Bændablaðið - 10.02.2022, Blaðsíða 14

Bændablaðið | Fimmtudagur 10. febrúar 202214
FRÉTTIR
Bíldudalsflugvöllur og TF-ORD, vél Flugfélagsins Ernis á flughlaðinu.
Mynd / HKr.
Bygging vélaskemmu boðin
út á Bíldudalsflugvelli
Isavia Innanlandsflugvellir hafa
boðið út byggingu á vélaskemmu
á flugvellinum á Bíldudal.
„Aðalástæðan fyrir tækja- og
sandgeymslu sem þessari á Bíldudals-
flugvelli er að rekstrar öryggi vallarins
sé aukið,“ segir Sigrún Björk Jakobs-
dóttir, framkvæmdastjóri Isavia
Innan landsflugvalla, í fréttatil kynn-
ingu um málið.
„Við núverandi aðstæður er sand-
ur til hálkuvarna á flugbraut sóttur
til Bíldudals, eða í sjö kílómetra
fjarlægð frá flugvellinum. Það er
mikið óhagræði í því þar sem oftast
þarf að hálkuverja með mjög stuttum
fyrirvara og því er nauðsynlegt að
hafa sandinn á staðnum. Þessu
til viðbótar verður einnig aðstaða
til viðhalds og viðgerða tækja í
skemmunni.“
Samkvæmt útboðslýsingu felur
verkið í sér að reisa vélaskemmu
á flugvellinum á Bíldudal. Sökk-
ull og plötur verða steyptar,
frárennslislagnir lagðar í grunn og
skemma reist. Neysluvatn verður
lagt að skemmunni frá stofnlögn
flugvallarins og ídráttarrör lögð
frá brunni við horn bílageymslu að
rafmagnsinntaki.
Tilboð vegna verkefnisins verða
opnuð þann 14. febrúar næstkomandi
kl. 13. Áætluð verklok eru næsta
haust, nánar tiltekið þann 30.
september. /HKr.
Fiskeldisstöðin sem Arnarlax rekur nú á Hallkelshólum. Mynd / HKr.
Arnarlax með þriðju eldisstöðina í Ölfusi
Arnarlax festi á dögunum kaup
á seiðaframleiðslu Fjallalax á
Hallkelshólum í Grímsnesi og hefur
þar með hafið rekstur í þriðju eld­
isstöðinni í Sveitarfélaginu Ölfusi.
Í síðustu viku veitti Matvæla-
stofnun svo fiskeldis stöð inni 100
tonna rekstrarleyfi fyrir seiða- og
mateldi á lax og bleikju. Framleiðslan
í stöðinni er þegar hafin og hafa um
500 þúsund hrogn verið tekin í hús.
Stöðvarstjóri Fjallalax að Hall-
kels hólum er Matthew Chernin frá
Kali forníu í Bandaríkjunum en hann
hefur staðið í ströngu við undir-
búning á aukningu framleiðsl unnar
síðustu misseri.
Stöðin á Hallkels hólum var
byggð á sínum tíma af heima-
fólkinu, Gísla Hendrikssyni og
Rannveigu Björgu Albertsdóttur.
Starfsemi Arnarlax í Ölfusi fer ört
vaxandi og starfa nú 15 manns hjá
fyrirtækinu þar. /MHH
Samherji stækkar fiskeldisstöð sína
í Öxarfirði fyrir tæpa tvo milljarða
Verklegar framkvæmdir við
stækk un landeldisstöðvar Fisk­
eldis Samherja í Öxarfirði, Silfur­
stjörnunnar, hófust form lega um
síðustu mánaðamót þegar Bene­
dikt Kristjánsson tók fyrstu skóflu­
stunguna. Stöðin verður stækkuð
um nærri helming, þannig að fram­
leiðslan verður um þrjú þúsund
tonn af laxi á ári.
„Sennilega er þetta stærsta verk-
efnið á sviði atvinnumála á svæðinu
síðan Silfurstjarnan var byggð árið
1998, kostnaðurinn er á bilinu einn
og hálfur til tveir milljarðar króna.
Við höfum náð ágætis árangri í
rekstrinum hérna enda eru aðstæð-
urnar hérna að mörgu leyti ákjósan-
legar,“ segir Arnar Freyr Jónsson,
rekstrarstjóri stöðvarinnar í Öxarfirði.
Hann er ánægður með að verklegu
framkvæmdirnar séu hafnar.
Byggð verða fimm ný ker sem
verða um helmingi stærri að um fangi
en stærstu kerin sem fyrir eru. Auka
þarf sjótöku, byggja hreinsimann-
virki, stoðkerfi og koma fyrir ýmsum
tækjabúnaði.
40.000 tonna landeldi
Fiskeldi Samherja áformar að byggja
upp allt að 40.000 tonna landeldi á
laxi á næstu árum og tengist stækk-
unin í Öxarfirði þeim áformum.
„Já við getum sagt að þessi
mikla stækkun Silfurstjörnunnar sé
nokkurs konar undanfari þessa stóra
verkefnis á Reykjanesi, við ætlum
að nýta okkur þá reynslu sem við
öðlumst hérna fyrir norðan þegar
uppbyggingin hefst fyrir alvöru fyrir
sunnan. Þetta eflir klárlega samfé-
lagið í Norðurþingi og ég hlakka til
að takast á við þetta verkefni með því
öfluga heimafólki sem hérna starfar,“
bætir Arnar Freyr við.
Mikil tilhlökkun
Mikil tilhlökkun er fyrir stækkun
stöðvarinnar, það skynjar Olga
Gísladóttir, vinnslustjóri sláturhúss
Silfurstjörnunnar vel.
„Já, sannarlega, Silfurstjarnan er
stærsti vinnuveitandinn í Öxarfirði
fyrir utan sjálft sveitarfélagið. Með
þessari stækkun fjölgar starfsfólki
og þjónustuaðilar fá aukin verkefni.
Þessi starfsemi styrkir svæðið svo
um munar sem matvælahérað, enda
eru aðstæður frá náttúrunnar hendi
ákjósanlegar. Ég hef starfað hérna frá
upphafi og þess vegna fylgst ágæt-
lega með rekstrinum.
Héðan fara vikulega milli 20
og 30 tonn af laxi og með stækkun
aukast umsvifin verulega. Ég er því
full tilhlökkunar.“
/MHH
Víkurvagnar ehf. – Hyrjarhöfði 8. – 110 Reykjavík
Sími 577-1090 – www.vikurvagnar.is – sala@vikurvagnar.is
STYRKUR, ÞJÓNUSTA OG ÁREIÐANLEIKI
MIKIÐ ÚRVAL KERRUVARAHLUTA
VÍKURVAGNAR EHF.
RAFMAGNSBÚNAÐUR
BREMSUR
BEISLI
DEKK
LJÓS
LED LJÓS
Fimm nýjum kerjum verður bætt við stöðina í Öxarfirði hjá Samherja. Stækkunin mun kosta fyrirtækið tæplega tvo
milljarða króna. Myndir / Samherji
Arnar Freyr Jónsson, rekstrarstjóri stöðvarinnar í Öxarfirði, er hæstánægður
með að verklegu framkvæmdirnar séu hafnar í Öxarfirði.
Olga Gísladóttir, vinnslustjóri slátur-
húss Silfurstjörnunnar, segir mikla
tilhlökkun hjá starfsfólki og öllum á
svæðinu fyrir stækkun stöðvarinnar.
Skólabúðir að Reykjum í Hrútafirði:
Endurnýja ekki samning
Samningur um rekstur skólabúð­
anna að Reykjum er runninn út
og hefur sveitarstjórn Húnaþings
vestra ákveðið að framlengja
hann ekki í óbreyttri mynd við
nú verandi rekstraraðila.
Fram kemur í bókun sveitar-
stjórnar að samningurinn hafi
tvívegis áður verið framlengdur og
að rekstraraðili hafi lýst yfir áhuga
á að halda rekstrinum áfram. Einnig
að aðrir áhugasamir hafi gefið sig
fram.
Samþykkti sveitarstjórn að
framlengja samninginn ekki aftur
heldur leita hugmynda og tilboða
í framtíðarrekstur búðanna. Sveit-
ar stjóra og byggðarráði var jafn-
framt falið að gera tillögu til
sveitarstjórnar um hvernig auglýst
skuli eftir samstarfsaðilum um
rekstur búðanna, samningsdrög,
hvaða kröfur skuli gerðar, hvaða
skilyrði umsækjandi þurfi að
uppfylla og hvernig valið verði milli
umsækjenda. /MÞÞ
Reykir í Hrútafirði. Mynd / HKr.