið liggur jú
alveg við golfvöllinn. Við sjáum það
að það er frábært fyrir golfáhugafólk
að byggja sér húsnæði á þessu
svæði, svona rétt við þennan flotta
golfvöll. Við erum byrjuð á þeirri
vinnu að endurskoða skipulagið
og vonandi liggja fyrir fyrstu drög
að breytingu á skipulaginu á næstu
vikum og í framhaldinu verður
hægt að fara í framkvæmdir,“ segir
Halldóra Hjörleifsdóttir, oddviti
Hrunamannahrepps. /MHH
Í lok árs 2021 var gengið frá kaupum
Hrunamannahrepps á landi Byggðar
á Bríkum, sem er milli tjaldsvæðis og
Svanabyggðar rétt við Flúðir. Landið
sést vel hér á litaða reitnum.
Mynd / Hrunamannahreppur