Bændablaðið - 10.02.2022, Blaðsíða 37

Bændablaðið | Fimmtudagur 10. febrúar 2022 37
KLETTUR / SALA OG ÞJÓNUSTA / KLETTAGARÐAR 8-10
104 REYKJAVÍK / 590 5100 / klettur.is
ALLAR STÆRÐIR
AF CAT RAFSTÖÐVUM
Gerðu kröfur - hafðu samband við Karl
í síma 590 5125 og kynntu þér þína möguleika.
Stöðvar í gám
Fasteignamiðstöðin Hlíðasmára 17, 201 Kópavogi sími 550 3000 er með til sölu
veitingastaðinn Kaffi Kjós við Meðalfellsveg.
Kaffi Kjós er þjónustumiðstöð sem er staðsett er á 3500 fm eignarlóð í suðurhlíðum
Meðalfells, með góðu útsýni yfir Meðalfellsvatn. Mögulega hægt að fá keypt meira land.
Akstursfjarlægð frá Reykjavík er um 50 km, við þjóðveg nr. 461, um 5 km frá
Hvalfjarðarvegi sem er þjóðvegur nr. 47. Þar er veitingarsala og verslun. Veitingasalur
með 49 sæti. Einnig frábær útiaðstaða. Þar er lögð áhersla á að fólk geti notið veitinga í
heimilislegu umhverfi.
Verið er að selja fyrirtækið og fasteignir. Fyrirtæki og fasteignir í góðum rekstri sem
gefur einnig möguleika á frekari starfsemi en Kaffi Kjós hefur verið rekið í 6 mánuði á ári.
Nánari upplýsingar á skrifstofu Fasteignamiðstöðvarinnar sími 550 3000
eða gegnum netfangið magnus@fasteignamidstodin.is
Samkvæmt fundargerð sveita-
stjórnar Eyjafjarðarsveitar nú
í janúarlok kom fram að Finni
Yngva Kristinssyni sveitarstjóra
hefur verið falið að gera uppkast
að tveggja ára samstarfssamningi
við Freyvangsleikhúsið varðandi
leigu þess og rekstur. Er áætlað að
fyrstu drög verði sett á borðið nú
á dögunum og forvitnilegt að sjá
hvort komist verði að samkomulagi
um afdrif þess.
Framtíð Freyvangs hefur verið
mikið í umræðunni síðustu miss-
eri eftir yfirlýsingu sveitarstjórn-
ar um áætlaða sölu hússins - enda
hýsir staðurinn bæði langa sögu og
er að stóru leyti eina áhugaleikhús
sveitarfélags Eyjafjarðarsveitar
- og þá Akureyrar sem er næsti
bær við. Áhugaleikhús Freyvangs
hefur laðað að sér leikmenn hrepp-
ana en jafnframt að stórum hluta
Akureyrarbúa sem hafa notið þess
að láta ljós sitt skína á fjölunum. Það
má geta þess að um þessar mund-
ir standa yfir æfingar á leikritinu
vinsæla Kardimommubærinn sem
fer í sýningu í byrjun mars – leik-
ararnir í bland búsettir í sveitinni
og á Akureyri og mikil tilhlökkun í
loftinu, bæði leikenda og þeirra sem
á ætla að horfa.
Verðlag og mögulegur kostnaður
Á meðan að meðlimir Freyvangs-
leikfélagsins sjálfs sjái sér ekki fært
að kaupa staðinn (með verðmiða
uppá um 65m króna) er áhugi þeirra
eindreginn þegar kemur að því að
halda starfi sínu hvað viðkemur hús-
inu áfram.
Skiptar skoðanir hafa verið á
hvort slíkt sé of kostnaðarsamt, jafn-
vel óþarft, enda hafi félagsheimilið
Laugarborg nýverið verið gert upp
með það fyrir augum að þjóna íbúum
Sveitarfélags Eyjafjarðarsveitar.
Aðstandendur leikfélagsins telja
þó tam. að viðhald á þeirra vegum
bjóði upp á mun vægari fjárútlát enda
urmull laghentra meðlima þess sem
gætu tekið á ýmsum verkum í stað
útboða sem gætu kostað sveitarfé-
lagið milljónir.
Óvissa um eignarhald
Skoðaður var sá möguleiki að
starfsemi leikfélagsins flyttist í
Laugarborg, en var það ekki talinn
heppilegur kostur miðað við umfang
starfsemi Freyvangsleikhússins. Að
auki má hafa í huga að í Freyvangi
hefur leikfélagið borið aldur sinn og
er, í huga sveitunga, rótgróinn staður
töfra sviðsins enda féllu upphaflegir
eignarhlutar Freyvangs, að nær helm-
ingi eða alls 48 prósent, í hendur ung-
mennafélaga, kvenfélaga og annarra.
Upptalið; Ungmennafélagið Ársól
8%, Ungmennafélagið Árroðinn 8%,
Ungmennafélagið Væringjar 4 % (þeir
ánöfnuðu Freyvangsleikhúsinu síðar
hlut sínum í húsinu) Framfarafélag
Öngulsstaðahrepps 8%, Kvenfélagið
Aldan 8%, Kvenfélagið Voröld 8%
og Slysavarnadeildin Keðjan 4%.
Skráðir eigendur nú samkvæmt
vefsíðu Eyjafjarðarsveitar, eru fyrir
utan sveitarfélagið, Búnaðarfélag
Öngulsstaðahrepps, Samherjar og
Kvenfélagið Aldan-Voröld.
Samkvæmt fyrirtækjaskrá skatts-
ins kemur þó lítið fram á vottorði
um skráningu raunverulegra eigenda.
Framtíð Freyvangs
Þó Freyvangur, ásamt Laugarborg
hafi gengt félagsstarfsemi
af ýmsum toga, kom fram í
stefnumörkunarvinnu sveitastjórnar
Eyjafjarðarsveitar varðandi fram-
tíðarhlutverk félagsheimilanna – árið
2000 - að Freyvangi væri markað
hlutverk leikhúss.
Örlög Freyvangsleikhússins eru
þó, þegar þetta er skrifað enn óráðin,
en ljóst er að starfseminni sé sjálfhætt
náist samningar ekki og leikfélagið
missi aðstöðuna í Freyvangi. Tillögur
sveitastjórnar að samstarfi séu því í
eldlínunni og verða hugmyndir að
úrlausn vonandi á borð bornar nú í
vikunni. /SP
Til fróðleiks
- Áður, er hrepparnir
voru aðskildir, tilheyrðu
félagsheimilin er um er fjallað
hér í greininni, sitthvorum
hreppnum. Laugarborg var
tekið í notkun sem félagsheimili
fyrir Hrafnagilshrepp árið
1959 en Freyvangur fyrir
Öngulsstaðahrepp árið 1957.

- Sveitarfélagið Eyjafjarðarsveit
varð til í ársbyrjun
1991 með sameiningu
Öngulsstaðahrepps,
Hrafnagilshrepps og
Saurbæjarhrepps.
Hjartað og sálin í sveitinni:
Óráðin örlög Frey-
vangsleikhússins
Dagblaðið Íslendingur 03. maí árið 1957 segir frá opnun glæsilegs félags-
heimilis, Freyvangs.