Bændablaðið - 10.03.2022, Side 4
Bændablaðið | Fimmtudagur 10. mars 20224
FRÉTTIR
Búgreinaþing 2022 – NautBÍ – deild kúabænda í Bændasamtökum Íslands:
Greiðslumark og kynbætur ræddar meðal nautgripabænda
Alls skilaði deildabúgreinafundur
nautgripabænda 46 málum
til Búnaðarþings á sérstöku
bú greinaþingi sem fram fór á Hótel
Natura í Reykjavík dagana 3.–4.
mars. Herdís Magna Gunnars
dóttir var endurkjörin formaður
deildar innar sem ber nú nafnið
Nautgripa bændur BÍ.
Fundur deildar kúabænda fór
fram bæði fimmtudag og föstudag
Búgreinaþingsins á Hótel Natura en
um 40 bændur tóku þátt. Á þinginu
voru samþykktar starfsreglur/
samþykktir fyrir deildina sem ber
nú nafnið Nautgripabændur BÍ,
skammstafað NautBÍ. Samþykktirnar
munu birtast á vefsvæði deildarinnar,
www.bondi.is/naut.
63 tillögur frá stjórn og
félagsmönnum
Auk almennra fundarstarfa fór
fundurinn yfir stefnumörkun BÍ
ásamt því að að taka til umfjöllunar 63
tillögur frá stjórn og félagsmönnum.
Alls skiluðu 46 mál sér úr nefndum
og voru þau lögð fyrir þingið.
Umræður sköpuðust meðal annars
um jöfnun sæðingarkostnaðar, stöðu
á nautakjötsmarkaðinum, kynbætur
íslenska kúakynsins, endurskoðun
búvörusamninga og greiðslumark
mjólkur.
Herdís Magna Gunnarsdóttir
kjörin formaður NautBÍ
Herdís Magna Gunnarsdóttir á
Egilsstöðum var kjörin formaður
deildarinnar næstu tvö árin. Hún
hefur verið formaður hjá kúabændum
síðan árið 2020 og setið í stjórn
frá 2017. Endurkjörin í stjórn
voru þau Bessi Freyr Vésteinsson
á Hofsstaðaseli, Rafn Bergsson í
Hólmahjáleigu, Sigurbjörg Ottesen
á Hjarðarfelli og Vala Sigurðardóttir
á Dagverðareyri.
Þingið samþykkti að fjölga
varamönnum í stjórn upp í þrjá
einstaklinga. Varamenn stjórnar
eru í réttri röð þær Guðrún Eik
Skúladóttir, Tannstaðabakka, Sigrún
Hanna Sigurðardóttir, Lyngbrekku
og Aðalbjörg Rún Ásgeirsdóttir,
Stóru-Mörk.
Verðlaun fyrir bestu nautin
Guðmundur Jóhannesson, ráðu-
naut ur hjá Ráðgjafarmiðstöð land-
búnaðarins, veitti eigendum tveggja
nauta verðlaun. Nafnbótina „Besta
naut fætt árið 2014“ hlaut Hæll 14008
frá Hæl 1 í Eystrihreppi. Ræktendur
Hæls eru Bolette Höeg Koch og
Sigurður Steinþórsson. Nafnbótina
„Besta naut fætt árið 2015“ hlaut
Tanni 15065 frá Tannstaðabakka í
Hrútafirði. Ræktendur Tanna eru
Guðrún Eik Skúladóttir og Óskar
Már Jónsson.
Deildin veitti Sigurði Loftssyni,
Arnari Árnasyni og Margréti
Gísladóttur heiðursviðurkenningar
fyrir óeigingjarnt starf í þágu
nautgriparæktar. Sigurður sat sem
formaður Landssambands kúabænda
árin 2009-2016 og sem formaður
Nautgriparæktarmiðstöðvar Íslands
(NautÍs) frá upphafi til ársins
2021. Arnar sat sem formaður
Landssambands kúabænda árin
2016-2020. Margrét sat sem
framkvæmdastjóri Landssambands
kúabænda (LK) og síðar sem
sérfræðingur innan BÍ, 2016-2022.
Gísli Hauksson og Jónína
Einarsdóttir á Stóru-Reykjum í
Flóa hlutu viðurkenninguna Fyrir-
myndarbú nautgripabænda BÍ 2022.
„Á Stóru-Reykjum er snyrtimennska
og umgengni bæði innan- og utandyra
til algjörrar fyrirmyndar. Búið er
virkt í ræktunar- og félagsstarfi
og árangur með því albesta.
Orðstír búsins er flekklaus í
hvívetna,“ segir í umsögn um búið.
Nautgripabændur BÍ eiga 21
fulltrúa á Búnaðarþingi.
Formaður og stjórn deildar eru
sjálfkjörnir fulltrúar deildarinnar
en kjósa þurfti 16 Búnaðarþings-
fulltrúa auk varamanna.
/ghp
Herdís Magna Gunnarsdóttir var kjörin
formaður deildar kúabænda hjá BÍ.
Aðstandendur Hæls frá Hæl I tóku við viðurkenningu. Hæll hlaut nafnbótina
Besta naut fætt 2014. Myndir / Guðrún Hulda Pálsdóttir
Gísli Hauksson og Jónína Einarsdóttir, ábúendur Stóru-Reykja í Flóa, hlutu
viðurkenninguna Fyrirmyndarbú nautgripabænda BÍ 2022.
Guðrún Eik Skúladóttir tók við verðlaunum fyrir naut í sinni eigu, Tanna frá
Tannstaðabakka í Hrútafirði.
Núverandi og verðandi kúabændur tóku þátt í fundinum.
Stjórn Bændasamtaka Íslands
hefur undanfarið rætt við fulltrúa
afurðastöðva, á grundvelli
samþykkta Búnaðarþings 2020,
um að afurðastöðvar verði önnur
stoð undir tekjur Bændasamtaka
Íslands og landbúnaðar í landinu.
Gunnar Þorgeirsson, formaður
BÍ, segir að fari hafi fram viðræður
fulltrúa afurðastöðvanna um að
koma að verkefninu. „Eins og
staðan er í dag er enn verið að
móta hugmyndina og hvað getur
raungerst og hvað ekki. Niðurstaða
þeirra viðræðna verður síðan lögð
fyrir komandi Búnaðarþing til að ná
fram skoðun bænda á hugmyndinni
og hvort þeir vilji að unnið verða
með hana áfram.“
Að sögn Gunnars er þetta eitt af
þeim málum sem taka þarf afstöðu
til og hugsa til framtíðar þrátt fyrir
að ekkert sé enn fast í hendi með
áframhaldið. /VH
Afurðastöðvar sem önnur stoð BÍ
Deild kjúklingabænda fundaði á Búgreinaþingi 2022:
Tollvernd getur stutt við íslenskan landbúnað
Deild kjúklingabænda innan
Bændasamtaka Íslands fundaði
í fyrsta sinn á Búgreinaþingi 3.
mars síðastliðinn. Á fundinum
ræddu félagar deildarinnar helstu
málefni greinarinnar.
Í stjórn deildarinnar voru kosin
Guðmundur Svavarsson, formaður,
Eydís Rós Eyglóardóttir og Jón
Magnús Jónsson.
Guðmundur segir að þrátt
fyrir að stofnuð hafi verið
deild kjúklingabænda innan
Bændasamtakanna verði Félag
kjúklingabænda áfram til með
starfsemi í algjöru lágmarki. „BÍ
hefur tekið yfir allan daglegan
rekstur og hagsmunagæslu fyrir
búgreinina. Fram til þessa hafi það
gengið mjög vel og félagsmenn bindi
miklar vonir um góða samstöðu og
aukinn slagkraft til framtíðar af hálfu
BÍ, eftir breytingar á félagskerfinu.
Hagsmunir allra bænda óháð búgrein
fari saman og þeim sé best borgið
innan BÍ.“
Samhljómur um tollavernd
Guðmundur segir að meðal þess
sem rætt var á fundinum sé stefnu-
mörkun fyrir Bændasamtök
Íslands, samþykktir fyrir deild
kjúklingabænda og tollvernd sem
við teljum að geti stutt við íslenskan
landbúnað.
„Við vorum sammála um að
það hafi verið samhljómur í ávarpi
formanns Bændasamtakanna og
þess sem Stefán Vagn Stefánsson,
formaður atvinnuveganefndar
Alþingis, sagði sérstaklega hvað
varðar tollamálin.“
Auka þarf menntun tengda
alifuglabúskap
„Eitt af því sem við ræddum á
þinginu er menntun í alifuglabúskap
eða öllu heldur skortur á henni og
við hvetjum eindregið til að vægi
hennar verði aukið í menntun
búfræðinga. Þá teljum við brýnt að
Landbúnaðarháskólinn bjóði upp á
námskeið sem nýst geta greininni,“
segir Guðmundur.
Búnaðarþingsfulltrúar deild ar
kjúklingabænda eru Jón Magnús
Jónsson og Eydís Rós Eyglóardóttir.
/VH
Stjórn Félags kjúklingabænda. Eydís Rós Eyglóardóttir, Guðmundur
Svavarsson, Kristján Einir Traustason, Jón Magnús Jónsson, Jón Magnús
Jónsson yngri og Kristín Sverrisdóttir. Mynd / ehg