Bændablaðið - 10.02.2022, Blaðsíða 17
Bændablaðið | Fimmtudagur 10. febrúar 2022 17
Í samræmi við reglugerð nr.
1133/2021 hefur Matvælastofnun
ákveðið að skrá Sæbýli rekstur
ehf. með fiskeldi í Grindavík. Um
er að ræða landeldi á sæeyrum í
lokuðu kerfi og hefur starfsleyfi
einnig verið gefið út.
Í tilkynningu MAST kemur fram
að Sæbýli rekstur hafi sótt um skrán-
ingu vegna 20 tonna hámarkslífmassa
í matfiskeldi á sæeyrum (haliotis
discus hannai og haliotis rufescens).
Umsókn um skráningu var móttekin
þann 28. desember 2021.
Hefur sú skráning nú verið sam-
þykkt, en starfsemin er einnig háð
starfsleyfi Umhverfisstofnunar sem
þegar hefur verið gefið út og gildir
til 24. janúar 2038.
Heimilt er að kæra ákvörðun
Matvælastofnunar um skráningu
til úrskurðarnefndar umhverfis- og
auðlindamála og er kærufrestur einn
mánuður frá birtingu auglýsingar.
Þá segir einnig í staðfestingu
Matvælastofnunar að óheimilt sé
að flytja eldistegundir, sem ekki
eru tilgreindar í skráningu milli
fiskeldisstöðva, og lifandi fisk og
hrogn milli ótengdra vatnasvæða.
Matvælastofnun getur bannað flutn-
ing á fiski milli tiltekinna fiskeldis-
stöðva eða um tiltekin svæði nema
að uppfylltum vissum skilyrðum sem
lúta að því að draga úr hættu á að
sjúkdómar dreifist.
Bóluefni og sýklalyf óheimil
Notkun bóluefna og sýklalyfja í fisk-
eldi er óheimil nema með samþykki
Matvælastofnunar.
Óheimilt er að meðhöndla eldis-
dýr með sýklalyfjum nema að
undangenginni sjúkdómsgrein-
ingu dýralæknis eða viðurkenndrar
rannsókna stofu. Varúðar skal gætt
við notkun lyfja og annarra efna í
fiskeldisstöð til að koma í veg fyrir
að efnin berist út í umhverfið.
/HKr.
SELHELLU
Vagnhöfði 7, 110 Reykjavík | Sími: 517 5000 | stalogstansar.is
stalogstansar.is
VARAHLUTIR Í
KERRUR
2012
2021
NYTJAR HAFSINS
Sæbýli rekstur ehf. fær heimild fyrir landeldi á sæeyrum við Grindavík
– Umhverfisstofnun hefur einnig gefið út starfsleyfi sem gildir til 2038
Lifandi sæeyra, sem á latínu er nefnt
„haliotis discus hannai“ og „haliotis
rufescens“. Það er á erlendum mál-
um nefnt ýmsum nöfnum eins og
ear shells, sea ears, abalone, mutt-
onfish eða muttonshells í hluta Ástr-
alíu, ormer í Bretlandi, perlemoen
í Suður-Afríku eða pāua að hætti
Maori-fólks á Nýja-Sjálandi.
Mynd / Wikipedia
Unnin sæeyru. Mynd / Paladin International