Bændablaðið - 10.03.2022, Qupperneq 63
Bændablaðið | Fimmtudagur 10. mars 2022 63
Þegar verndarar láðs og legs ber á
góma er gaman að rekast á þá þar
sem maður á síst von. Þó er ekki
um að ræða hina eiginlegu guði hins
ritaða orðs heldur líkneski þeirra er
steypt hafa verið í stein eða annað
fast mót.
Spænska eyjan vinsæla, Gran
Canaria – sem við Íslendingar köllum
Kanarí – er löngum þekkt fyrir fagrar
strendur, gróðursæld og skóga, í bland
við stórborgina Las Palmas. Kanarí er
gróskumest að norðanverðu er gætir
meira regns, auk hitamismunar sem
jafnan er á ströndinni og ef miðað er við
ofanverða eyjuna. Að vetrarlagi á það
svo til að snjóa í hæstu fjallhlíðunum.
Nú nú, á meðan að það er hægt að njóta
sín þarna í hvívetna á svæðinu má, á
austurhluta eyjunnar, finna ströndina
Melenara. Þar í flæðarmálinu rís
sjávarguðinn Póseidon upp úr hafinu,
fjögurra metra há bronsstytta er gerð
var af listamanninum Luis Arencibia
árið 2001. Þar sem öldurnar leika um
styttuna má sjá tignarlegan guðinn með
þrífork sinn við hönd líta alvarlegum
augum á veröldina í kring.
Kóngafólk á hafsbotni
Konu hans, Amphitrite, má svo finna
nokkurn spöl í burtu, eða í tæplega
fjögurra tíma flugferð (með flugvél)
á Cayman-eyjunum sem eru bresk
hjálenda í vesturhluta Karíbahafsins.
Þar fyrir utan, á hafsbotninum, þar
sem kallað er Sunset Reef, má finna
drottningu hafsins ef svo má kalla,
bronsgerða í hafmeyjarlíki. Styttan
er tæpir þrír metrar að hæð og í
kringum 300 kíló, en hún var gerð
af listamanninum Simon Morris árið
2000. Amphitrite þessi var kölluð
móðir hafsins, eða reyndar „Hin
hástynjandi móðir fiska, sela og
höfrunga“. Eða loud-moaning ... Í raun
má ætla að stunur hafdrottningarinnar
hafi fremur átt að merkja háværan
öldunið en annars lags hávaða.
Amphitrite var að upplagi þekkt
fyrir þolinmæði og rólegheit en þó
afbrýðisöm og hefnigjörn ef þannig
stóð á.
Einnig á hafsbotni, við karabísku
eyjuna San Andre, má finna aðra
styttu Póseidons eftir listamanninn
Mario Hoyos, sem líkt og aðrar
slíkar styttur áður laðar að sér kóral,
þörunga, fiska og forvitna kafara. Árið
2012 tók Hoyos þessi sig til, mótaði
styttuna úr vistvænu efni og tók svo
þann pól í hæðina að hafa hlekki á
fótum sjávarguðsins. Ekki er vitað
hvers vegna þessi listræna ákvörðun
var tekin sem þykir sérstök með tilliti
til þess að guðir hvers lags fyrir sig
ættu að geta verndað umhverfi sitt
ófjötraðir.
Neptúnus og Salacia
Öllu kraftalegri styttu af guðinum
Neptúnus má svo augum líta ef
gengið er meðfram strandlengju
Virgina. Styttan sú var reist árið 2005
eftir rausnarleg peningaframlög er
söfnuðust saman á hátíðinni Neptune
Festival 30. september árið 2005.
Styttan, sem gerð er úr bronsi, er 34
fet að hæð, eða ríflega 10 metrar,
og stendur Neptúnus hnarreistur
við göngustíginn, umkringdur
sjávardýrum, með voldugan þrífork
í hendi. Verndari samfélagsins og
áminning um að virða og vernda
náttúruna og hafið í kring.
Kona Neptúnusar, Salacia, þótti
ægifögur gyðja saltvatns en ekki er
mikið um styttur af henni neðansjávar.
Hún skreytir hús í Antwerpen-borg
Þýskalands, eitt „Hansahúsanna“, en
á þeim eru oft fagrar skreytingar að
framanverðu og finnast helst í norður-
þýskum borgum.
(Til frekari upplýsinga er víst rétt
að taka fram að Póseidon var
sjávarguð í grískri goðafræði, bróðir
Seifs. Póseidon eða á forngrísku
Ποσειδῶν, var óútreiknanlegur
sjávarguð sem rak helst óvini sína á
hol með þríforknum. Hann stjórnaði
öldugangi hafsins og var talinn geta
valdið jarðskjálftum að vild.
Samsvarandi vatna-/sjávarguð
rómverskrar goðafræði var hins vegar
Neptúnus, bróðir Júpíters og Plútós;
bræðranna sem stjórnuðu himni,
undirheimum og jarðneskum heimi.
Neptúnus var að sama skapi jafn
geðstirður og Póseidon og átti það
til að kljúfa fjöll, kasta þeim í sjóinn
í bræði sinni og mynda þannig eyjar
sjávarins.) /SP
ALLAR GERÐIR
TJAKKA
SMÍÐUM FRÁ GRUNNI OG GERUM VIÐ
VHE • Melabraut 27 Hafnarfjörður • Hraun 5 Reyðarfirði
Sími 843 8804 • Fax 575 9701 • www.vhe.is • sala@vhe.is
Aukin ökuréttindi
Endurmenntun
Ökuskólinn Mjódd - Þarabakka 3 - 109 Reykjavík - s:5670300 - mjodd@bilprof.is
Næstu námskeið
Fjarfundur í rauntíma
29. mars
Staðnám - hraðferð
28. apríl
Vöruflutningar
9./10. mars - 17:00 - 20:30
Skyndihjálp
12. mars - 9:00 - 16:00
Lög og reglur
14. mars - 17:00 - 20:00
15. mars - 17:00 - 21:00
Umferðaröryggi
16./17. mars - 17:00 - 20:30
Vistakstur
19. mars - 09:00 - 16:00
Lög og reglur
21. mars - 17:00 - 20:00
22. mars - 17:00 - 21:00
atvinnubílstjóra
Menntun ökumanna er okkar fag
PÓSTKASSAR
þessir sígildu -
sterkir úr stáli.
Verð 11.500kr
Sími 567-6955
lettitaekni@lettitaekni.is
Vinsamlega hafið samband við Björgvin Guðjónsson, búfræðing
og löggiltan fasteignasala í síma 510-3500 og 615-1020
eða á netfangið bjorgvin@eignatorg.is
Skipholt 50b, 105 Reykjavík
Vegna aukinnar eftirspurnar óskum
við eftir bújörðum á söluskrá
S TÆ Ð U V E R KU N - F U N D U R Á H E L L U
Boðað er til fræslu- og umræðufundar um stæðuverkun, þar
sem leitast verður við að svara m.a. eftirfarandi spurningum:
• Ætti ég að fara í stæður?
• Hver er ávinningurinn?
• Hver er áhættan?
• Hvað þarf að hafa í huga til að ná úrvalsverkun?
Erindi flytur Grétar Hrafn Harðarson dýralæknir.
Á fundinn kemur einnig Tim Brewer frá Silostop og kynnir
eiginleika Silostop Max stæðuplastsins í stuttu erindi.
Fundurinn er haldinn þriðjudaginn 15. mars kl. 14 - 16 í
Safnaðarheimilinu, Dynskálum 8, HELLU.
Allir áhugasamir um stæðuverkun velkomnir.
Verndarar láðs & legs
Póseidon rís hér upp úr hafinu við strandir Kanaríeyja, 4 m há bronsstytta
eftir listamanninn Luis Arencibia.
UTAN ÚR HEIMI